بوابة الثانوية العامة المصرية - أخويـا سبب هدايتــى

كنت حد مستهتر مش فارق معايا حاجة ، مش بصلى ولا مقرب لربنا خالص وعايش حياتى بالطول والعرض
وفــى يوم جالى خبر وفاة أخويا ، أخويا ده كان كويس ،ما كنش تعبان خالص هو ايه اللى حصل ؟؟
زوجة أخويا بتقول جه من الشغل اتغدا وقاعد معاهم ، لقته بيقولها اتشهدى عليا ، افتكرته بيهز وقالته بطل تهريج ، قالها يعنى مش عايزة تقولى طب أنا هقول اشهد ان لا إله إلا الله سيدنا محمد رسول الله وفارق الحياة
صدمة وحاجة غير متوقعة ليه وازاى وامتى وليه ؟؟
أسئلة كتيرة جت فى بالــى ومش لقى لها غير إجابة واحدة إرادة ربنا
إِذَا جَاءَ أَجَلُهُمْ فَلا يَسْتَأْخِرُونَ سَاعَةً وَلا يَسْتَقْدِمُونَ

بدأت ارجع حساباتى من تانى ، هو أنا مستعد دلوقتى أقابل ربنا
وعندى اللى يشفع،لاقتى صفر
وسبحان الله كانت وفاة أخويا سبب هدايتى وتفكيرى فى إن فيه يوم هقـابل فى ربنا وهتحاسب
يَا أَيُّهَا الإِنسَانُ إِنَّكَ كَادِحٌ إِلَى رَبِّكَ كَدْحًا فَمُلاقِيهِ

اللهم احيى ما مات من عزائمنا وقلوبنا يارب