ثانوية دي ولا مش ثانوية !!!!!!!!!!!!!
 

مش عارف الموضوع ده انطرح قبل كده ولا لأ....... بس مش مهم التكرار يعلم الشطار

طبعا كلنا سمعنا من فترة عن التعديلات الجبارة والجوهرية في نظام الثانوية العامة واللي ربنا يكرمهم ( حكومتنا المشكورة ) فاكرنا فئران تجارب في المعامل يجربو زي مهما عاوزين علينا والفترة دي اصلا ماتبقاش مستحملة تجارب اصلا فان نجحت التجربة يقولك دي الحكومة بتبذل مجهود جبار عشان خاطر ابنائنا الطلاب ( قول وربنا !!!) وان فشلت يقولك اصل انتم جيل فاسد اصلا وما بتذاكروش وطول النهار ع الفيس وعايزين كمان تجيبو مجاميع !!!!!!!
ومن تحت الترابيزة يقولك احسن عشان يخففوا العبأ على سوق العمل شوية ( اللى امتلا وفاض من الجوانب ) و شيلي ياسعودية وساعديها ياكويت
ومن الاخر من غير (لوك لوك ) انتم ايه رايكم في النظام الجديد وياتري كنت تتمني انه يطبق عليك وشايف انه احسن من النظام او الانظمة اللي فاتت ؟؟ وهل مفاهيم الناس ممكن يتغير عن الثانوية المعهودة بعد الثورة والتعديلات ؟؟؟

حاجة اخيرة معلش ( احنا اللي اخدناهم علينا ما تيجي نعمل اضراب عن المذاكرة تلات سنين الثانوي عشان ينفذونا طلباتنا ويشوفولنا حل ) فكرة جميلة اه والنعمة

ايه ياجماعة هو انا بنادي في مالطا ولا ايه ........... مافيش مشاركة واحدة حتي

انا بقالى سنتين تقريبا مقاطعه تصريحات الوزارة فى مواضيع التطوير دى
كنت الاول متحمسه لكن بما ان كله كلام وزى ما حضرتك قلت فيران تجاارب
الحل حكومه جديده او فكر جديد.....
انا 3ثانوى يعنى خلااااص راحت عليا
لا نقول الا حسبنا الله ونعم الوكيل
لكن بصراحه معنديش فكرة عن التعديلات الجديدة غير ان الثانوية هتبقى سنه واحده
وشايفاه قرار سليم
ان شااااء الله خير و فيه أمل

يا جماعة احنا لسة مش فاهمين ايه الموضوع وسنة واحدة شكلها اية ؟؟؟؟؟؟؟؟؟؟؟؟؟؟

مش عارف والله اقول ايه

والنهارده كمان الخبر موجد فى الجمهوريه

انا قريت الخبر على فكرة وخايف وفرحان في نفس الوقت خايف ليرجعو في كلامهم اويحصل في الامورامور وفرحان جدا لاني كان نفسي يحصل كده من زمان

في كل الاحوال لن نكون المستفيدين او المضرورين تلك القوانين على من هم في 3 اعدادي او اقل ومن ناحية فئران تجارب ..
فأنا لا اعتقد ذلك ..
انا شايفة الموضوع في جدية شوية عن اي سنة + ان اللي بيتخذ القرارات دي لجنة التعليم في مجلس الشعب " الشريف المنتخب " مش مبارك وشلته ..