بوابة الثانوية العامة المصرية - لازم كل بنوته تخش تشوف

معاني الأنوثه

الأنوثه نعمه غاليه ربنا اللي اداها ليكي
وبإيدكي تحفظيها , أو تضيع من بين إيديكي
احمدى ربك تملى ... واشكرى نعمه عليكى
اوعى تفتخرى بجمالك , كله زايل من عنيكى

الأنوثه مش بأنك... تهوسي عقل الشباب
الأنوثه هي إنك ... تحمي نفسك م العذاب
الأنوثه شئ وكامن ...جوه منك وإنتي باب
إوعي تتمايعي بكلامك , أو تقولي دول صحاب
تبقي تستاهلي اللي يحصل والسؤال مالهوش جواب

الانوثة مش مجرد ... حبه احمر على الشفايف
الانوثة مش فى إنك ... تهوسى عقل اللى شايف
ابعدى عن كل شبهة , دول بناتنا كتير عفايف

الزهور بتكون جميلة , طول ما لسه الشوك حاميها
بس لو يوم شوكها سابها , ألف ايد تتمد ليها
خلى نورك جوه قلبك ... والايمان هيكون ماليها
إقري في القرآن وسيبك م الأغاني مع الصحاب
إعرفي سنة رسولك.. صححي صورة الحجاب
إوعي تلفتي لكلامهم , مش ده ارحم م العذاب
لوتقيسي الدنيا ديه , إيه هتاخدي غير تراب

إنسي مكياجك وسيبسي ... نور إيمانك يملى قلبك
بدلي مرايتك بقلبك ... مستحيل قلبك يغشك
خلى مكياجك ايمانك , مش بأحمر على الخدود
طهرى دايما فى قلبك , بكرة نصبح أكل دووود
مش تعدى أى كلمة ...قفلى كل السدود

عطرى روحك بذكرك . وارضى ربك وامشى راضية
لو فى مرة حد عاكسك .. مش تردى بكلمه فاضية
اوعى تدى فرصة ليهم , ادى ليهم ضربة قاضية

هوه احسن ترضى ربك؟؟ ولا ترضى الناس بحالها؟؟
هوه إيه للبنت يشفع؟؟؟؟ ؟شكلها ولا عملها؟؟؟؟؟
دا الجمال فى الجسم زايل , انتى شوفتيه دام لمين ؟
والجمال فى الروح بيفضل ... مهما بتعدى السنييييين
كونى بنت بألف راجل... إخرسي في الطماعين

سيرة البنت العفيفة هي احسن شىء يدوم
حبرها مكتوب بدينها , مش بمكياج او هدوم
إوعى صوتك يعلى مرة , دة الرسول علم علوم
انتى بإيديكى تكونى ... زى نور وسط الغيوم

كل شئ في الدنيا لما..بيداروه بيزيد جمال
والعفاف للبنت يغلب أي شكل وأي مال
إنتي أجمل ألف مره..لوجمالك جوه قلبك
مش مهم الخلق ترضى..المهم هترضي ربك
هو أيه في الدنيا يغلب لو إله الكون دا حبك؟
هو أيه في الدنيا يغلب لو إله الكون دا حبك؟

الشاعر "أحمد عبد الله"