|
محاكمة شعبان عبدالرحيم بسب .. عمرو خالد!
السلام عليكم
طارق شحاته - خاص - بسبب قيام المطرب الشعبي شعبان عبدالرحيم بعمل أغنية عن مخاطر الإدمان ضمن حملة حماية التي يتبناها الداعية الإسلامي الكبير عمرو خالد حاليا من خلال برنامجه الناجح-الجنة في بيوتنا- .. ثار الجدل والهجوم علي الاثنين حيث ظهر من استنكر كيف يتم الجمع بين الاثنين في عمل واحد!..و آخرون لاموا على عمرو في اختياره لشعبان عبدالرحيم ليكون مطرب الحملة علي أساس أن شعبان لا يرقي لمستوى عمرو الأدبي والثقافي والديني وانه خانه ذكائه والتوفيق في الاستعانة بشعبان اااااايه!.. وعن هذا كله يقول شعبان: لقد حزنت بشدة مما سمعت من هجوم علي بسبب أغنية الإدمان اللي طلبها منى الأستاذ عمرو خالد .. واتهاجمت ليه.. أنا ما أعرفش..و لا عشان إيه .. الحقيقة مش عارف لها حل يعنى..! و يضيف شعبولا: هو أنا عملت حاجة غلط أو حاجة وحشة لا سمح الله عشان الناس اللى هاجمتني .. تهاجمني، الحملة دى بتوعي الناس وبتقول لهم طريق الإدمان خطر ابعدوا عنه ..كمان الأستاذ عمرو خالد رجل محبوب والناس كلها بتحبه .. وعشان كده أنا استغربت قوى من اللي حصل ده..كما انه في كل برامجه بيوعي الناس ومواضيعه كلها حلوة ومفيدة ..بيتكلم في الدين وعن أحاديث الرسول صلى الله عليه وسلم ..وكمان بيتكلم اهه في حاجة جديدة ..عن مخاطر الإدمان في برنامجه الجديد الناجح قوى اللي أنا حريص آن اشوفه .. وعشان كده أول مابعت لي .. روحت علي طول.. ويواصل شعبان حديثه قائلا:-عمرو خالد لو طلبني في أي حاجة مفيدة أخرى لن أتأخر عنه مهما حدث..واللي يهاجمني إيه يعنى هو حر.. فلقد صورت أغنية الإدمان ضمن مشروع حملة حماية للأستاذ عمرو علي يد المخرج هاني عبداللطيف من خلال فكرة حلوة ويظهر في الكليب-و الكلام مازال علي لسان شعبان- الأستاذ عمرو و هو يلقى محاضرة علي الناس..و الأغنية من كلمات حسن عزو و ألحان عبدالرحيم ابني ..و للعلم الأغنية كانت بتاعة ابني و لما قابلت الأستاذ عمرو و سمعتها له..عجبته جدا ولكنه قال لي أنت اللي هتغنيها بصوتك وفعلا سجلتها و صورتها. ـــــــــــــــــــــــــــــــــــــــــــ والله انا عن نفس شايف ان الداعيه عمرو خالد اختار صح والناس اللي عماله تهاجم دي سبحان الله مستغرب جدا |
ربنا يهدي الناس
لان افضل اختيار هو شعبان ودا عشان شعبان بيقدر يوصل لطبقه مش بتاعت عمرو دياب ولا تامر حسني الطبقه بتاعته والي بتسمعه والاستاذ عمرو خالد عايز يوصل للطبقه دي وانا بعتبرها من الذكاء الاستعانه شعبان |
اقتباس:
هو ده الصح جزاكم الله كل الخير ونعم الرئي |
السلام عليكم ورحمة الله وبركاته الموضوع ليه جانيبين الجانب الأول جانب تجاري وهو ان عمرو خالد عايز يعمل زي ما عمل مع تامر حسني ده ضم جمهور ده له والتاني نفس النظام ونفس الحكاية مع شعبان الجانب التاني اللي ممكن نسميه ذكاء وانه عايز يوصل صوته للشباب اللي بيسمعوا شعبان عبد الرحيم وفي كلا الحالتين عمرو خالد من وجهه نظري مخطئ اشد الخطأ ولو انا مدمن هبقي مدمن اكتر واحد بيرقص مع الستات الشبه عاريات - بحيث الواحد ميظلمهومش - :d اسمعله ازاي اصلا طب مهو سعد الصغير عامل دار ايتام ومتبرع للجمعيات الخيرية وكلام من ده هحترمه مثلا :) هما الاتنين مش شعبان بس عشان منظلمش الراجل وبعدين ياسيدي حتي لو سمعتله وعرفت ان الحمله دي بتاعتك انت اسمعلك ازاي بس انت كمان زي ما بحب حاجات في عمرو خالد زي ما بنتقده اشد الانتقاد في حاجات كتيرة هو فاكر نفسه بيتعامل فيها صح لان بيجذب جمهور ويضيع جمهور يالا ربنا يهدي الجميع وشكرا يا كيمو علي الموضوع :) |
لا حول ولا قوة الا بالله
دة بدل ما يساعدوا عمرو خالد فى حملتة شغالين انتقادات علية وانا من وجهة نظرى ان عمرو خالد من الذكاء انة اختار شعبان لان زى ما قال عادل اقتباس:
|
والله انا دائما بحترم راى احمد رضا
وانا من هذا المكان اشهدكم انه من فلاسفه المنتدى جزاك الله خير |
اقتباس:
جزاكم الله كل الخير |
اقتباس:
جزاكم الله كل الخير اقتباس:
مشكور علي المرور |
انت لاتهدى من احببت ولكن الله يهدى من يشاء وشكرااا على الموضوع
|
وعليك السلام كدا جينا لعدم الموضوعيه وللأهواء بص ياكريم قبل ما ابدأ بس في ردي عايزك تتعلم ان الاهواء متأثرش عليك في حاجة انت لو تشوف ردودي في موضوع الدفاع عن عمرو خالد جاوبت بالأدله العقلية وهنا برد بردو بالأدله العقلية الحق احق ان يُتبع ياكريم نيجي بقي للرد اقتباس:
اقتباس:
انا مقصدتش الاغنيه بتاعت الأدمان بس يعني مثلا انا هكون سامع واحد بيشتم في الإسلام ويجي يغني اغنيه دينيه مثلا وهحترمه واقول مهو دي ما اساءش فيها للإسلام :) العلاقة بين عمرو خالد و شعبان وتاريخ شعبان هي نفس الصورة للعلاقة عمرو خالد وتاريخ شعبان واتمني ان الجزئيه دي تتفهم لاني لو شرحتها هتطول اوي :) اقتباس:
انا من جمهور عمرو خالد و بنتقده وبشجعه فيه حاجة اسمها موضوعيه كفايا بجد اللي احنا بنعمله في نفسنا اهواءنا بقت بتتحكم فينا بطريقه غريبه بقيت احس ان مفيش موضوعيه في الناس اقتباس:
مش مشكلة طريقه التفكير المهم النتيجه من التفكير فلو انا بفكر غلط يبقي مفروض اعيد حساباتي واشوف مين الصح مش اتمسك لمجرد اهواء واعجاب بموقف :) شكرا وياريت ناخد الموضوع بموضوعيه اكتر من اننا من جمهور عمرو خالد ولو عايز تتأكد اني من اشد المؤيدين لعمرو خالد ابقي افتح موضوع عمرو خالد كان عامله عضو اسمه Y/m شكرا :) |
انا مختلف معاك يا حج احمد اقتباس:
اقتباس:
|
اقتباس:
اخويا وحبيبي واستاذي استاذ محمود ربنا يخليك يا استاذ محمود دي شهاده ووسام اعتز بيهم بجد اشكرك علي تأييدك :) |
عايز يجمع جمهور عشان الحمله تنجح مش عشان يكسب فلوس او يزود شعبيته يبقي منين تجاري؟ تجاري من جانب الدعايا لعمرو خالد هو تجاري بمعني فلوس بس ؟ :) ليها معاني كتير اقتباس:
لاء ده مكانش تأييد ليه لاني نسخت الحكم بتاع الجمله دي في الجمله اللي بعديها اقتباس:
انت بتتفرج علي الكليبات بس علي اساس ان شعبان معملش افلام وكان بيقول الست (........) هبقي اقولك بعدين :) ومين قال انك انت اللي هتسمعله الراجل دا ليه جمهوره وشعبيته وناسه اللي بتصدقه ومش لازم تكون انت واحد منهم فيه حاجة اسمها تمثيل للحمله وشعبان غير لائق انه يمثل الحمله وبعدين الحمله دي من وراها ومين اللي بيدعو ليها وهيا معموله من جانب اسلامي ولا جانب اجتماعي تجاري بردو دي السؤال علي اجابتك :) اقتباس:
ههههههه فعلا يبقي ملهوش حق المشكلة اننا بنبص للموقف من جانب واحد التأييد المُطلق :) شكرا ياعادل |
اقتباس:
|
مش عارفة هو ممكن يكون غلط بس هو بيحاول يوصل رسالة لطبقة معينة فلازم واحد يختار حد قريب منهم او هم بيسمعوة يعنى
يمكن لانى مش بحب شعبان عبد الرحيم اساسا فمش مع الفكرة وبصراحة انا مش شوفت الكليب علشان احكم حكم كامل مشكوووووووووووور ع الخبر |
| جميع الأوقات بتوقيت GMT +2. الساعة الآن 04:31 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.