|
فاضل حوالى شهر
السلام عليكم ورحمة الله وبركاته طبعاً فاضل حوالى شهر على امتحانات الثانوية العامة و ناس كتير لسة ماستعدتش و كل شوية بنقول هنبدأ مذاكرة كويس و كل مرة غالباً بنبدأ بنشاط و بعدها ننسى و أكتر حاجة بتقلل نشاطنا تقريباً هي النت خلاص فاضل شهر يعني النت دلوقتي مالوش أي لازمة بالعكس بيضيع وقتنا زيادة عن اللزوم طيب المفروض نعمل إيه دلوقتي ؟ يعني نسيب النت خالص ؟ آه نحاول على قد ما نقدر نعمل كدة علشان خلاص الشهر دة بإذن الله فيه تحديد مصيرنا يعني لو ذاكرنا فيه بأقصى جهد عندنا إن شاء الله ربنا هيكرمنا و نحقق أهدافنا لكن لو برضو فضلنا كدة قاعدين على النت نضيع وقتنا خلاص ما نزعلش لما نجيب مجموع أقل من مستوانا و ندخل كليات مش بنحبها و نفضل طول عمرنا بنندم على إننا ما ذاكرناش الشهر دة بس الشهر دة هو اه صغير لكن نقدر نعمل فيه حاجات كتيييييير أوي يللا نتعب في الشهر دة و نسيب النت الـ30 يوم دول بس و حتى نفتحه أيام الامتحانات مش مهم لإننا لما بنفتح أيام الامتحانات كدة كدة مش بنعرف نقعد كتير علشان الوقت بيكون قصير و والله عن تجربة أول ما نبدأ بس نذاكر ربنا بيساعدنا و بنكون عايزين نكمل و طول ما النت مش موجود الموضوع بينجح فعلاً :) دلوقتي إحنا لازم نضحي علشان ربنا يكرمنا و يوفقنا و طبعاً صعب جداً إننا ما نفتحش النت لكن لو ضحينا بشوية الوقت بتوع النت علشان المذاكرة ربنا بجد هيحققلنا أهدافنا و مش هيخذلنا لإننا لو ما عملناش كدة مش هنستحق أصلاً و غيرنا هيعملوا كدة فأكيد ربنا هيوفق اللي بيتعب مش شرط يكون التعب من أول السنة لكن دلوقتي خلاص إحنا قدامنا فرصة كبيرة لازم نستغلها و نتعب بجد و ندعي ربنا كتير و إن شاء الله الشهر دة نستغله و ندخل الامتحانات و إحنا مش سايبين حاجة في المنهج و عاملين اللي علينا و ربنا يوفقنا جميعاً . السلام عليكم ورحمة الله وبركاته .. |
و يللا اللي موافق على الفكرة كلنا نبدأ من بكرة ما نفتحش النت
|
ana mowafik bs mn ba3d bokra :)
|
وانا من بكره ان شاء الله معاكواااا هفصل كل حاجه
هخليهم يعملوا باسورد للكمبيوتر |
اقتباس:
اقتباس:
أحسن حاجة و الله :) ربنا يوفقنا كلنا ياااا رب |
مش هفتح النت موافق اكيد واللي هيضحك علينا هيبقى بيضحك على نفسه اكيد ونتقابل ان شاء الله يوم النتيجة وربنا معانا كلنا
|
يا جماعة كفاية بقا كلام وشعارات عايزين انجاز انجاز
|
حضرتك عندك حق بس دي اخر فرصة ولو ضيعناها هندم بس ساعتها الندم مش هينفع
دكتورة هو حضرتك في سنة كام |
اقتباس:
يا رب اقتباس:
إحنا لو شفنا اليوم فيه وقت قد إيه هنلاقيه كتير جداً لكن إحنا اللي بنضيعه اقتباس:
أنا في ثالثة ثانوي و شكراً لحضراتكم على المرور |
هى فكرة كويسة بس بالنسبة ليا مش هينفع لانى بذاكر على النت وقت طويل بس ممكن اوعدكم مااكتبش اى مشاركات تانى
|
انا كمان بس انا زى سارة كدا بذاكر العربى من على الجهاز والنت اصلا عندى بيفصل كتير
بس كل الى هعملة انى مش هدخل طول اليوم وهدخل من بليل بس على الساعة 9 او 10 اكون ذاكرت اى مادة وبليل اذاكر عربى يعنى افادة برضو وربنا يوفقنا يارب |
[quote=هالة محمد 2;4454937]انا كمان بس انا زى سارة كدا بذاكر العربى من على الجهاز والنت اصلا عندى بيفصل كتير
بس كل الى هعملة انى مش هدخل طول اليوم وهدخل من بليل بس على الساعة 9 او 10 اكون ذاكرت اى مادة وبليل اذاكر عربى يعنى افادة برضو وربنا يوفقنا يارب[/quotعلى فكرة اخوى بيقولى مذاكرة الكمبيوتر متنفعش مبتسبتش فى الدماغ هو عندة حق فعلا ان عن نفسى كنت بعمل كدا بس بطلت لازم مذاكرة بورقة وقلم |
[/quotعلى فكرة اخوى بيقولى مذاكرة الكمبيوتر متنفعش مبتسبتش فى الدماغ هو عندة حق فعلا ان عن نفسى كنت بعمل كدا بس بطلت لازم مذاكرة بورقة وقلم[/quote]
بس على فكرة انا بذاكر العربى من السنة الى فاتت على الكمبيوتر وعادى جدا انا بذاكر بالورقة والقلم برضو بقرا الموضوع وافضل اسمع بقا مع نفسى وبعدين مش كلنا قدراتنا زى بعض يعنى الى بينفع معايا ممكن مش ينفع معاك صح ولا انا غلطانة |
اقتباس:
هي صعبة بس إن شاء الله لو عندك إرادة هتقدري اقتباس:
أهم حاجة إننا نحاول ما نفتحش كتير بس أنا عن نفسي هحاول ما افتحش خالص لإني بضيع وقت جامد أوي عليه و لو قلت هاقعد 5 دقايق بقعد طول اليوم ربنا معانا شكراً أوي على مروركم :) |
ياجماعة انا دلوقتى بزن على بابا يفصله وهو يقولى بطلى انانية اخواتك بردو من حقهم يرفهو عن نفسهم امنعى انتى نفسك عن النت ربنا يقدرنى واعرف ابوظ الجهاز لحد مااخلص ههههههههههه ادعولى ياجماعة انا بسعى للخير دايما وهالة ونور يشهدوا بكدة |
| جميع الأوقات بتوقيت GMT +2. الساعة الآن 08:33 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.