طالب فى اولي كهربا ارجو المساعدة
 

السلام عليكم
انا طالب فى اولي هندسة كهربية
فى عندي مشكلة كل ترم بتواجهني وهيا مادة معينة او اثنين بيكونو معقدين شوية
فلترم دا مادة واحدة الحمد للة وهيا دوائر الكترونية electronic circits
المادة مش صعبة لاكن الدكتور مش عارف يوصل المنهج صح المهم
المادة بتتكلم فى البداية عن
1- الاشارة
2- التحويل من التناظري للرقمي
3- المكبرات
4- انواع المكبرات
5- التشويش فى المكبرات
6 - الدوائر المكافئة للمكبر الفولت ومكبر الجهد
طبعا اي دائرة ليها معادلة او اثبات طويل
وهوة دا المشكلة انو انا مش فاهم الاثبات لانو معقد شوية
المهم لو حد او اتمني انو يكون هنا طالب زي او معيد او شخص يكون اخد الكورس او فاهمو كويس
ويقدر يساعدني ارجو انو يتواصل معايا هنا فى المنتدي

لما يبقى فيه درس مش فاهمه ارفع المحاضرة ووضح الجزء اللى مش فاهمه
و إن شاء الله هتلاقى كذا واحد يرد
مش هينفع ارد عليك فى المنهج كده
أنا عندى منهج برضه و محتاس زيك :)
فلو حجات كده بسيطة مفاتيح الفهم بالنسبة لك
اسأل عليها و هدلك على اماكن حلوة تذاكر منها أو اشرحهالك
زائد إن المناهج بتختلف بين الكليات للأسف :(
فلازم لما تسأل تسأل عن حاجة مميزة مش عنوان الشابتر
و ربنا يوفقك يا بشمهندس ،،،،،،،

اوك اشكرك للتواصل
بلنسبة لاختلاف المنهج هوة ما بيختلفش كمحتوي بس طريقة الدكتور
المهم
فى مثلا مكبر عمليات عاكس
inverting op amp
المطلوب الرسمة ودي مش مشكلة خالص
المشكلة هيا ازاى استنتج الاستنتاج واطلع المعادلة النهائية
الى هيا
http://www.electronics-tutorials.ws/opamp/opamp9.gif
دي الرسمة
بتاعت الدايرة
http://www.electronics-tutorials.ws/opamp/opamp10.gif
تمام انا عاوز استنتج لغاية ما اوصل للمعادلة النهائية
وعاوز اعرف لو فى سؤال او مسالة على الدايرة دي ممكن يجيى ازاى
تمام يا ريت تحاول توصلى شوية الحجات دي هوة فى حجات تاني
زى الغير عاكس non inverting
بس انا
افهم دا الاول

الشكر لله
بالنسبة لاختلاف الدكاترة و اختلاف المنهج كمان برده
المهم :)

http://www.mediafire.com/?y1bxjj6ioj5dqa6
نزل الشابتر ده و ذاكر بالراحة كده و على روقان
و اربط بينه و بين المحاضرة بتاعة حضرتك كده
و لو فيه حاجة مش مفهومة اسأل بس عمومًا الكتاب ده مريح فى شرحه

بالنسبة للمسائل هتلاقى معظم الطرق فى الشابتر ده و لكن انتوا لسة أولى فتمارينكم سهلة نسبيًا
و الدكتور بطبعه ما بيحبش يغير نظام اسئلته ^_* فشوف امتحانات قديمة كده
و فيه نقطة مهمة فيه دكاترة بتشترط الاجابة بالاثبات يعنى من الأول خالص
و دكاترة تانية لأ لو حافظ القانون حطه و عوض عن القيم و خلاص ده حاجة تخصك بقى

و ربنا يوفقك يا هندسة ،،،

اشكرك جدا
لاكن برضو في شي ناقص وهو اثبات الدائرة inverting
او معظم الدوائر ما فيش اثبات
ولازم افهمو كويس عشان اقدر احل مسائل
----------------------

طب لو تعرف تصورلى الاثبات بالموبايل
أو تطلعهولى مثلاً من هنا
http://www.scribd.com/doc/52565907/E...cuits-Boylsted
ده مرجع اليكترونيات و الامبليفير فيه من صفحة 609 شوف كده لو لقيته
هو انا مثلاً معايا على الامبليفير ده فى مرجع شابتر كله اثباتات بس ده متليقش على أولى كهربا خالص!
عمومًا انا معاك لحد ما نوصل للمفيد إن شاء الله
بالتوفيق ،