عندى اقتراح لمن يوافق
 

السلام عليكم ورحمة الله وبركاته
انا عندى اقتراح ولمن يؤيد فعليه التاييد بذلك وطبعا ده بعد اذن الادارة اقتراحى هو لماذا لا نعمل مقراة فى الغرفة الصوتية طالما الله من علينا بهذه الغرف لماذا لا نجعل للدين حظا منها ونجعل فيها مقراة لحفظ وتسميع القران ونحفظ فيها مع بعض وفى المواعيد التى لا يوجد بها دروس حتى لا نعطل الطلاب وتكون حتى ولو يومين فى الاسبوع ده بعد اذن الاستاذ صوت الحق
مستنى ارائكم ان قبلتم اقتراحى فجزاكم الله خيرا
وان لم تقبلوا ايضا جزاكم الله خيرا

موافق واول واحد مشترك واتمنى ان نكون فى الغرفة خمسون فرد

بجد يا استاذ صوت الحق جزاكم الله خيرا
الله يعلم مدى سعادتى
لانى كنت اظن ان لن يوافق عليه احد منتظر بقى التفاصيل

لا توجد اى تفاصبل نحدد موعد نجتمع فيه ويكون معنا بعض من الناس التى انعم الله عليها بحسن التلاوة لكى تعلمنا وبعون الله سوف احدد مع الشيخ محمد المصرى مواعيد دخوله الغرفة الصوتية وهو عالم من علماء الازهر الشريف يكون معنا فى هذه الجلسات وبعون الله سوف نجعل موعد الى القاء خطبة الى اعضاء المنتدى وحلقة للافتاء
ربنا يتقبل منا يارب

وأنا كمان موافقة
هبقى تانية واحدة
يلا يا جماعة

موافقه

بس يا استاذ عصام الشيخ الي هياتي اسمه محمد ولا محمود

وانا كمااااااااااااااان موافق وانا التالت
بس هاتدفعوا كام

لبس بجد يا جماعه موضوع جامد اوى
جزاك الله خيرا يااخ

انا كنت ناوى اعمل موضوع زى دة فى الاجازة ويتحط فى القسم العام اسمه (دورة تحفيظ القرانعلى بوابة الثانوية العامة)
وهما طبعا غرفتين
غرفة للاولاد وغرفة للبنات
ونبتدى من اول القران خاااااااااالص ويكون فيه واحد مشرفة
وبنت مشرفة
كل على حدة فى الغرفة الخاصة بيه
طبعا اقتراح جميل جدا
بس دلوقتى الناس مشغولة شوية
واكتر العدد من الى بيدلخوا طلبة
فى امان الله

جميل جدا جدا بس في مشكلة انو هيخش على وقت الامتحانات يعني لو بقى في الاجازة هيبقى ممتاز
اما حاليا مش هنلاقي انتظام ....

جزاك الله خيرا على هذه الفكرة

انا موافقه ويسعدنى الاشتراك فيها

اولا شكرا على ردودكم وموافقتكم على الاقتراح ولكن ده جاى فى ميعاده اوى ده وقت الامتحانات بنبقى محتاجين ربنا يوقف جانبا اوى ولا ايه
ثانيا خدوا بالكم من اللى قولته انا قولت مقراة يعنى مش الحفظ هو الاساس دلوقتى المهم نفضى حتى ولو نصف ساعة نغسل فيها قلوبنا وانا ما قولتش كل يوم انا قولت حتى يومين فى الاسبوع انا شايف ان ده وقت مناسب جدا يا جماعة ده احنا محتاجين ربنا يرضى عنا وعمر ما حفظ او قراءة القران هتضيع وقتنا ابدا ووالله الذى لا اله غيره انها ستكون سبب نجاحنا وربنا هيباركلنا فى مذاكرتنا اوى وهيقف جنبا وممكن يفتح عقلك
ندااااااااااء يا جماعة يا اللى فى مشاكل الطلبة الحل عندى تقربوا من ربنا وهتذكروا والله كويس جدا
ومنتظرين المواعيد من استاذنا الجليل صوت الحق
وجزاكم الله خيرا

جزاكم الله خيرا على قبول الموضوع
وموضوع حضرتك ده ابعت للاستاذ صوت الحق رسالة خاصة واعرض عليه فكرتك وحدد معاه اللى هتعمله واحنا ان شاء الله كلنا هنقرا مش واحد بعينه

اسمه محمد المصرى ده المسجل بيه فى المنتدىوهو اسمه الحقيقى محمد وهو جار لى بجوار المنزل مباشرتا