|
التركى .. قنبلة موقوتة !!
السلام عليكم ورحمة الله وبركاته ياااااااااااااااه من زمان مكتبتش حاجة بجد وحشنى المنتدى وكل الناس اللى فيه يارب تكونوا باحسن حال :):) وقبل ما ياخدنى الكلام ف السلامات الكتيرة دى ياللا ندخل ف الموضوع احسن انساه :o .. الله يخربيت مهند ونور وفاطمة وكريم ف ساعة واحدة ;) ماهو احنا فاضيين يخلص مهند اللى قعد شغال سنة كاملة هو ونور وبعديها سنة كمان هو والست ميرنا يقعدوا يحبوا ف بعض ويشتغلونا :mad: والبنات تقعد ادام التلفزيون تتفرج عليهم والمناديل ف ايدها ولااااااا مش بتكتفى بكده وبس دى كمان بتتفرج ع الاعادة وبردو معاها مناديل عشان بس لزوم السهوكة :blush: وبدل ما ناخد من امريكا معونة قمح هناخد معونة مناديل :d و البنات مبقوش لاقيين حاجه يعملوها غير انهم يتفرجوا على تركى بدل ما يروحوا يتلهوا فى مزاكرتهم ولا حاجه تنفعهم :blush: وطبعا الاتراك مش مريحين نفسهم ابدا طلعوا لينا دلوقتى بمسلسل جديد :blush: وطلعولنا كريم باشا هو والست فاطمة اللى اكيد مش هيقل عن 250 حلقة والهبل بئا هيشتغل :d:d اتنين بيحبوا بعض حلقة ويتخاصموا ف حلقة ويتصالحوا ف حلقة وكل حلقة تظهر مشكلة يقوم المخرج يدى البطل الحل .. والبنات يعيطوا لما الابطال يسيبوا بعض والمناديل هتشتغل .. وبعدين تلاقى ابتسامة عريضة لما يرجعوا لبعض وف الاخر لما المخرج يتعب يخليهم يتجوزوا بالمرة ويرجعوا يحبوا ف بعض من تانى :romarioxp6: وانتشر كريم واتعرف وف كل حتة اروحها الاقى سى كريم اروح الجامعة الاقى كريم افتح الفيس الاقى كريم انا بقيت خايفة خلاص سى كريم يطلعلى ف الحلم ماهو ده اللى ناقص كمان :stickjo4: ولما اروح اسال بنت وقولها هو مين كريم ده اللى انتوا هتموتوا عليه ههههههه بتقولى فيه قصايد شعر وكأنها فجأة قلبت المتنبى ف زمانه وده كله عشان كريم الناس تقول كريم كريم .... وانا اقول مين الاخر كريم ده !!! تقولى اللى مع فاطمة :blush: وتقولى يا خرابى ع كريم هى دى الرجالة مش اللى عندنا :blush: ده راجل امور وعسول وسكر وكل حاجة حلوة بتلزق :p والله ده بئا وباء فنى واعلامى اسمه المسلسلات التركى مش فاهمة بجد سر جنون الناس بيهم مع ان الواحد بيزهق من مسلسل 30 حلقة ماشاء الله ع التركى اكتر من 250 حلقة وف النهاية طلعت ظاهرة جذبت عقول ناس كتير اتمنى انها تنتهى لحسن الواحد مرارته اتفقعت من الناس الملزقة دى :p:p:p الله يحرق التركى على اللى اخترعه :slap1qk6::slap1qk6: وردة امل |
عمرى ما اتفرجت على حلقة على بعضها من ساعت ما اخترعوا حاجة اسمها مسلسل تركى كبيرى عشر دقايق وبكسر التلفزيون :blush: وانا مش بحب المدبلج اصلا ,, فما بال حضرتك لما يكون مدبلج ويقعدوا 300 حلقة فى حدوتة تخلص فى 10 دقايق ,, ده الكابتن ماجد كان ارحم :d واكبر دليل انها فاشلة انها مانجحتش فى تركيا زى مانجحت فى الوطن العربى وخصوصا مصر وففيه دول مادخلتهاش اصلا يعنى العيب فى الثقافة والناس ,, عايزين حد يوعى الناس الناس ويديهم امل بدل الاكتئاب اللى عايشين فيه ده :( شكرا على الموضوع |
ربنا يرحمنا
اقتباس:
|
مع احترامي لصاحبه التوبك
المفروض اننا نحترم حرية الناس ومانتريقش عليها كل واحد وليه حريته والحاجه اللى هو حاببها ولو ماحدش عاجبه مايتفرجش احسن لكن مش نفضل نتريق عليه ونرغي على الموضوع اكتر ماهو بيتكلم عليه انا شايفة ان المسلسلات التركي اشتهرت اكتر بسبب التريقة اللى اتقالت عنها ودى حرية كل واحد والحاجه اللى بيحبها وبيستمتع بيها وشكرا تحياتى |
على رأيك و الله أنا عندي ف المدرسة صحبتي بتتفرج عليه و متابعاه اخر حاجة و بتقولي تابعيه عشان لما اجي تاني يوم ف المدرسة نقعد نحكي لبعض ع الحلقة اللي لسة شايفينها امبارح:excl::excl::excl: بس ده بعدها:p:p:p و عندي اختي ف 3 ثانوي متابعاه هو حلو اه بس الواحد يموت هو و بيتفرج عليه لحد ما يخلص :excl::excl::excl:
و على فكرة كريم مش قد كده هههههههه :cool::cool::cool: انتي جربي هندي و سيبك م الهلس ده كله :d:d:d بجد موضوع حلو :d:d:d |
تركي تاني . . يقطع التركي يابنتي والله إحنا فاضيين للتركي صراحه مبقتش أحب اسمعه كفايه الأخبار اللي مبقتش تسر الايام دي ومتفتحش النفس اصلا ع اي حاجه نتفرج عليها ذى دي عايزين نعيش الواقع بجد . . . عن نفسي أتمني أنهم يلغو التركي خالص ميرسي وردتي ع التوبيك يا جميل |
اقتباس:
:d:d مورا هنا يبقا بلاش أتكلم عن كريم :p:p واهدي شويه ع ورده يا حجه سمر :d |
اقتباس:
هههههههههههههههههههههههه لايابنتي انا مش قصدي حاجه والله بس احنا كده مابنصدق نلاقي حاجه جديدة نفضل نتريق عليها ما كل واحد حر فاللى بيحبه وبيستمتع بيه يمكن التركي بيقعد حلقات كتير جدا وممل بجد بس والله بيمثلوا تمثيل احسن بكتير من عندنا وتصدقي الممثل وهو بيأدي دوره مش زي عندنا 30 حلقة وأقلب اى حاجه وخلاص طب مابتبصوش ليه احنا بنتابع كل الحلقات دي ازاى ومش بنمل عشان بجد تمثيلهم يشد الواحد ويشوقك تتفرجي على اخر حلقه وانا لما بتفرج مش عشان مغرمة بالبطل ولا حاجه لا والله بس القصة فعلا بتشدني انى اتابعها لاخرها بس كده وسوري ياوردة بس ده رأيي المتواضع ميرسي على التوبيك ياقمر |
المسلسل التركي كتير بتخنق لما بشوف حد بيتفرج عليه :stickjo4::stickjo4: وكتير عملت مشاكل بسببه فمن وجهة نظري أن النساء تعلمن من خلاله معنى الخيانة وتجد الرجال أيضاً يبحثون عنها الحب والعشق الممنوع إذا سألت أحد شباب تلك الأيام عن قصة عائشة رضي الله عنها أو أمهات المسلمين وما هي حياتهم فسنجد ذهول تام على الأوجه ولكن من هم لا عبي المنتخب البرازيلي ما هي أحداث أخر حلقة في أي مسلسل تبكين لكونك شاهدتي مشهد درامي بفراق الأحباب وحينما ترى صورة شهداء فلسطين أو سوريا تسارعوا بتغيير القناة يجب علينا جميع ترك كل تلك الهواجس الفارغة والإتجاه نحو ما هو صالح لنا وأنا أول المقصرين شكراً للموضوع |
ع فكرة الشباب بيشوفوا المسلسلات دى لانها بتعبر عن الى مصر فقدته بجد بجد اخلاق اووووووى الاتراك صحيح مش
كلهم بس كتير منهم والمصرى بقى معروف بالغباء والانحطاط ونسيتى اهم واحد اسمر ونادين ^_* |
والله أحسن من رؤية ناس مجلس الشعب اللى بيحرق الدم بجد ......ربنا يرحمنا
|
اقتباس:
وليه بس تكسر التلفزيون هو ذنبه ايه :p اقلب القناة وهات سبيستون بيقولوا عليها حاجات حلوة :d هما 300 حلقة وتخلص ف 10 دقايق بس هنعمل ايه ناس فاضية وبتحب تتفرج;) مفيش مقارنة طبعا بين الكابتن ماجد والتركى لان ماجد يكسب :022yb4: اه مسلسلات فاشلة .. للاسف عندنا ف مصر هى حاجة فاشلة بره تيجى عندنا وتنجح نجاح سحيق :p ربنا يهدى وشكرا لمرورك |
اقتباس:
اقتباس:
اهلا اهلا بأعز الحبايب .. الناس اللى مش بتظهر دى :) ازيك يا سمور اخبارك ايه .. يارب تكونى بخير .. بجد والله وحشانى :) وايه البداية اللى مش لطيفة دى :d بصى انا هعتبر مسمعتش حاجة .. وطلعت احسن منك اهو وبسلم عليكى ^^ ونورتى التوبيك :) اقتباس:
ههههههههه هو فعلا كريم مش اد كده هو بس عشان ابيض شوية وشعره المكوى ده عامل شغل :d صحبتك دى شكلها فاضية ومش بتزهق هههه ايوة بس انتى خليكى ع كل كلمتك :d منورة يا سكر :) |
بجد والله عندكم حق انا عمرى ااسا متفرجت على مسلسلات تركى ومبحبش الحاجات :rolleyes:
وعندى زمايلى مهبولين بالتركى ويلحقوا يخلصوا اللى وراهم عشان يتفرجوا عليه ومهبولين بنور ومهند وانا عمرى مشفتهم ومعرفهمش ومنيش عاوزة اعرفهم خالص:excl:دة وباء جديد منتشر بتنتقل العدوى عبر اجهزة اللاسلكى وكلى اللى همة يكمل الحلقة بتاعة المسلسل احذروا ربنا يهديهم البنات دول ويحرق التركى ودة على فكر غزو اخلاقى وعقلى ويقولك معتش فى حروب مهم لقه طريقة تانية يحاربونا بيها زى مقال واحد اجنبى فى مؤتمر [كاس وغانية يفعلان فى امة محمد مالاتفعله الاسحلة والمعدات]فربنا يستر علينا:d |
اقتباس:
تركى تانى وتالت ورابع هما بيزهقوا منه ابدا :blush: ده احنا فاضيين جدا .. البلد مقلوبة واحداث كتير ومتتالية ف البلد والناس ولا هنا .. ملهيين ف التركى وكريم :blush: .. ربنا يهدى ومنورة كعادتك :) اقتباس:
هههههههه ماله كريم :d انتى خفتى ولا ايه يا سمر .. متخافيش انا معاكى :friendsxs3: اه بالله عليكى قوليلها .. ربنا مديها شوية صحة هتفترى عليا بيهم :p منورة يا سمور وربنا يخليكى ليا :) اقتباس:
ههههههه هو احنا يعنى ورانا حاجة محنا فاضيين .. هما يتفرجوا ع التركى واحنا نتكلم عليهم .. كله فاضى بئا :p ناس بتدخل ف حياة كل الناس بطريقة تدايق كل الناس :d .. انا فعلا اسمع ان تمثيلهم حلو .. بيعيشوا الدور كويس عشان كده ناس كتير بتحب تتفرج ع التركى .. وده بينعكس عليهم بشكل كبير اوى يعنى مثلا بيشوفوا الحلقة الواحدة اكتر من 5 مرات ويفضلوا يتكلموا عن الحلقة واللى حصل فيها .. وانا مش بمانع ان حد ميتفرجش ع تركى .. يعنى تكون المشاهدة يعقل شوية .. مثلا مش نسيب اللى ورانا وقاعدين ادام التركى ومش الحلقة تخلص من هنا وبردو نفضل نتكلم عليها يومين ادام ومش نعلق صور الابطال ع الحيطة بجد انا بشوف حاجات غريبة كده بتحصل !! ربنا يهدى وينسوا التركى ده شوية منورة مرة تانية يا سمر :) |
| جميع الأوقات بتوقيت GMT +2. الساعة الآن 02:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.