المعلمون لن نصحح امتحانات الثانوية
 

http://elbashayeronline.com/upload/i...1336287463.jpg أصدرت نقابة المعلمين المستقلة اليوم بياناً دعت فيه جموع المعلمين للامتناع عن أعمال التصحيح لامتحانات آخر العام الدراسي في جميع مراحل التعليم خاصة الثانوية العامة تحت شعار "هذا آخر الكلام .. لاتصحيح هذا العام" اعتراضاً علي عدم إقرار الحد الأدني للأجور بألفي جنيه عن التعيين، كذلك تثبيت العمالة المؤقتة وإعادة تكليف خريجي كليات التربية.

وأعلن البيان انتهاء المدة المحددة والفرص التى منحها المعلمون للمسئولين سواء لوزارة التربية والتعليم أو مجلس الوزارء، مؤكداً أن النقابة لن تلتزم
بتعديلات قانون التعليم ومادته 155 مع الوزارة متهماً لجنة التعليم بمجلس الشعب بالتواطؤ بعد خلو مشروع قانون حزب الحرية والعدالة من أي إقرار للحد الأدني ووجود توجه واضح نحو إقرارات سياسة الخصخصة للتعليم ورفع يد الدولة عنه.

وشن البيان هجوماً حاداً علي تصديق المجلس العسكري وإقرارمجلس الشعب لقانون الشرطة ورفع أجور العاملين بالجهاز الأمني الذي تقاعس عن عمله وكان أداة للقمع وجاء فيه نصاً "ليس شرفا لنا أن نطالب بالمساواة بقتلة الشعب وسارقيه ورعاة البلطجة وحماتها وسنعطى لكل المسئولين فى الدولة درسا فى كيفية إحترام المعلم حين نمتنع جمعيا عن اعمال التصحيح".

وطالب أيمن البيلي وكيل النقابة المعلمين بنشر دعوة الإمتناع عن التصحيح في جميع مدارس الجمهورية، مؤكدا أن الدعوة للامتناع عن أعمال التصحيح فقط وليس أعمال الملاحظة حتى ينهى الطلاب عامهم الدراسى ويبقى الأمر فى هذه الحالة فى يد الحكومة ومجلس الشعب والمجلس العسكرى.

وقال البيان "لاتفرحوا بجنيهات قليلة فى أعمال التصحيح وفى المقابل تفقدون أهم مرحلة من مراحل الحصول على كرامتكم وحقكم فى الأجر العادل وما هو اتى إليكم عن طريق الحكومة ومجلس الشعب سيجعلكم فى أدنى السلم الاجتماعى

معكم فى الاضراب

والطلبة يضيعوا صح هو ده رايكوا والمهم في رايكوا نكسب احنا ومش مهم الطلبة يروحوا في داهية انا طالب واقول لكم مش دي طريقة للاضراب

مش عشان انت طالب وعايز مصلحتك تنسى حقوق المدرسين
انا مؤيد الاضراب وانا طالب :)

انا مدرس ( خبرة 15 سنة ومرتبى كامل 853 جنيه ) وموافق باصرار على الاضراب

يا جماعة إدوا البلد نفسها شوية
اليوم اللي مافيهوش مظاهرات يبقى فيه إضرابات و الله حرام كدة
و بعدين انتوا بتمسكوا البلد من إيديها اللي بتوجعها ؟
ياريت بقى الحكومة تعين ناس مخصوص للتصحيح بس و تستغنى عن الذل و العوزة للمدرسين اللي بعضهم مش بيراعي ربنا خالص و تلاقي اللي عاوزين يضربوا دول هما اللي واكلينها والعة في الدروس الخصوصية

والله ما ينصلح حال التعليم الا بمعلم جيد مدرب ومؤهل تربويا وماديا والاهانة التي يلاقيها المعلمون من وراء الدروس الخصوصية هي وراء هذا الاستهتار

اكيد حضرتك دبلوم معلمين

استاذى الفاضل

ممكن تقول لى على انجاز واحد لهذه النقابة

المعارضة فقط

فكرتنى بالمعارضة ايام الحزب الوطنى

ايه الهبل ده كل واحد يهمه مصلحته وبس لو كل واحد وقف شغله عشان يزودفلوسه يبقى البلد دى عمرها ما حتتحرك
اللى مخلى الناس تصبر السنين اللى فاتت يبقى تقدر تصبر لحد ما البلد تتحسن شوية وكده ولا كده حيبقى فى حد ادنى للاجور
لكن ده استغلال لاحوال البلد

الساده المعلمين المؤيدين لعدم التصحيح
تخيلوا لو بائع الخضار يضرب عن البيع والسوبر ماركت والسائقيين والخ..............
انتم صفوه المجتمع بالعلم ورفع الله شأنكم ومكانتكم لماذا انتم تضيعوها بأنفسكم وكثيرا منكم
لا يعتمد على مرتبه وانما على الدخل اليومى من الدروس وخاصة مدرسين الثانوى العام اتقو الله فى بلدكم وفى أنفسكم
وفقكم الله الى ما فية الخير لانفسكم لا لمصر

لو كل واحد قعد يعملى اضراب البلد عمرها ماهتنفع
يعنى لما المدرسين هما اللى يعملوا كده طيب الجاهلين يعملوا ايه
ماهوا انتا قبل الثوره كان مرتبك كده برضو مكلمتش ليه من بدرى
والا هوا انتوا هاتعملوا اضراب على حسابنا

حرام عليكم والله ساكتين من 30 سنة والشجاعة جت دلوقتي عوضنا علي الله وإنا لله وإن إايه راجعون

الاهتمام بالمعلمين ماديا ومعنويا للخروج من ركو د التعليم فى هذا البلد الظالم

:blush::blush::blush:لابد من الاضراب