تلخيص لدرس الالكانات CnH2n+2 ( ورقة واحدة )
 

السلام عليكم

قبل اى حاجة الملخص ياجماعة للمساعدة فى الحفظ يعنى لازم تكون فاهم الدرس الاول.

دة تلخيص انا عملته لكل حاجة تقريبا فى الالكانات وان شاء الله اذا كان فية وقت حاعمل لباقى الهيدروكربونات واى حاجة حاعملها حارفعها و ان شاء الله يكون التلخيص كويس وسامحونى على اى اخطاء ان وجدت انا حاولت على قد ما قدرت انى اوضح واكتب زى الكتاب بتاع المدرسة وياريت لو فية اى غلطة او حاجة مهمة ناقصة توضحوها

على فكرة لو عملنا تلخيص زى كدة لباقى الهيدروكربونات حتبقا سهلة التحويلات ان شاء الله.


http://img359.imageshack.us/img359/6...8015rt8.th.jpg

انا عاملها ومصورها بكاميرا الموبيل ( تصوير زبالة ) وخطى ( زفت ) وكان فية اخطاء اتصححت ممكن انت لو الفكرة مفيدة بالنسبة لك تنقلها فى ورقة عندك وتظبتها اكتر
انا عن نفسى كل ما ببص فيها بفتكر كل حاجة عن الالكانات :)

سلام

حلو اوي المخلص بتاعك انا كنت عامله واحد شبهه

خلى بالك الرسمة مش حلوه لما ترسم
1- كبر الرسم
2- الانبوبة لازم تترسم عند الألتواء مش فى صورة زاوية قائمة واخر الأنبوبة تحت المخبار
3- وبعدين انت بتحضر الميثان طيب فتحله المخبار لية علشان يهرب ؟
***المعادلة انت كاتب شق الأسيتات من غير صوديوم \
**سيكون اجمل لما تكتب الاهمية الأقتصادية فى جدول كالأتى
المركب (اسم شائع ) -------------- أسم بالأيوباك----------------------- الأهمية الأقتصادية

شوف
http://file8.9q9q.net/Download/95448...istry.rar.html

واذا كان حاجة مش مفهومة قولى
خلى بالك فى الورق
* احتراق الميثان مفيش فية (تسخين على السهم )

اهلا استاذ ايهاب والف شكرا على تصحيح ( الاخطاء البشعة :D ) معليش اصلى تقريبا مش بكمل 6 ساعات نوم وبيبقو نوم قلق :(

وبالنسبة لكتابة اسم المركب الشائع والاسم بالايوباك والاهمية الاقتصادية
انا كاتب بس انا كنت عايز اوفر مساحة عشان اضم كل حاجة فى ورقة واحدة وطبعا انا عاملها عشان منساش يعنى مثلا
البروبان : اكثر تطايرا من البيوتان (درجة غليانه منخفضة) لذلك يستخدم فى البلاد الباردة بنسبة اكبر من البيوتان.
بس انا كاتب انه درجة غليانه منخفضة بس وطبعا انا بستنتج الباقى يعنى انا مش حاكتب كدة بالظبط فى الامتحان انا حاكتب ان شاء الله الاجابة الكاملة بس انا هنا كاتبها مختصرة عشان اقدر احفظ بسرعة اكبر

بالنسبة للرابط اللى خضرتك وضعته مش عارف احمل منه للاسف :( حاحاول كمان شوية يمكن فية ضغط على الموقع.

الف شكر مرة اخرى على سرعة الرد ( قبل ما الفضيحة تبقا بجلاجل ):D

مشكورررررررررررررررررررررر

انا عايز بقيت الكشكول

ام الطمع دة :D

بص انا حاديك اللى معايا وربنا يسهلك
ورقة الالكينات
ورقة الالكاينات

http://www.mediafire.com/?brmhkfuyxcm

لو الفكرة عجبتك اكتب الورقة تانى بخطك وارسم انت الجهاز عشان انا كسلت ارسمه
واتأكد ان مفيهاش اى غلطة تراجعها من كتاب المدرسة ( الله اعلم يمكن اكون غلطان فى كتابة حاجة )

ياريت اكون فيدتك بحاجة :)

طمع اية يا جدع انت :mad: احنا مش متفقين علي كيلو تفاح ((( امريكاني ))) :D:rolleyes::p

دة لو مانتحرتش :D
يلا ربنا معاك ومعانا ^_^

علي فكرة صورة الملخص اللي انت عاملة مش واضحة صغيررررررررة جداا
اعمل ايه علشان اكبرها واشوفها

اضغطى على الصورة حتفتحلك صفحة فيها الصورة
او
http://img508.imageshack.us/img508/1...5mo3adlqi1.jpg

لو برضو صغيرة دوسى على الصورة حتكبر