|
أخلاقنا ف الضياع
إمبارح كنت رايح الدرس وأول م خرجت من العماره ولسه طالع ع البحر لقيت عركه كلها سكاكين ومطاوى وأزايز حاجه ساقعه طبعا مش علشان تتشرب وألفاظ أيه مقلكومش عليها كلها عن الأمهات والدين
عديت العركه وطلعت ع البحر لقيت أم بتضرب أبنها لمجرد إنه وقع حته شيكولاته ع قميصه وبتقوله عارف لو عملت كده تانى يا ابن ..... حطلع ........ وطبعا النقط معروفه ركبت المشروع لقيت عركه بين السواق وأحد الركاب لمجرد إن الراكب دفع 75 قرش والأجره بجنيه وطبعا السواق كانت ألفاظه رائعه وكان بيتكلم بكل هدوء وإحترام وكأنه عضو ف مجلس الشعب نزلت من المشروع لقيت واحد بيعاكس بنت ف الشارع علنيا وقدام الناس وإللى يفرح قلبك أكتر إنه أول م عكسها راحت ضاحكه و ............ وطبعا النقط معروفه من خلال هذه الملاحظات توصلت إلى : العيب ليس ف الرئيس السابق ولا ف الجيش ولا ف الشرطه و لا ف مجلس الشعب ولا ف الثوره العيب فينا كمصريين كشعب همجى نسأل الله أن يغير أحولنا للأحسن ويهدينا للصواب |
اقتباس:
السنة الى فاتت كنا لما بنروح الدرس عند اول الشارع الى فية المستر كنا مش بنعرف نعدى من الصبيان يعرفوا مواعيد الدرس ونلقيهم بيقفوا على اول الشارع يعنى بصراحة بقت حاجة تخنق ومش بيخافوا وهما بيقولوا الالفاظ دى وهم اعارفين كويس انها حرام ومع ذلك بيعملها سبحان الله اللهم اهى امة المسلمين اجميعين شكرا على الموضوع |
اقتباس:
|
موضوع مفيد جزااك الله خيرا
|
العيب فينا طبعا
لكن هتستغرب لو قلت ان العيب الاكبر فى الرئيس والنظام كنت بسأل بابا ليه احنا مش متدينين فى التعاملات الخارجيه قلى ببساطه ان النظام من قبل عبد الناصر لدلوقت كان بيسجن المتديين والاخواان اللى عمالين نخونهم دول -بس انا فعلا متغاظه من قراراتهم دلوقت لكن متأكده انها بتصب فى مصلحتنا فى الحقيقه والباطن -كانوا كمان بيحفظوا القران وكان فيه حاجه اسمها معسكرات دينيه تجتمع فيها الاسر مع بعض يتعلموا الاخلاق والدين المعاملة طبعا سجنوهم وتقول ايه لمسلسلات وأفلام ملهاش شغله غير الحشاشين والمجرمين....والالفاظ البذيئه مهو الشعب مجبش حاجه من عنده كل واحد يدور عى مصحفه فى البيت يشوفوا فين ولو جيت تقول لواحد بكل ذوق كده غلط هتسمع اللى عمرك مسمعته بكل بساطه الحل فى العوده للدين من أول الدولة لاخرها ولاخر فرد فيها والله دينا فيه الحل لكل اللى ذكرته فوق والمعاكسات دى غلطها الاكبر فى رضا الاهالى عنها مهو محدش مكلف نفسه بس انه يقول لبنته او ابنه كده عيب لكن برده ان شاااء الله هيتغير كل ده بادينا وبدعوتنا واجحتهادنا فى ديننا والايجابيه |
اقتباس:
مشكور(ه) ع المرور الطيب |
اقتباس:
يارب نتغير |
يارب نتغير
بجد نفسى نتطور للأفضل |
نعيب زماننا والعيب فينا ... وما لزماننا عيب سوانا
ونهجو ذا الزمان بغير 1نب ... ولو نطق الزمان لنا هجانا حقاً والله العيب فينا ولكن لو شفت اللي بيعاكس أختك دا وضربته ضرب موجع هل هيعاكس تاني ؟ ولا نفسي نفسي وأمضي والحمد لله الذي خلقني ذكراً ؟؟؟ طب والغلبانه دي اللي ابوها وامها قالولها خلي بالك من نفسك طبعاً مش كلهن كده زي ما بتقول أهي ضحكت عشان بيعاكسها والله العظيم أنا اتمنى أمسك كل بنت بتحب تتعاكس في ميدان عام و أنزل فيهم ضرب لغاية ما أخليهم يرجعوا لحيائهم المعروف تاني على رأي الشيخ مسعد أنور الله يحفظه ماشيالي بال mini jeep mini mini jeep واللي مفيش jeep خالص |
اقتباس:
لكن الحمد لله إللى حضرتك ذكرته علشان الموضوع يكمل شكرا للمرور الطيب |
| جميع الأوقات بتوقيت GMT +2. الساعة الآن 08:57 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.