علي فكرة الطريق مسدود!!!
 

لو حد مننا ماشى فى شارع ولقى ناس راجعة من اخر الشارع

وبتقوله الطريق مسدود وحكوا له على مدى التعب اللى وجدوه

فى الطريق ده وكم العقبات اللى موجوده فيه وانهم مش مصدقين

انهم عرفوا يرجعوا تانى وان فى ناس كتير تاهت فيه ومش

عرفت ترجع وناس كتير ماتت فيه

يا ترى هيكمل برده ويصمم يروح بنفسه ؟؟!!!!!!

ولقى ناس تانية بتقوله الطريق ده سهل و هيوصلك لغرضك

ياترى هيختار ايه ؟

طبعا اى عاقل هيقول بلا شك مش هيمشى فى الطريق الاول

**نفس الفكرة بالضبط لما بنلاقى مثلا ممثلات ومغنيين بيتوبوا

(مثال الفنانة حلا شيحة بفضل الله لبست النقاب واعتزلت التمثيل .....وغيرها كتير )

الناس دى وصلت لقمة ما يسعى اليه أهل الدنيا من شهرة ومال

ولبس ومكياج و......وكل حاجة بيسعى لها اهل الدنيا

لما نلاقيهم تائبين وراجعين بعد اما وصلوا لقمة الدنيا وبيقولوا

بلسان الحال لكل اللى لسة بادىء يمشى فى الطريق

احنا وصلنا لنهاية الطريق ووجدناه مسدود

ليه مصممين نمشى برده فى الطريق ده و ممكن كمان ما نقدرش

نرجع ذى كتييير اوى من الناس تاهوا فى وسط الطريق

ومعرفوش يرجعوا ؟!!!

وفى المقابل بنلاقى ناس مشيت فى الطريق الثانى وبيقولوا لنا

الطريق سهل وكله سعادة وكل اما تمشى اكثر هتلاقى الخير

والسعادة بتزيد أكثر وأكثر ونهايته لا تخطر على بال بشر

ليه مش بنصدق ؟

هل نؤمن بالقران ؟وهل نصدق الله؟

طيب ده كلام ربنا بيقول

(وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا)

وأيضا قال عز وجل

"مَنْ عَمِلَ صَالِحًا مِنْ ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً"

منقول

فعلا ..
جزاااااك الله خير الجزااااااء

رائع بجد جزاكم الله خيرا

أكرمكن الله جميعا

جزاكم الله خيرآ
الموضوع رائع.

ربنا يهدى كل المسلمين
جزاك الله كل خير

جزاكي الله خيرا ... هدي الله الجميع

جزاكم الله خيراً
اللهم ارزقنا الهدى والتقى والعفاف والغنى

فعلا لازم نتكلم ونراجع نفسنا شويه هنلاقى ان احنا غلطنا فى حق نفسنا قوى
جزاكم الله خير