|
ايام الامتحانات
نخصص هذا الموضوع لاظهار مواهب الادارة والمعلمين والطلبه ايام الامتحان
|
موقف بيتكرر دايما خصوصا فى امتحانات الترم الاول تلاقى الطالب كاتب الصف الاول الثانوى مثلا فى ورقة الاجابة وهو فى سنة تانية!!
|
كمان طلبة اولى اعدادى بيكونوا لسه فيهم براءة الطفولة تلاقيه بعد ما يسلم ورقة الاجابة يرجع يقعد مكانه فاكر نفسه فى الحصة هههههه تقوله رايح فين يقولك هقعد مكانى يا استاااااااذ بيتكرر دايما الموقف ده
|
كككككككككككككككككككككككككككك
|
عندى فى المعهد البنات وقت الامتحان بيكلموا نفسهم
|
مرة برضه كنت براقب شهادة ثانوية فى معهد فتيات وطبعا مش بغشش بنت فضلت تعيط وشوية تقولش ركبها عفريت وتشنجات وحركات ومش حاسة بايدى المهم بعت لمشرفة جت للبنت واستاذنت تروح الحمام رجعت بعدها بسم الله ما شاء الله فريرة والذاكرة رجعت وكله تمام طبعا فاهمين اللى حصل، مفيش خمس دقايق واللجنة كلها عايزة تروح الحمام كلهم فى نفس اللحظة!! لو مكانى تعملوا ايييييه؟!!!
|
فى نفس العام وفى نفس المعهد دخل موجه اللجنة وعايزنى اغشش وبيقوللى فكها ودول زى اخواتك وفضل متنح واقوله طب حضرتك اتفضل وكله هيبقى تمام يقولى لا تعالى معايا انا عايزك!!!!! عايزنى فين ياعم الحاج وده مصر وملح انى اروح معاه! قلت له لو سمحت اتفضل بره مش عارف اشتغل وكله قدام الطلبة، نزل تحت واشتكانى لرئيس اللجنة اه والله العظيم والاستاذ اللى فوق ده فاكر نفسه مين وعيب كده وكان ناقص يكتب فيا مذكرة انى مش عايز اغشش :cool:
|
فى عندى طالب فى اللجنه رابعه ابتدائى بيكتب كل الاسئله والكلمات متصله ببعضها البعض تقلش انجليزى
بقله انته وصلت سنه رابعه ازى قال لى زى الناس والله ماعرف يكتب اسمه اشرحوها لى كيف وصل |
السنه اللى فاتت لقيت واحد قاعد اخر اللجنه لوحده مش راضى يخرج
قولتله يللا يلا اخرج تخيلوا قال ايه؟؟؟؟؟؟؟؟؟؟؟؟؟؟؟؟؟؟؟؟؟ قال عاوز بس حد يكتبلى بياناتى؟؟؟؟؟؟؟؟؟؟ |
نموذج الاجابة للادب والنصوص النهارده بالدقهلية ردء جدا
|
| جميع الأوقات بتوقيت GMT +2. الساعة الآن 04:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.