|
فى عيد ميلاد المخلوع
كتب أحمد نجم هذه فى عمره ال78 في عيد ميلادك الكام وسبعين.... سيدي الرئيس في عيد ميلادك الكام وسبعين كل سنة وانت طيب واحنا مش طيبين كل سنة وانت حاكم واحنا محكومين واحنا مظلومين واحنا متهانين ويا تري يا حبيب الملايين فاكرنا ولا احنا خلاص منسيين فاكر المعتقلين فاكر الجعانين فاكر المشردين فاكر اللي ماتو محروقين فاكر الغرقانين الله يكون في عونك - ها تفتكر مين وللا مين في عيد ميلادك الكام وسبعين بقول لك كلمتين الأوله شيلتنا طين وهل تعلم أن النيل بقي رشاح والجو أصبح بيئة والعيشة ولعة والشرفا قلوبهم عالبلد والعة وانت عاملهم م***ة ولا بتاعة القلعة والإقتصاد سداح والسرقة بقت كفاح ومصر متاحة بس للسياح وعرض البلد بقي مستباح والثانية ورتنا الويل دا الخطوة في عهدك بقت ميل والضحك بقي نواح وعويل والكوسة عارف الكوسة ممكن أقول لك فيها مواويل والجامعة بقت يا إما كباريه أو دار مسنين والشباب معظمهم من غير خمرة سكرانين والعلم عز علي المتعلمين والأساتذة بقم دجالين والقادة بقم طبالين واديني في الهايف يا حبيب الملايين والثالثة عارف اليابانيين زمان في سنة اتنين وخمسين كان عندنا تروماي وكان عندنا علم ومتعلمين وثقافة ومثقفين وأدبا وعلما وفنانين وكانو اليابانيين بالنووي لسه مضروبين وللصدقة مستحقين دلوقتي إحنا فين وهما فين هما فوق واحنا في أسفل سافلين والرابعة أمن بلدنا بقي تنين والمحاكم اتملت مظالم والعدالة بقت كمالة وكلمة الحق في الزبالة وأصحابها في الزنازين والخامسة القطاع العام....عام والفساد.....ساد وفي جتة بلدنا بيرعي أفتكر لجنابك إيه وللا إيه وكل ذكري ليك بدمعة آآآآآآآآه آآآآآآآآه أنا كنت حالف ميت يمين أكملهم لك تمنية وسبعين بس ها كفيهم ورق منين وكل سنة وانت ............. واحنا طيبين ......................... بما ان الوضع لسه متغيرش |
جميله ياأحمد شكراً على النقل
|
اقتباس:
الاجمل مرورك مشكور ليكى يا كنارة |
شكر خاص
أحسنت يا اخي
ولك ارق تحياتي |
دلوقتي إحنا فين وهما فين دائمالمحات مميزة استاذ احمد |
جزاك الله خيرا
كل سنه و هو فى السجن |
ربنا ينتنفم منهم
|
| جميع الأوقات بتوقيت GMT +2. الساعة الآن 05:31 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.