|
فرفشة عن الثانوية العامة
لجنة الثانوية العامة:: المراقب:امتحان يا اولاد سهل وبسيط هو سؤال واحد..اكتب من الجلده للجلده؟ الطالب:يا جدعان مش معقول كده مش عارف اركز كل شوية حد يبعتلى ماسج(غششنى شكرا) الطالب2:يا ترىالدرجة اللى هاجبها ها تبقى كام بعد الضرائب؟ الطالب3:انا برفض الاجابة على اى سؤال الا فى حضور المدرس الخصوصى بتاعى...... دعاء غير مستجاب ************ اللهم قرب ورقة الجار منا....و ابعد نظر المراقبين عنا..اللهم ضيع ورق الاجابات من لجان تصحيح الامتحانات ************************************************** ************** حكمة الشاطر:من غشنا فليس منا..................حكمة البليد:من راقب الناس مات هما فوائد الغش 1\يعمل الغش على تقوية روح الصداقة بين الطلبة ودعم روابط المودة بينهم 2\يدعم مبدا حسن الجوار الذى تدعو له الموثق الدولية..... 3\تقدم للمراقب خدمة جليلة الذى سينشغل بما تفعله بدلا من الاكتئاب والملل الذى قد يسبة بسبب جلوسة بلا عمل طوال مدة الامتحان.... 4\يتيح لكالغش اظهار روح التضحية اذ سيتمكن زملائك من الغش دون اى مخاطر لان المراقب سيكون مشغولا بما تفعلة 5\ستتمكن من التعرف على المسئولين عن لجنة الامتحانات مثل المراقب وربما رئيس اللجنة وبذلك تصبح من الشخصيات المشهورة الامعة....... 6\سينتهى الامر غالبا بسحب ورقة الامتحان وبالتالى تعود الى المنزل قبل باقى زملائك بدلا من الجلوس فى مكانك بلا اى فائدة..... 7\اذا كنت سعيد الحظ قد تحرم من دخول باقى الامتحانات وستتمكن بالتاكيد من الاستمتاع بالاجازة الصيفية مبكرا...... امتحانات اخر طرقعة!!!!! **************** امتحان الرياضيات *********** صعيدى وزنة 85 كيلو جراما بالجلباب ،القى بنفسة من فوق برج الجزيرة،فارتطم بالارض بعد5ثوانى ،واستغرق 10ثوانى اخرى فى النهوض وتنفيض الجلباب....احسب المسافة بين قمة البرج والارض وتاريخ انتاج جلباب الصعيدى؟ امتحان العربى ********* اولاالتعبير:اكتب برقية لوالدك تهنئه فيها بزوجتة الجديدة،شارحا الاسباب التى دفعته الى الطفشان من وجه ماما (لا تذكر اسماء ولا عناوين) اختر من بين القوسين: *************** من قائل هذا البيت (الليل و الخيل و البيداء تعرفنى...الخ) (ابو النمرس_ابو تريكة_ابو الطيب المتنبئ) القواعد النحوية: ********** (حضرت احدى الراقصات حفل مدرسة ثانوية بمناسبة نهاية العام الدراسى ،ورغم انها رقصت على موسيقى العنب،الا انها رقصت عشرة بلدى) 1\اوزن ما تحتة خط 2\هات من كلمة (عنب)صيغة افعل التفصيص 3\استخرج من القطعة السابقة:فعل ماضى_فعل فاضح امتحان الاقتصاد ********** قالت دراسة للدكتور سيد فهمى عالم الاجتماع الشهير ان الحشاشين يستهلكون 50 طنا من المخدرات سنويا من واقع الدراسة المذكورة اجب عما ياتى: 1\هات معدل الاستهلاك اليومى من واقع احصائية الغرز؟ 2\كيف يمكن رفع معدلات انتاج المصانع المعسل لمواكبة الزيادة المذكورة دون الاعتماد على الاستيراد؟ 3\حدد بدقو وبامانة ال50 طن حشيش المذكورين يعملو كام حجر؟ اختر **** فاز الزمالك بلكاس(بطلوع الاهلى_بطلوع الاسماعيلى_بطلوع الروح) امتحان الرسم ********* ارسم ولون قميص شعبان عبد الرحيم مستخدما فرشة الجير فقط مع اطيب الامنيات بلنجاح بلعافية |
واحد كان ماشي في شارع فلقي ناس واقف طابورة ناس كتير اوي فسال اللي قدامه قاله انتم واقفين ليه قاله مش عارف انا لاقيت الناس الكتير دي واقفة قلت اقف زيهم وفضل يسال كل واحد يرد نفس الرد لحد ما وصل لاول واحد في الطابور فساله وقاله انت واقف ليه قاله ابدن انا رباط الجزمة فلت فقعدت اربطه فلم وقفت لاقيت الناس الكتير دي واقفة وراية قالوه طيب ما ممشتش بعد كده ليه قاله انت عبيط ابقي اول الطابور وامشي
|
المعلم يسال الطالب : غير صيغة الفعل من المضارع للماضي . الطالب : خلاص الماضي ودعته = محيت ذكراه من بالي انا من باعني بعته = ولا دربه يجي دربي المعلم : إنت فاكر دمك خفيف ، إنت عاوز تعلمني الهيافة بتاعتك ؟ الطالب : حاجات علمتهالك ... وحاجات نولتهالك ... وحاجات عيشتهالك .. أيام مكنتي معايا .. بريئة بتحلمي ! المعلم: لك يخرب بيتك أنتي فاكرني بنت يا مسطول ، اعتذر وتوب قبل ما ارميك من الشباك الطالب : وانا كل ما قول التوبة يا بوي ترميني المقادير ياعين ! المعلم : انا رايح اجيب الناظر يتفاهم معاك ، وحتشوف لما يجي حيعمل فيك ايه الطالب : الغضب الساطع آت - من كل مكان آت ! المعلم : هزر زي ما انت عاوز وحنشوف حتعمل معاه ايه ! حضر الناظر مع المعلم وسال الناظر الطالب : الناظر : إنت إيه حكايتك مع المدرس ؟ الطالب : توادعنا انا واياه = لكن ما توادعنا . الناظر : انت يا ابني بالع راديو والا شريط .. مالك كده على بعضك مزيكا ! انت ما نمتش امبارح ؟ الطالب : نسيت النوم واحلامه = نسيت لياليه وايامه ! الناظر : إطلع بره وخليني اشوف ابوك جاي هون يا مش متربي الطالب وهو خارج من الصف : يجيلك يوم تندم على ما سويت = واقول منك لله يكفي انا مليت ! المعلم للناظر : الطلاب اللي زي دول بتعمل معاهم إيه ؟ الناظر : أطبطب......... وادلع ! مسكين النااظر صااار مثل الطاااالب هههههههههههههه |
بسم الله الرحمن الرحيم وبه نستعين شوفوا الولية الغبية -يارب.. يارب تنجح يا نون يابن ابنى وأشوفك دكتور أد الدنيا -ياستى بس أنا فى تجارة -وماله يابنى هو يكتر على ربنا...... ده ربنا قادر على كل شئ -ياستى ونعم بالله بس اللى بيطلع دكتور لازم يكون فى كلية الطب مش التجارة -ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا -ياستى التجارة اللى فى الوكالة حاجة واللى فى الكلية حاجة تانية -ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق -جدى إيه اللى هايخدنى معاه .....ده جدى مات من زمان ياستى -يامصيبتى عبد الواحد مات..ياحبيبى ياأخويا..مكنش يومك ياسبعى -ياستى ده ميت من تلتين سنة -تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة -ياستى حرااام عليكى عايز أذاكر بقى -يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون -ياستى دبلون إيه..أسمه البكالوريوس -أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون -خلاص دبلوم دبلوم ياستى ..سيبينى بقى عشان أذاكر -ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب- وأخلاق..وعلام كمان -ياستى عبير دى معاها أعدادية -وماله يابنى ...الراجل مايعبهوش إلا جيبه -راجل ...راجل مين ياستى...عبير دى بنت -عبير ...عبير مين ياوله..أنته بتعرف بنات من ورانا -لا إله إلا الله....أبوس رجلك ياستى أرحمينى بقه -طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى -ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوكي مش بنت أختك ..وأساسا إنتى ملكيش إخوات بنات -صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان -حراااااااااااااااااااااااااااااااااام ............ستى ماتطلعى البلكونة شويه ...ده الهوا حلو بره -لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى خلاص روحى المطبخ ...أهو زمان أمى خلصت الرز -رز...رزإيه يابنى....هوأنا ليه سنان للرز...أناهطلع البلكونه أحسن -طب أبقى خلى بالك م الهوى ياستى -هوى لما يلطشك الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف بعد خروجي من القاعة اكتشفت اني ناسي اسمي ياترى أنا كان إسمى إيه؟؟ ياترى كان إسمى إيه؟؟ |
ههههههههههههههههه
ي إلهى ... وعندك وقت تكتبى ده كله بس نسيتى حاجه مهمه من فوائد الغش ألا وهى ... تقويه عضلات العين عن طريق النظر إلى ورقه إللى قدامى ... وكلما كان خطه أصغر ... كلما زادت عضلات العين قوه جزيتى خيرا أختنا ع نشر السرور ف المنتدى :d:d |
اقتباس:
اصل لقيتكم خليتوا المنتدى قلب احباط وكئابة قولت اغير الجو شوية |
هههههههههههههههههههههههههههههههههههههههههههههههههه ههههههههههههه عسل والله ياهالة بس الولية دى جبتلى شلل وانا قاعدة |
اقتباس:
مش قادر حرام عليكى بجد البيت عندى كلهم قالوا عليا " إنت عبيط " بتحك ع إبه ي ولا ى أهبل إنت والله عيطت من كتر الضحك أضحككى الله ف الجنه ي هاله هههههههه.....والله م قادر أمسك نفسى |
اقتباس:
وانا والله لما قريتها كنت خلاص قولت ربنا يكون فى عونة معاها |
اقتباس:
لا الكل بقا كدا الايام دى انا بضحك على اى حاة فى البيت وكلهم بيقولولى الثانوى اثر فيكى جامد السنة دى فين الباقى يدخل ويغير جو المذاكرة شوية |
هههههههههههههههههههههه يا لهوى على بتاعه الوليه دى
يا نهاااااااااار مسخره هو فى كده بس انا ستى زيها بس هى سمعها تقيل فبتفطسنى على نفسى من الضحك -يامصيبتى عبد الواحد مات..ياحبيبى ياأخويا..مكنش يومك ياسبعى -ياستى ده ميت من تلتين سنة -تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة ههههههههههههههه دى بتفكرنى بمحمد هنيدى فى المسرحيه لما كان بيقول سامى ده رووووووووحى روووووحى روووووحى مبيسألش عليا ليه قام علاء ولى الدين قالها سامى مااااااات قالتله فى داهيه ربنا يحرقه مطرح ما رااااااااااااح اللى ما عمره دخل عليا بحاجه ههههههههههههههههه |
هههههههههههههههههههه ....
رووووووووعة يا هالة ... بصراحة انا ضحكت لما قلت بس عن\ك حق ... نطلع من جو المذاكرة شوية مش عارفة جبتى الحجات الحلوة دى من فين .. ^ ^ ... اشكرك شكرا جزيلا .... بارك الله فيكى |
اقتباس:
انا كنت مخنوقة رحت جبت دول قولت احطهم فى المنتدى الى انتوا غيرتوا الجو بتاعة دا |
اقتباس:
اه فعلا والله يلا بقا روحوا زاكرو غيرتوا جوا اهو قوموا ولما تزهقوا ارجعوا هههههههههههه |
بجد تحفة تسلم ايدك وشكرا على الضحك وبارك الله فيكى
|
| جميع الأوقات بتوقيت GMT +2. الساعة الآن 06:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.