مش عارف .... !*
 

ده شىء طبيعى بس انت لازم متزهقش وتحط ادامك هدف واحد بسسسسسسسسس ان كلها شهرين وهتنام مش قلقان وافتكر يوم النتيجة واهلك مبسوطين بيك ولو طالو يجيبولك حتة من السما هيجيبوهالك الشهرين دول خلاصة تعب السنتين واللى هيتحدد بيهم مصيرنا واللى لو مذكرناش فيهم هنضيع مجهود السنتين وعلشان متزهقش خليك دايما قريب من ربنا ولما تزهق افتح المصحف اقرا فيه هتلاقيك ارتحت وعندك طاقة تدفعك للمذاكررة ودايما قول اذكار الصباح والمساء . وربنا معاك ويحققلك هدفك واجى بلدكو " طنـــــــــــــــــطـــــا". بالتوفيق.:022yb4::)

اطمن
يعني المفروض نقول ايه؟؟
6ساعات احسن من ولا حاجة خالص
ربنا يصبرك و يوفقك

شكرا لمرورك الجميل يا دكتوره ( ان شاء الله )

بس انا سؤال بحاول اساله لاى حد ممكن اشوف


الواحد المفروض يذاكر قد ايه


ابن عمتى فى طب بيقولى تنام 6 ساعات وتذاكر اليوم كله

بصراحه صدمنى جدااا وخوفنى

انا والله بقول كده .. بس انا برضه 6 ساعات مش كل يوم

فيه ايام بتحصل ظروف .. ما بكملش 4 ساعات


ربنا يسترها

المفروض الواحد يذاكر بس ما يضغطش على نفسه
المذاكرة مش بكم ساعات معين أهم حاجة الكيف يعني إنك في آخر اليوم فعلاً تكون ذاكرت كل اللي كنت ناوي عليه
و في أوقات المذاكرة نفسها يفضل إننا نذاكر ساعة و ناخد راحة 10 دقايق بس ما نضيعش الوقت و المهم إننا نحاول على قد ما نقدر نستغل وقتنا بس مش طول اليوم مذاكرة لازم نخصص وقت للقرآن و وقت للترفيه و هكذا
بس ياريت نعمل جدول في أول كل يوم بالحاجات اللي عايزين نخلصها و لو نفذناه نكافئ نفسنا و لو ما نفذناهوش نعاقب نفسنا يعني مثلا ممكن يكون العقاب إننا ما نقعدش على النت لمدة يوم بس نكون فعلاً ملتزمين بالجدول دة

انا بعمل جدول وبمشى عليه

بس للاسف انا بتغابى فى عمل الجدول

بقوم جاى قايل انا هذاكر من 6 ل 6

افضل اذاكر متواصل 4 ساعات

بعدين دماغى تصدع ... اقوم

بس للاسف برجع بصعوبه جداااااااااا

فعلا الكيف اهم من الكم وانا بصراحة عمرى ممسكت الساعة لنفسى علشان اعد ساعات المذاكرة بس ده بيتوقف على المادة نفسها بس المفروض فعلا اننا ننام 6 ساعات كحد اقصى والباقى مذاكرة بس ميمنعش نروح عن نفسنا شوية ونقرا قران ونصلى السنن مع الفروض لان الدراسة عبادة بردو بنتقرب بيها لربنا . بالتوفيق ومعلش عالرغى الكتير ده .

ماهو انت المفروض تقول من 6 ل6 بس كل اربع ساعات نروح نص سلعة عن نفسك وترجع تانى كدة مش هتزهق علشان ده من ضمن الجدول وهترجع بسهولة ان شاء الله .

هو فعلا المذاكرة المتواصلة بتجيب صداع فأهم حاجة ناخد ريست بسيط بين كل ساعة
و دة بيخلينا نرجع تاني للمذاكرة بنشاط

كدة احنا فضفضنا شوية يلا نقفل النت ونقوم بقى اللى هيذاكر يذاكر اما انا هنام وهصحى كمان 3 ساعات اصل جدولى غريب شوية ههههههه . تصبحو على خير وقومو ذاكرو احسن . بالتوفيق.

هههههههههههه ماشي يللا نقوم نذاكر كلنا

انا هقوم انام وان شاء الله نبدا من بكره .... تصبحوا على خير