|
التاريخ وم أدراكَ م التاريخ
السلامَ عليكم
عندي مشكلة بس مع التاريخ .. هتقول إيه هي المشكلة هقولك بنسى تقولي أحفظ وكرر هقولك بحفظ وبكرر كتير هتقولي أفهم هقولك والله بشرح لنفسي هتقولي أربطها بقصة وأفراها هقولك الحفظ مش مشكلة لكن النسيان الغريب أو الطبيعي ف المادة الغريبة دي وكثرة الأحداث والشخصيات والتواريخ طيب إيه المشكلة وإيه الحل هقولك هو ده الســَؤال ؟ المادة دي عاوز أجيب فيها خميس ونفس المادة دي هي اللي أنا ضايع فيها هتقولي ده إنته بحالتك دي مش هتجيب الدرجة دي هقولك آمل ف إن حد يديني حل ولعلَ الله يحدثُ بعد ذلكَ أمراً |
اقتباس:
وكمان ركز على 5.8.11.12.13 فى المذاكره وانت تقفل وتجيب 60 من 50 كمان ولا تزعل نفسك |
انا زيك بظبط بقالي يومين بذاكر العاشر والحادي عشر ذكرتهم 7 مرات وحليت عليهم
ودلوقتي لو سئلتني ولا هفتكر |
بتهيألكوا هتفتكروا فى اللجنه
|
هو افضل حاجة بصراحة حل الاسئلة والورقة والقلم
عشان المعلومة تثبت , لان المنهج كبير فعلا انما مع حل الاسئلة الكتير والامتحانات المعلومات بتثبت بشكل كويس |
ذكرتنى بنفسى العام الماضى ... ليله إمتحان الكيمياء
كانت الساعه خلاص 12 بليل وطبعا كنت مراجعها أكتر من مره لأن كان قبلها أسبوع ف قولت قبل م أنام أحل إمتحان ثانويه سابق وأديت الإجابه لماما وييلا أول سؤال ... ي إلهى كما خلقتنى لا شئ أتذكره ... والدتى إندهشت ... الأمتحان بكره ... والولا مش فاكر حاجه ... حسيت كأنى ح تشل والله العظيم ده بجد قالتلى يللا قوم نام ... قولتلها أراجع .... لأ قوم نام ودخلت اللجنه ي ألهى أول م خدت الورقه ... هبطت المعلومات من السماء عليا ... وتذكرت كل شئ طبعا أنت بتقول ده ساب مشكلتى وقعد يحكلنا حكايته هو و أمه لا والله بس أنا بوصللك . إن هناك مواد تتذاكر عشان تتنسى ... هى كده لكن ف الأمتحان ... ستتذكر كل شئ بعون الله تعالى نسأل الله تعالى أن يتم علينا بنعمه التذكر ف تلك الأيام لا تخف ... إن الله معنا :):):) |
| جميع الأوقات بتوقيت GMT +2. الساعة الآن 08:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.