|
ارجو الرد
يجماعة انتو عارفين انا اول مرة امتحن في مصر وكمان ثانوية عامة
وانا بكتب موضوع التعبير اكتب العناصر وتحها الموضوع على طول ولااكتب كل واحد في صفحة يعني العناصر في صفحة والموضوع في صفحة وهل ينفع استخدمها في موضوع التعبير وش وضهر ولا في الامتحان استخدم الكراسة وش بس ولو كتبت صفحتين وش وضهر هايقول كتيير ومش هايقرها وينقصي لاقدر الله ولا ايه عارف انها اسئلة ماتستهلش اعذورني انا مبصقش في حد غيركو |
اكتب العناصر فى صفحه يستحسن يعنى
والموضوع فى الصفحه اللى جنبها على طوووول انا بعمل كده |
والله يا ضحى ماعارف اودي جمايلك عليا فين ربنا يوفقك يارب زي مابتحبي تساعدي اي حد كده
|
بص ي حبيبى
التعبير بيبقى إزاى صفحه للفكر وع فكره إسمها " فكر " وليست " أفكار " ودى لا تقل عن 8 أفكار وعليها 3 درجات من 7 ثانيا الموضوع م تسبش فيه سطر واكتبه ع هيئه فقرات كل فقره حوالى 6 سطور فيما لا يقل عن 6 فقرات بحيث إن الموضوع يعمل معاك حوالى صفحه وش وظهر وكمان صفحه وش بس بس ركز ع علامات الترقيم ... مدرسنا بيقول إنهم ح يدققوا فيها السنادى وطبعا الموضوع عليه 4 درجات منقسمه إلى 2 لحسن الخط و1 درجه للغلطات النحويه والإملائيه و1 ع كتابتك للموضوع ومضمونه وكمان ممكن تشكل حتى تعطى للموضوع شكل جميل والإستشهاد لابد منه ع الأقل لكل فقره إستشهاد |
اقتباس:
:rolleyes: هار اسوس هعمل موضوع تلت صفحات انا لحد اولى ثانوى كنت نص صفحه افكار والنص الى تحتها الموضوع واكبر خطى علشان انجز وابوس ايدى وش ضهر :d شكلى علشان كدا كنت بتنفخ ف العربى |
بتكتب العناصر الرئيسية للموضوع. يستحسن 10 افكر ممكن لحد 8 مش اقل من 8 ولااكتر من10 وبتشد خط وتكتب فى وسط السطر الموضوع وتبدا تكتب 3 صفحات ونص كدة او 2 ونص وحسن خطك على اد متقدر ومتنساش التشكيل والقواعد النحوية والاملائية وترتيب الافكار كل ده عليه درجات وابقى راجع التعبير الوظيفى كويس جداااااااااااااااااا. بالتوفيق. |
اقتباس:
الفكر ف صفحه .... والموضوع ف صفحه تانيه أصلا لما حد ييجى يكتب موضوع التعبير يكتب رأس الموضوع إللى أختاره ... ثم يكتب الفكر وبتبقى حوالى 8 كفايه ... الصفحه كده خلصت ي سها ... يشد خط فيــــــــــــــــــــن بقى ؟؟؟؟؟؟؟؟؟؟؟؟؟؟؟ |
اقتباس:
بتكتب عناصر الموضوع الاول او التانى (يعنى الموضوع اللى اخترته) الرئيسية وانا بعمل كدة ومنقصتش اكتر من نص فيه الحمد لله |
اقتباس:
بس أنا بعمل كده وبرده عمرى م نقصت عن نص بعون الله أكيد هناك كذا طريقه لكتابه التعبير |
اقتباس:
|
اقتباس:
|
يجماعة انا هجنن دا انا طلعت بنقص في العربي علشان التعبير
سؤالي دلوقتي ومعلش استحملوني مليش حد غيركو اسأله انتو اخواتي الكبار وعارفين عني رأس الموضوع اللي كتابه في ورقة الاسئلة واللي انا اخترته و الافكار في صفحة وبعدين الصفحة اللي بعده الموضوع صح كده وهل لا زم اكتب راس الموضوع الصغيرة قبل الموضوع يعني مثلا العلم العلم كالماء والهواء كما قال الاديب العظيم طه حسين ولا اقول الجملة على طول ومكتبش كلمة العلم اللي في الاول وكفاية راس الموضوع الطويلة اللي كتبتها في الصفحة الاولى قبل العناصر عارف انها اسئلة مملة بس استحملوني ده انا طلعت بلوة في التعبير باقي 20 يوم الحق نفسي في التعبير بدل مااضيع |
مثال علشان تفهوموا قصدي
الحرية والديموقراطية اساس بناء الشعوب والظلم من اسرار هدمها (ده راس الموضوع اللي مكتوبلي في الورقة لازم اكتبه قبل العناصر ولا لأ) عناصر الموضوع : 1- الحرية نور وامان والاستبداد خوف وظلام 2معنى الحرية وشروطها 3- اهمية الحرية بالنسبة للانسان 4- الاثار السلبية نتيجة العيش بدون حرية 5- التضحية من اجمل نيل الحرية 6- موقف الاديان السماوية من حق الحرية لكل انسان 7- راي القران الكريم والسنة بالنسبة للظلم والانسان الظالم وعاقبتهما 8- تعدد الاحزاب دليل على الحرية الاختلاف في الراي لا يفسد للود قضية 9-ودور الرسول صلى اللله عليه وسلم في اثبات ذلك من خلال حرصه على المشاورة وكفل حق حرية الرأي 10- نتائج الحرية وتحقيقها للسلام وبناء مجتمع متحضر واقلب الصفحة الحرية كذا كذا كذا وابدأ في الكتابة انا فهمت كده صح وسامحوني دوشتكو وربنا يخليكو ليا |
اقتباس:
انت بعد مبتكتب التعبير الوظيفى شد خط واكتب عناصر الموضوع الاول (او الثانى ) الرئيسية وبتكتب العناصر وبعدين تشد خط تانى وتكتب الموضوع وتبدا بالجملة اللى انت كتبتها دى مثلا اللى موجودة ف راس الموضوع وحاول تنظم الورقة جااااااااااامد.بالتوفيق. |
اكتب التعبير الوظيفى
وبعد ما تخلصه تعمل خط زى السكر كده :d وتكتب عنوان الموضوع اللى هتختاره وبعدين الافكار هتلاقى الصفحة خلصت :d وبعدين تكتب موضوع التعبير وتسيب سطر وتكتب صفحتين لان اساسا مفيش وقت للتعبير عشان تكتب كتير ربنا معاك ومعانا ياااااااارب :) |
| جميع الأوقات بتوقيت GMT +2. الساعة الآن 09:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.