|
لـــــــيـــــه بنلف وندور عــــلـــــى بعض اذا كــــــان كل شئ واضح !!!
بسم الله الرحمن الرحيم اتمنى حضراتكم تكونوا فى احسن حال ان شااء الله بصراحة انا زهقت كل يوم اخبار متناقضة ومتضاربة طيب وفين الحكومة من ده كله مرة والدة ابو اسماعيل امريكية لا دى مش امريكية دى معاها اقامة دائمة طيب فين القانون اللى بدرسه وبيحسم هذا الامر انا هكتبلكم اللى درسته وانتو احكموا بنفسكم فقد ال***يية الناتج عن التجننس ب***يية اخرى : - تنص المادة 10 من تشريع ال***ية المصرية فى فقرتها الاولى على انه ( لا يجوز للمصرى ان يت*** ب***ية اجنبية الا بعد الحصول على اذن بذلك من وزير الداخلية والا ظل معتبرا مصريا من جميع الوجوه وفى جميع الاحوال ما لم يقرر مجلس الوزاء اسقاط ال***ية عنه طبقا لحكم المادة 16 من هذا القانون ويترتب على ت*** المصرى ب***ية اجنبية متى اذن له بذلك زوال ال***ية المصرية عنه ) وباستقراء النص يتضح لنا شروط التخلى عن ال***يية المصرية بالتجننس وتلك الشروط هى :- الشروط الاول : ان يحصل الفرد مقدما على اذن من جهة الادارة . الشرط الثانى : اكتساب ال***ية المصرية بالفعل رخصة الاحتفاظ ال***يية المصرية : - تنص الفقرة الاخيرة من المادة 10 من قانون ال***ية المصرى رقم 26 لسنه 1975 على ان ( ومع ذلك يجوز ان يتضمن الاذن بالت*** اجازة احتفاظ الماذون له وزوجنه واولاده القصر بال***ية المصرية فاذا اعلن رغبته فى الافادة من ذلك خلال مدة لا تزيد على سنة من تاريخ اكتسابة ال***ية الاجنبية ظلوا محتفظين ب***يتهم المصرية رفم اكتسابهم بال***ية الاجنبية ) ويشترط للاحتفاظ بال***يية وفقا لنص المادة 10 توافر شرطان : - الشرط الاول : موافقة السلطة التنفيذية الشرط الثانى : اعلان الرغبة فى الاستفادة من هذه الرخصة تعريف المهاجر هجرة دائمة : - تنص المادة 8 من قانون الهجرة ورعاية المصريين بالخارج بصفة دائمة فى خارج البلاد بانه من اكتسب ***ية دولة اجنبية او حصل على اذن بالاقامة الدائمة فيها او اقام بما لمدة لا تقل عن عشر سنوات او حصل على اذن بالهجرة من احدى دول المهجر التى تحدد بقرار من الوزير المختص بشئون الهجرة . ومن النص يتضح لنا ان الحالات التى يكتسب فيها الشخص صفة المهاجر هجرة دائمة هى الحالات التالية :- 1 – ان يكون قد اكستب ***ية دولة اجنبية وجعل اقامته العادية خارج مصر . 2 – ان يكون قد حصل على اذن بالاقامة الدائمة فى الدولة الاجنبية وان يكون قد جعل اقامته العادية الدائمة خارج مصر 3 – ان يقيم بدولة اجنبية مدة لا تقل عن عضر سنوات 4 – ان يحصل على اذن الهجرة من احدى دول المهجر المحددة بقرار من الوزير المختص وان يجعل اقامته العادية الدائمة خترج مصر شروط استفادة المهاجر من هذا الاستثناء : - 1 – ان يتعلق الامر بمصرى مهاجر هجرة دائمة للخارج 2 – الحصول على موافقة دولة المهجر 3 – الحصول على موافقة الجهة المختصة بوزارة الدفاع طبقا للقواعد والشروط التى يصدر بها قرار من وزير الدفاع وفى النهاية اذا كان كل شئ واضح فى القانون ليه ما يطلعش علينا مسئول او جهة حكومية تقول كل شئ اذا كانت والدته امريكية خلاص يتم استبعاده واذا كانت غير كده ليه الكلام الكتير ده كله وعاملين نلف وندور حولين بعض علشان ايه ده كله يعنى منتظر اشوف ارائكم |
والله يا أ\محمود اللي بيحصل دا حاجه تجن بالظبط كأننا ف أيام مبارك والتضليل والظلم مش بس قضيه د.حازم لاء قضايا كتير مازال الظلم والفساد الإداري وكل حاجه موجوده مازال الإعلام المضلل موجود ! لحساب مين دا كله بيحصل مش عارفه لكن ع حساب مين هو دا اللي معروف ع حساب بلدنا ع حساب اروحنا ع حسابنا إحنا بس مش هنرضي بالظلم دا وسنحيا كراماً :) ... مشكور ع التوبيك |
اقتباس:
فعلا عند حق بس ده اكيد كله على حسابنا احنا شكلنا اضحك علينا وافتكرنا ان كل شئ هتيغير لكن للاسف اللى دلوقتى زى اللى فات من الواضح كل شئ بيتظبط والشعب ليه ربنا ربنا يستر من الايام اللى جاية شكررا لمرورك |
اقتباس:
هو من ناحيه اضحك علينا ف هو اضحك علينا وبيضحك علينا انا مشفتش تغير لحد دلوقتي تغير حقيقي بقدر ثورتنا ! من الواضح فعلا ان فيه حاجات بتتظبط .. المشير مع الاخوان مع الغرب .. وشكلهم نسيو الشعب! ربنا ع ظالم .. |
اقتباس:
شعب مين;) اهم شئ السلطة وبس الايام الجاية هتظهر حاجات كتير امـــــــــــــــــــــــــيــــــــــــــــــــن |
اقتباس:
:d:d اهم حاجه السلطه ..شكل حضرتك م الجماعه اياهم .. :o اخوان بقا :d ... الايام الجايه ربنا يستر |
هى عادتنا ام سنشتريها ! لقد تربينا على ذالك واذا نظرنا الى الوشوش المتحكمة فى البلد طبعا كما هى دون تغير انا اتحدث عن السلطة " التنفيذية " فقط الممثلة فى الحكومة والمجلس العسكرى لان كل المشكال المنفعلة والتى تسيطر على الساحة هى من صنعهم اوخارجة من تحت ايديهم ومن امام اعينهم ولكن !!!!! تانى الاخوان !!!! اتارى مصائب البلد كلها من تحت راس الاخوان ضيف بردة دة فى سياق كلامى هى عهاتدنا ولا هنشتريها !!! |
اقتباس:
جماعة ايه انا مش بتاع جماعات:d |
اقتباس:
عند حضرتك حق فى الجزء الاولانى مفيش شئ اتغير فى البلد هى عبارة عن مسلسل بس واحنا بنتفرج اما بالنسبة للاخوان فالشعب كان حاطط امل كبير عليهم وعلشان كده اخدوا الاغلبية اما اللى بيحصل دلوقتى منهم من تغيير اراء واتفاقات مع المجلس العسكرى افقدهم الكثير من شعبيتهم |
اقتباس:
اخويا وحبيبى محمود انت رجل مثقف وفاهم انا عايز اعرف اين هى الصفقات الى بين الطرفين؟ لما الطنطاوى يهدد الجماعة بانة هيعمل زى معمل عبدالناصر ولما يهدد بحل مجلس شعب منتخب حر لما يؤيد مرشح ما بين سليمان وشفيق لما يعوذ ينقض على الثورة ولما يعوذ بقاء حكومة فاشلة زى الموجودة دى ولما يضطرب عندما دفعت الجماعة بالشاطر رئيسا يبقا فين الصفقات؟ لو كان كانت قبلت الجماعة بانهم يقبلو عرض المجلس لما اتعرض عليهم تشكيل الحكومة ويكون نوااب الريس من المجلس العسكرى وانهم يخدو 5 وزارات من الحكومة ..لكن الاخوان رفضت دة هو الموضوع بالعقل بس اية الى يخلى الاخوان تدفع بمرشح وتشوة صورتها بالمنظر دة وزى مقلت افقدت الكثير من شعبتهم مدام فى اتفاق مع العسكر وانهم هيخدو السلطة ويضحكو على الشعب ؟؟ اسف طبعا لو كنت خرجت عن سياق الموضوع الاصلى بس انا بحب ادى الحق لااصحابة لاننا عايزين نبنى البلد دى ومنظلمش حد ايا كان دة الى اسلامنا علمهونا والى الثورة ذكرتنا بية |
اقتباس:
مااشى اذا كان زى ما بتقول كده وطبعا الحرية والعدالة مرجعيتهم اسلامية اذا مش هتفرق معاهم يكون المرشح من جوا الجماعة او خارجها لو هدفهم الصالح العام ما كان قدامهم حازم وابو الفتوح والعوا ولا كل دول ما ينفعوش علشان مش بينتموا للجماعة لو عاوزين الصالح العام بجد كانوا توحدوا ورا مرشح واحد مش ينزلوا واحد تانى علشان الاصوات تتفت وابو الفتوح نفسه كان من الجماعة بس لما خرج براها بقا دلوقتى ما ينفعش لازم الجميع ينظر لمصلحة البلد مش لمصلحة جماعة وحزب معين ومش لازم يبقوا هما واخدين كل المناصب |
آسفه لو هتدخل ف الكلام ... اولا احترامي لحضرتك صوت الامه واحترامي ل أ\محمود بس كلام حضرتك من وجهه نظري كلام علشان يغطي ع الصفقات اللي بتتظبط ويخلي الناس تقول ازاي فيه تحالف ..؟!! ... والاخوان دول اللي فضلم يقولو مش هنرشح حد مش هنرشح حد لالا هنرشح بس ف الاعاده لالالا خليها الشاطر ! ازاي ناخد منهم كلمه واعتقد هما مش رشحو الشاطر هما رشحو المرشد ! |
اقتباس:
بالفعل أتفق مع حضرتك والأخوان تاريخهم معروف وهدفهم معروف |
اقتباس:
بالتاكيد هو الهدف مصلحة الوطن ومصلحة الشعب والا مكنوش رشحو واحد منهم ومكنوش حرصو على انهم يفهمو الناس لية هما دفعو بمرشح منهم الجماعة شافو من وجهة نظرهم ان الى موجودين على الساحة ميصلحوش فى المرحلة دى مع الاحترام الكامل ليهم ولمشارعهم .. راحو لناس كلموهم علشان يترشحو والجماعة تدعمهم طارق البشرى والغريانى ومكى لكنهم رفضو مكنش فى قدامهم غير انهم يرشحو حد من عندهم والقرار دة مخلفش شرع ولا خالف عرف ولا خالف سياسة بل دة حقهم ارادو ان يتنازلو عنة وتمسكو بكلامهم الى اخر لحظة ولكن لو تركو الامر صدقنى الثورة هتروح فى طريق تانى خالص والله اعلم مصير الشيخ حازم الان اية؟ وبردة بكرر احترامهم الكامل بكل المرشحين الى ع الساحة وبردة هسئل اية الى يخلى الاخوان يرشحو حد وهما عارفين ان دة هيعود بالسلب عليهم !! |
اقتباس:
خلينا نتكلم واقعيا دلوقتى بالتاكيد الجماعة مش هتحصل على كل الاصوات اللى حصلت عليها فى مجلس الشعب لان وقتها مكنش في منافس اذا مرشح الاخوان هيحصل على اصوات الاخوان المسلمون زائد نسبة بسيطة من اللى رشحوا الاخوان فى مجلس الشعب فى ناس كتير تؤيد ابو الفتوح وناس بتؤيد حازم صلاح ابو اسماعيل ده غير الفلول من عمرو موسى وشفيق وعمر سليمان اذا مرشح الاخوان ممكن ما يدخلش اعادة كمان يبقى ايه الهدف من ترشيحه كمان ده عضو فى جماعة بيراسها مرشد يعنى افرض امر يخص البلد مهم جدا هيروح ياخد رائ المرشد الاول فى اى شئ يعمله هيجيب استقلالية لنفسه ازاى ؟؟؟؟ |
| جميع الأوقات بتوقيت GMT +2. الساعة الآن 10:54 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.