ارجو المساااااااااااااااااعده
 

عندي قطعه نحو مليانه وعايزه اتاكد من الاعرابات
ممكن تساعدوني






لنا ابناء العروبه (تاريخ) عريق ، مسجله صفحاته فيما شاده (اوائلنا) من اعظم الحضارات في عصور (التخلف) الاوروبيه ، لكننا اليوم نعيش عصرا سمته (التحدي) ، وما كنا لنرضى بالاسترخاء والانسانيه حولنا تسابق (الزمن) في مسيرتها التقدميه ، فإن نتخلف عن الركب فلن (نستعيد) موقعنا تحت (الشمس)





اعرب ما بين الاقواس




انا عارفه انها سهله اوي بس عايزه اتاكد من اعرابي لان كذا واحده شككوني في الاعراب وقلقت جاااااامد







واستخرج




جمله تقع نعتا واذكر موقعها الاعرابي
جمله تقع حالا واذكر موقعها الاعرابي
جمله تقع خبر لحرف ناسخ واذكر موقعها الاعرابي
جمله تقع خبرا لفعل ناسخ واذكر موقعها الاعرابي






يا ريت تساعدووووووووووني


جزاكم الله خيرا


اختكم
dr.memo

ياجماعه حرااااااااام عليكم ردوا عليا


مش معقول اكلم نفسي



ده اول موضوع ليا ف العربي



ياريت تردوا عليا بسرعه اووووووووي




ده حتى القطعه سهله اوي




بس عاوزه اسمع حلولكم

طيب ما تبعتى اعرابك و اطابقه ببتاعى

اصل انا عقبال م اعرب ممكن اخد اليوم كله عشان بحب النحو

و اهلا بيكى:d

اولا مشكوره z e z e_z ع الرد لاني كنت حاسه اني خلاااااااااص بأكلم ف نفسي



تاني حاجه يا ستي بالنسبه لاعرابي اهه ولا يهمك ولو اني حاسه انه غلط لان كتيييييييير من صاحباتي شككوني




تاريخ / خبر مرفوع ..........
اوائلنا / (اوائل) فاعل مرفوع ........
(نا) ضمير مبني لا محل له من الاعراب
التخلف / مضاف اليه مجرور .........
اليوم / مفعول به منصوب مقدم ......... (حاسه انها غلط في غلط بدوووووون تريأه )
التحدي / مضاف اليه مجرور ...........
لنرضى / (اللام)لام الجحود . حرف ناصب للفعل المضارع مبني لا محل له من الاعراب
(نرضى) فعل مضارع منصوب بعد لام الجحود بالفتحه المقدره لانه معتل الاخر بالالف لتعذر النطق
الانسانيه / فاعل مرفوع مقدم ............... ( برضه حاساها غلط )
الزمن / مفعول به منصوب ..........
نستعيد / فعل مضارع منصوب بعد لن ........
الشمس / مضاف اليه مجرور .........







وطبعا حاسه ان اجوبتي مليااااااااااااااااانه اخطاء
بليز ساعدووووووووني

لكم مني اطيب التحيات وجزيل الشكر
اختكم
dr.memo

هو انا للدرجادي اعرابي غلط عشان كده ما حدش عاوز يرد



ع فكره انا باتكسف اوووووووووي لو قلت حاجه وطلعت غلط


اي نعم الانسان خطاء بس برضه



جاوبوني بلييييييييز ما تسيبونيش كده

ففي الحقيقه انا مثلك غير متأكده وترددت حيال وضع الاجابات التي ارتأيها ام لا كي لا اكن سبباً في المزيد من الارتباك لديكِ
ولكن قررت ان اجيب واعلمك مجددا باني لست متأكده من كونها الاجابات الصحيحه

تاريخ : مبتدأ مؤخر مرفوع وعلامة رفعه الضمه
اوائلنا : فاعل مرفوع بالضمه وال -نا- ضمير متصل مبني في محل جر مضاف اليه
التخلف : مضاف اليه مجرور بالكسره
التحدي :خبر مرفوع بالضمه والجمله -سمته التحدي جمله اسميه في محل نصب نعت للكلمه -عصرا-
الزمن : مفعول به منصوب بالفتحه


نستعيد : فعل مضارع منصوب بالفتحه والفاعل ضمير مستتر تقديره نحن
الشمس : مضاف اليه مجرور وعلامة جره الكسره

جمله تقع نعت : سمته التحدي سمته : مبدأ مرفوع بالضمه والهاء ضمير متصل مبني في محل جر مضاف اليه
التحدي : خبر مرفوع والجمله الاسميه في محل نصب نعت للكلمه عصرا

جمله تقع خبرا لحرف ناسخ : لكننا نعيش
لكننا : حرف ناسخ و النا ضمير متصل مبني في محل نصب اسم لكن
نعيش : فعل مضارع مرفوع بالضمه والفاعل ضمير مستتر تقديره نحن والجمله الفعليه في محل رفع خبر لكن

جمله تقع خبرا لفعل ناسخ : كنا لنرضى : كنا : كان فعل ناسخ والنا ضمير متصل في محل رفع اسم كان
لنرضى : اللام لام التوكيد لا محل لها من الاعراب ونرضى فعل مضارع مرفوع بالضمه والفاعل ضمير متصل في محل نصب خبر كان

بسم الله الرحمن الرحيم

تاريخ : مبتدأ مؤخر مرفوع بالضمة

أوائلنا : (أوائل) فاعل مرفوع بالضمة ، ( نا ) ضمير مبني في محل جر مضاف اليه


اليوم:ظرف زمان منصوب بالفتحة

التحدي:خبر مرفوع بالضمة

الإنسانية:مبتدأ مرفوع بالضمة

________________________________

جملة تقع نعتا : مسجلة صفحاته موقعه الإعرابي:في محل رفع
سمته التحدي-----في محل نصب

جملة تقع حالا : والإنسانية حولنا (مش متأكد منها) موقعها الإعرابي : في محل نصب

جملة تقع خبرا لحرف ناسخ : نعيش عصرا .... في محل رفع
جملة تقع خبرا لفعل ناسخ:لنرضى بالاسترخاء ..... في محل نصب

هي دي الإختلافات بين حلولنا...بس الله أعلم ممكن أكون أنا اللي غلطان وانت صح

السلام عليكم ورحمة الله وبركاته

حقيقى نفس الاعراب بس انا مش لاقيه يوم دى


لكن الجملة الحل تسابق الزمن

thanks

dr.memo:lol:

الجملة الحال:تسابق الزمن فى محل نصب:rolleyes:

الانسانية: معطوف مجرور

جملة تقع خبرا لفعل ناسخ:لنرضى بالاسترخاء: في محل نصب

جملة تقع خبرا لحرف ناسخ : عن الركب:فى محل رفع

ميرسي ع الردود ولو اني ما زلت حيرانه ويا ريت اي استاذ يشاركنا للتاكيد

طب هوه انا يعني ممكن اعرف


ليه قلنا ع تاريخ مبتدأ مؤخر



يعني اصل جملتها تارخ لنا


ولا لنا تاريخ


انا حاسه ان لنا تاريخ اوقع واظبط ولا ايه؟؟؟؟؟؟؟؟؟

بسم الله الرحمن الرحيم

المفروض إن القاعدة في الحالة دي إن

إذا كان الخبر شبه جملة والمبتدأ معرفة.....يجوز تقديم الخبر

إذا كان الخبر شبه جملة والكبتدأ نكرة........يجب تقديم الخبر

لنا تاريخ...لنا شبه جملة جار ومجرور،تاريخ (نكرة) مبتدأ مؤخر

وحتى لو كان أصلها تاريخ لنا..يبقى المفروض تاريخ مبتدأ ولنا شبه جملة خبر
طب إحنا عندنا في الجملة الأصلية في القطعة لنا تاريخ...يعني المكان اختلف لكن كل واحده إعرابها زي ما هي

بس بدل ما كان مبتدأ هيبقى مبتدأ مؤخر...وبدل ما كان خبر هيبقى خبر مقدم

وعموما والله أعلم أي شبه جملة بعدها كلمة تعرب الكلمة مبتدأ مؤخر زي

في الفناء طالب
هناك رجل
بين الفصول فصل
وهكذا

والسلام عليكم ورحمة الله وبركاته

بجد اول مره اسمع موضوع القواعد ده

إذا كان الخبر شبه جملة والمبتدأ معرفة.....يجوز تقديم الخبر

إذا كان الخبر شبه جملة والكبتدأ نكرة........يجب تقديم الخبر



متشكره جدا يا طالب بجد افدتني وهاتاكد من الموضوع ده برضه انا اول مره بجد اصلي اشوف القواعد دي




ع العموم متشكره جدااااااااا لتفاعلاتكم جميعا معايا ومشاركاتكم التي اضاءت موضوعي وزانته



اختكم ف الله
dr.memo

طب ممكن اسأل سؤال تاني ف نفس القطعه وعايزه برضه اسمع ردودكم وتفاعلاتكم




اوجد جمله لامحل لها من الاعراب مع ذكر السبب



انا ضورت عليها ومش لاقياها خالص


عاوزه مساعدتكم