|
مع ولا ضد ...
السلام عليكم
اخبار احلي أعضاء اتمني من الله ان تكونوا بخير دائما كنت عايز اعرف رأيكوا انتوا مع ولا ضد في ان الامتحانات تيجي من الاحداث الجارية زي التعبير في العربي والبرجراف والترجمه في الانجلش ... إلخ انا عن نفسي اكيد " ضد " لان كتير من طلبة الثاوية ملوش في السياسة ومتابعة الاحداث العصرية وأولهم انا فياريت نعرف اراء كل واحد مع او ضد وليه مستني ردودكم |
مش فارقه بالنسبالي
و انا مش فاهم ازاي واحد عايش في بلد و ميعرفش اللي بيحصل فيها ؟؟؟؟!! ثانوية عامة او غيرها انا مصري و اكيد متابع بلدي كويس |
مع كلام كريم
على الرغم من انى مش سياسى اوى بس عارف البلد ماشية ازاى فعادى متفرقش |
اقتباس:
انا سؤالي كان واضح وصريح مع ولاضد ان يجيلك في الامتحان أسئله عن الاحداث الجارية زي الترجمه في الانجليزي وغيرها وشكرا علي مرورك |
بص هو انا كان رايى المتواضع انى لو البلد خربت اوى اكتر ما هى خربانة ممكن يخلو سنة تالتة شهادة زى ماهى وبما انى 2 اخر دفعة ممكن تبقى نقل عادى ويطحنوا فى تالتة اللى شهادة
ودا وارد جدا منهم هيقدروا يسيطروا على الامتحان |
الوزير صرح ان الامتحانات بعيدة عن الاحداث الجارية (من انتخابات واحزاب وغيرها ..
|
انا قلت مش تفرق كتير
هو بيختبر القدرات اللغوية للطالب سواء في التعبير او الترجمة يجيب كلمات عن احداث جارية او ميجبش ديه حرية للممتحن مقدرش اقول انه غلط انه مجبهاش او انه صح لما لغاها بس حجة ان اغلب الطلبة مش متابعين الاحداث الجارية ديه اسوء حجة ممكنة للموضوع اصلا |
اقتباس:
شكرا علي ردك |
اقتباس:
وعلي فكره قالوا كده السنة اللي فاتت واظن انت شوفت امتحانات السنة اللي كان فيها بعض الاجزاء المرتبطة بالاحداث الجارية |
اقتباس:
معنديش وقت اني اتابع احداث كل يوم مفيش اكتر من اللي بسمعه وانا راكب المواصلات او اقرأ عنواين الاخبار وفي مقوله بتقول اعرف كل شئ عن شئ واعرف شئ عن لل شئ |
انا ضد لسببين
اول حاجه : ان لو جه موضوع تعبير او برجراف الناس هتخبط جامد اوووى ومش هيبقى ليها حدود فى الكلام وده ممكن يدخل ورقتها لجنه خاصه وتنقص وكده تانى حاجه : عاوزين يدخلوا السياسه فى الامتحانات يبقى يطوروا المناهج والكتب ويحطوا فيها حاجات عن السياسه والناس تدرسها من اول السنه وتذاكرها كويس مش يجى ويقول ان السياسه مثلا يعنى هتدخل فى الامتحانات |
اقتباس:
عارفه لو في الانجلش مثلا جاب يونت عن مثلا الرئاسة او الانتخابات وجه في الامتحان وقالنا اكتب برجراف مثلا عن مواصفات الرئيس الجيد كده من حقه يجيب لان هو كده جاب لنا في المنهج جزء اما يجيب شئ مش في المنهج ويقول اتكلم عنه فده صعب انت عندك 18 يونت في المنهج مش عجبك ولا يونت فيهم !! |
اقتباس:
|
اقتباس:
بس الاستاذ karimadel7 فهمني غلط خالص وكان هيدخل في موضوع تاني بس عايز استفسر عن شئ لو انا طالب معرفش حاجه في الانترنت خالص ولا حتي مواقع التواصل ومحدش هيقدر ينكر ان في طلبه كتير ميعرفوش حاجه عن الانترنت لو انا او انت واحد منهم وجالك في الاختبار النهائي بيقولك اكتب عن الفيس بوك زي ما جه السنة اللي فاتت عايز اعرف هعمل اية او انت هتعمل اية هتكتب عن اية بالظبط دي بقي اللي انا اقصده اما لو جاب في الامتحانات بيقولك اتكلم عن مثلا الفضاء او مايتعلقه به كده محدش يقدز يقوله حاجه لان انت عندك يونت عن الفضاء .... |
اقتباس:
موضوع السنه إللى فاتت كان كويس جدا ولا يوجد به إى وجه للإعتراض عايزك تقولى : " ميـــــــــــــــــن مدرس مداش لطلابه موضوع عن الفيس بوك " ............؟ تقبل تحياتى :):):) |
| جميع الأوقات بتوقيت GMT +2. الساعة الآن 09:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.