|
في زمن معاكسة البنات للشباب:يا آنسة.. ترضى يحصل في أخوكي كده؟
"معندكيش أخوات ولاد".. "ترضى يحصل في أخوكي كده".. "انتي فاكره ولاد الناس لعبة؟"
لم تعد البنات هن اللاتي يشتكين فقط من معاكسة الشباب لهن، ففي زمن العجايب تبدل الحال، وأصبحت البنات هن من يعاكسن الشباب! حجج المعاكسات يقول، خالد إبرهيم،21عاماً: "كنت ماشي في الشارع، لقيت شله بنات قربت مني، واحده منهم قالتلي عاوزه أتصور معاك، أنا أستغربت من الموقف، وعندما سألتها عن السبب، قالتلى عشان أصحابي يعرفوا انى بعرف ولد وسيم، ومن بعدها بقينا أصدقاء". إما أحمد مسعد، 22عاماً، يقول ضاحكاً:" كنت ماشي في الشارع مع أختي، وكان ماشي ورانا شلة بنات فضلوا يعاكسوني بكلام (الله أنت قمر)، والتانية تقول (أيه اللى أنت ماشي معاها دى أنت أحلى منها بكتير.. سيبك منها) وثالثة تقول: (مش تنقى في اختيارك)". ممكن تليفونك؟ ويروي عمرومصطفى، 26عاماً: "كنت نازل من بيتي بدري ولما لقيت الجو دافئ خلعت البلوفر، قابلتني شله بنات، واحدة منهم قالت للتانيه وهى بتبصلي "الجو حر مش كده يعني"، لقيت التانية بترد عليها وهى بتبصلي برضه "لا ده الجو عسل أوى".. ضحكت ومشيت". ويضيف محمد طارق، 24عاماً: "كنت راكب المترو، وكانت بنت قاعدة قدامي، كانت تنظر لي نظرات غريبه كأنها تعرفني، في أول الأمر قولت عادي بتشبه عليا، بعد ذلك لقيتها بتقرب مني وبتطلب رقم تليفوني، طبعاً أندهشت جداً من الموقف، ورفضت أعطيها رقم تليفوني، وتركتها ونزلت". أما عمرو أحمد، 23 سنة، فيقول: "كنت راجع من الشغل لا بيا ولا عليا، عديت من جنب 3 بنات سنهم حوالي 17 أو 18 سنة، فواحده منهم قالت "بس زي القمر"، التانية قالتلها "تصدقي فعلا علي زي القمر بس هو شايل شنطه ليه"، أنا عملت مش واخد بالي، قامت التالته قالتلي "على فكرة بيقولو عليك أنت"، لفيت وقالتلها "منا عارف"، فردت سألتني "هو أنت مش مرتبط؟"، شورتلها بايدي "لا"، قالتلي طيب إيه مش هنقضيها تليفونات، روحت مشوارلهم "لا"، وسيبتهم ومشيت". الإعلام وتأخر سن الزواج الدكتور عمرو أبو خليل، استشاري الطب النفسي، يقول عن أسباب انتشار معاكسة البنات للشباب: "الإعلام هو المسئول الأول عن تلك الظاهرة من خلال ما يعرضه في الأفلام وعبر المسلسلات، حيث تظهر البطلة في صورة بنت متحررة وجريئة، فتكون هي البنت المحبوبة والمقبولة والمودرن، أما البنت الخجوله فهي موضة قديمة، مما جعل معظم البنات يلغون عقولهم ويبدأون في تقليد صورة البنت المتحررة، مما أنتج هذه الصورة". أما الكاتبة والمستشارة الاجتماعية نجلاء محفوظ، فترى أن تأخر سن الزواج جعل بعض البنات في سن المراهقة متخوفين، فتبدأ هي بالبحث عن عريس لنفسها، أو تلفت انتباهه بأي طريقة، مستخدمة أساليب المعاكسات. اقرأ المقال الأصلي علي بوابة الوفد الاليكترونية الوفد - يا آنسة.. ترضى يحصل في أخوكي كده؟ |
اقتباس:
|
جزاكم الله خيراً
نسأل الله الهداية للجميع |
اية دا معقول فى حاجات زى كدا
ربنا يهديهم يارب جزاكى الله كل خير |
اقتباس:
|
عادي رحم الله الحياء
|
اقتباس:
|
انا كنت مستغربة الموضوع ده جدا بس لحد مشفت بعينى
البنات عندنا هم مش بيقولوا للولاد هم بيقولوا للاستاذ والله انت عسل طب اضحك عشان النغزتين يبانوا بجد كلام والاستاذ يكون مكسوف ويضحك وده فى مجاميع مشتركة يعنى اللى مش تستحى تقولها قدام الولاد مش هتستحى توجهلوا للكلام شخصيا عموما ربنا يهديهم ويهدينا احنا فى زمن عجييييييييييب كل حاجة اتقلبت ربنا يستر |
لاحول ولاقوة الابالله فعلا بيحصل ربنا يهدى بنات المسلمين المشكلة مش يس اعلام وتاخر الزواج لا ده انفلات اخلاقى تسرب لكل شئ فى المجتمع وفعلا اذا لم تستح فاصنع ماشئت هدى الله بنات المسلمين
|
وبالنسبة لانهم بيلاقوا تشجيع على كده فده مش بس السبب المحيط اللى انا بعيش فيه عكس كده بيعتبروا البنت الغير محترمة زى الحشرة والبنت المحترمة انها ملاك واعلى من غيرها ورغم ذلك بتخرج علينا بنات ربنا يهديهم
|
هو انا فعلا سمعت عن ان فيه بنات بتعاكس ولاد ولكن مشفتش وما اتمناش انى اشوف لان مجرد انى اعرف ان واحدة انتزعت حياءها وكلمت ولد بسلوب مش كويس او ما يسمى معاكسة فانى استحقرها اوجه كلامى لها قائلة اختاه اين حياؤك الذى هو شعبة من دينك فى ايمانك فعلا نحن فى زمن يحدث فيه العجب كنا زمان نناقش قضية معاكسة الولد للفتاة ونقول حقوق المراة ماذا نقول اليوم حقوق الرجل ماذا نناقش قضية معاكسة الفتيات للولاد واللهى ان الواحد يخجل من تصرفات هؤلاء الفتيات الاتى انتزعن حياءهن وليس فى يدى الا ان ادعو الله لهن بالهدايا وصلاح الحال
|
| جميع الأوقات بتوقيت GMT +2. الساعة الآن 10:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.