|
:::: كل اللي حلمت بيه ::::
http://files.fatakat.com/signaturepics/sigpic4705_8.gif كل اللي حلمت بيه أنا مش هاقول كلام شعارات والا هاقول كلام خيالات ومش هالمح لكن هاقول حاجات كتير واضحه وصريحه انا كل همي يجمعنا بيت وبيتي هو قلبه بيتي وجوه قلبه بجد بيتي بيتي الكبير وكله ملكي يعني بصراحه مش فارقه عندي يجيبلي بيت يكون كبير أنا عايزه بيت لو كان صغير طالما جمبه هيبان كبير دانا كل حلمي أكون معاه أعيش انا جمبه لأخر يوم أعيش بهواه ونفسي برده في صرخه طفله تربطني بيه تقولي ماما أدوب فيها تقوله بابا يحس بيها يعني بصراحه أنا كنت عايزه حبه حاجات انا عايزاه هو و حته منه تبقا جمبي تبقا قلبي هيه هو برده عندي لما يخرج أو يغيب أفضل أضحك ويا بنتي وأرغي برده بالساعات وياه روحي دي حته منه يعني يمشي وروحه جمبي هما واحد يعني عندي دمه دمي ودمها حاجه واحده قلبي قلبه وقلبها حاجه واحده لما نتكلم سواه يعشق الصوت الهوا لما نقعد ويا بعض نقعد واحنا ماسكين في بعض عشان مافيش مسافه بينا عشان بجد أحنا واحد ولما تكبر بس تكبر شويه حبه صغننه تبقا واقفه جمبي في المرايه شايفه فيها كل الملامح اللي فيه لما تضحك أحس بيه حتي في طريقه كلامه هيه هيه أصلي عارفه انها هاتحبه خالص هاتقلده في كل حاجه في حركاته وقفشاته في كلامه وفي سكاته أنا نفسي برده بقلده ده روحه حلوه ماتتوصفش أنا مش بجامله بجد طريقته حلوه في الكلام هاتحبها أنا عارفه هيه هاتحبها أنا برده دوبت قبلها في كل حاجه وأنا بين إيديه في صوته وكلامه في رقته وحبه وحنانه وحتى في قسوته وغضبه وجنانه بلاقي نفسي دايبه فيه .. كان حلمي بس هو ده بيت صغير جمب منه وطفله منه طفله منه تقوله بابا تقولي ماما نحس بيها ندوب فى بعض لكن خساره معرفش ليه واقفه الحياه مكتفاني ومكتفاه خانقه الكلام خانقه السكات يادنيا صعبه موقفاني مكتفاني في المكان مقيداني وخنقاني وخنقاه وتعباني وتعباه مجنناني ومجنناه ومش هاقولك غير حاجه واحده هافضل معاه ومهما يحصل منك أنتي يادنيا صعبه مش هاعيش غير وياه ده هو بيتي وهو سندي هو شمسي وهو ضلي هو الحيااااااااااااااااه ومهما يحصل أو يكون لو كتير ولو قليل من العمر فاضل مش هاكمل غير معاه أيدي دايماً حاضنه أيده جمب منه أنا مش هاسيبه هافضل معاه مقوياه وعايزه تيجي عليا ماشي وعاندي فيا يادنيا عادي بس كل ما تعاندي فيا مش هاقول غير عايزاه بهواه هافضل معاه بقلمـــي كنــــــــــارة |
كل اللي حلمتي بيه ياااااااااارب تحققيه
ربنا يكرمك ياكنارة ببيت وطفله ويكرمك باللي بتحبيه بجد روعه تسلمي |
اقتباس:
يارب ياختي يارب تسلميلي ياقمر على الدعوه اللي من القلب دي متحرمنشي من عطفك عليا http://www.x333x.com/smiles/data/12/057.gif بغني مبسوطه بمرورك |
ما شــــــــــــــــــــــــــــــاء الله
جميلة جدا كنــــــــــــــــــــــــــــارة ربنا يحققلك كل امانيكى ويسعدك ديما وتحققى اللى بتحلمى بيه |
الله
جميلة ورقيقة اوووي وحتى الصورة رقيقة وعسولة تسلم ايدك |
اقتباس:
ياااااااااااااااااااارب ربنا يخليك ياأستاذ شريف ومتحرمش من ردودك الغاليه |
اقتباس:
الله على صاحبه أغلى ردود على قلبي ولو الموضوع فيه حاجه رقيقه تبقى ردك ياقمري تسلمي |
تــــــــــــــــــحــــــــــــــفة |
اقتباس:
شكراً ياأحمد على مرورك الجميل |
دمه دمي ودمها حاجه واحده قلبي قلبه وقلبها حاجه واحده لما نتكلم سواه يعشق الصوت الهوا جميله ياكنارة تسلم إيدك أحساسك جميل |
اقتباس:
شكراً لمرورك العطر بس والنبي هيه علبه الألونات مش فيها غير أصفر |
ربنا يحققلك كل امانيكى ويسعدك ديما
وتحققى اللى بتحلمى بيه دايماً ياااااااااااااااااااااارب |
اقتباس:
ربنا يخليك يااااااااااااااارب وميحرمنيش من ذوقك شكراً على مرورك ياأستاذ أحمد |
مش لينا نصيب نحقق أحلامنا ساعات بيبقا مكتوب لينا عدم تحقيقه الحمد لله |
| جميع الأوقات بتوقيت GMT +2. الساعة الآن 12:42 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.