انا زهقت من الازهر وعايز احول الي التربيه و التعليم اعمل ايه؟
 

ارجو الرد من ذوي الخبره . انا زهقت من الازهر و الفساد الاداري المنتشر فيه و عايز احول الي التربيه و التعليم ما هي الاجراءات اللتي يجب ان اتبعها لذلك ؟ ولكم جزيل الشكر

واسطة ثم واسطة ثم واسطة من الاخر عشان متتعبش نفسك

يل ريت تشوفلي طريقه معاك

انا زهقت من الازهر و الفساد الاداري المنتشر فيه
 

علي حد علمي لازم يكون في شخص اخر علي نفس الدرجة في التربية والتعليم وتعمل بدل معاه

نعم ممكن حضرتك تعمل بدل مع أحد معلمى التربية والتعليم

ومين الى يرضا يبدل مع واحد فى الازهر ربنا يصلح الحال لان كلنا زهقنا من الطرابيش ربنا يمكن لدينة ف الازهر

انا ممكن الاقى العنقاء ومالاقيش واحد ييجى يبدل معايا :022yb4:

طب حيبدل ليه وينزل مرتبه ليه ويشوف العجايب اللى احنا بنشوفها ليه :romarioxp6:

وانا كمان بالله عليكم اللى يقيلى حل انا معتش طايقه اروح المعهد ونفسى اتسدت عن التدريس

حضرتك على اى درجة ومن اى محافظة وان شاء الله نلاقى بدل لحضرتك

وانا
والله كمان زهقان
انا من المنصورة تخصص انجليزى
ومعاى تلابوى وicdel
بس ممتحنتش كادر

الازهر منارة العلم والعلماء
ياليتنى من خريجى الازهر

كلنا نعاني من سوء الادارات و سوء التنظيم و سوء الفكر الاداري
و هذا ما ادى بنا للاحباط من الازهر
فدائما يشعر معلم الازهر انه ليس مستقلا بذاته بل هو مجرد تابع للتربية والتعليم في قراراتها بل والقرارات التي تصب في مصلحة الازهر في حين بطء رهيب في قرارات تخصنا كمعلمين
تعليم الازهر ينقصه الكثير صراحة ليصبح تعليما بمعنى الكلمة ، فالفارق حقا بين التربية والتعليم والازهر هو الامكانات المتاحة و التجديد المستمر في الافكار التي من شأنها تفيد التلميذ أولا ثم المعلم ثانيا و التعليم بشكل عام
و على الرغم أن هنك سلبيات جمة في التربية والتعليم لكني حقا أجد نوعا من التنظيم و الادراك الجيد للمسؤولية وهذا بعيدا عن فكرة الفساد و المحسوبيات التي تنتنشر في ربوع مؤسسات الدولة
وهو ما يسبب الاحباط لدى البعض منا
و دائما أقول لزملائي ( فنحن بجوار معهدنا وهو يبعد امتار عن المنطقة و يبعد امتار عن مدرسة للتربية والتعليم )
لو توفر لدينا نصف امكانات هذه المدرسة من معامل و امكانات مادية لكان معهدنا مؤسسة تعليمية بحق لكن ما يحبط هو أنه لا جديد في معاهد الازهر
و يوم أن بدءوا في التطوير أعطوا لكل معهد جهازين كمبيوتر ، الى الان موجودين بالكراتين
هل جهازي الكمبيوتر هما الحل من وجهة نظر تعليم الازهر
أجد عقليات للتلاميذ تفوق عقليات تلاميذ في التربية والتعليم لكن يا خسارة عليهم لا يجدون تنمية لقدراتهم بالحد الذي يسمح لهم بالابداع.
و دائما هناك أمل في المستقبل وفي التغيير الذي ننشده لتعليم الازهر لكن اسألكم جميعا و نفسي
الاجتهاد قدر المستطاع في تعليمك للتلاميذ ، بأقل ما تملكه من امكانات
فهذا هو عملك ، وهي اسمى مهنه عرفها التاريخ ، حتى لو غفلت عنها اعين من يديرون المؤسسات و الدولة.