|
ممكن طلب
السلام عليكم
اولا عايزة اعرف كل واحد فيهم انتخب مين ثانيا ممكن حد يقولى فى المرحلة الصعبة دى اذاكر ازاى وازاى انظم وقتى ولا تنسونى من الدعاء |
وعليكم السلام ورحمة الله تعالى وبركاته
بصي يا آنسه ايمي انا انتخبت الدكتور عبد المنعم أبو الفتوح وأميل إلى التيار الثوري نوعاً ما ولكنّ لما ييجي شفيق قدام اي حد فهرشح الأي حد دا لذا أدعم الدكتور محمد مرسي رئيساً للجمهورية كي يكتسح الفريق شفيق ويعلم هؤلاء أنّهم ليسوا سوى اقلية لا وزن لها وحقيقة قد حكم على الثورة بالنزيف حتى الموت ولكنّ أملي في الله كبير وهذا ما اكده رئيس حملة الفريق شفيق عندما قال في صحيفة النيويورك تايمز (الثورة انتهت والفريق سيقضي على الاخوان). وانا مثلك والله مش عارف اذاكر وبقرف كل ما امسك حاجه بس لازم نخلي السياسه متسيطرش علينا لأنّ مستقبلنا مهم بردو منفرطش فيه فلازم تسيبك من كل الكلام دا وتركزي في دراستك وكلها شهر ونص وتفضي إن شاء الله وربنا يوفقك يارب رحم الله مصر وشعبها وأسكن شهدائنا عليا الجنان رحمكِ الله يامصر |
والله انا كمان زيك والسياسة كلت دماغى خلااااااااااااااااااااااص.
|
الحقيقة انا ما نتخبتش لانى اقل من 18 ..
بس لو ليا صوت انتخب ابو الفتوح .. وان شاء الله يكون رئيس لمصر بالنسبة للمذاكرة .. الافضل انك تعملى جدول .. يعنى انا دلوقتى بحل فى الاسبوع ده ... ان شاء الله بحل تمارين الرياضيات كلها فى كتاب المدرسة وبخلص فى الالمانى و قربت اخلص الانجلش فى دليل التقويم .. والاسبوع اللى بعده ان شاء الله .. اللى هو اخر اسبوع مخلياه للعربى و الجولوجيا .. يعنى شوية عربى و شوية جولوجيا .. وربنا يقدرنا ان شاء الله |
اقتباس:
وهي تقريبا عملت التوبيك دا عشان ال حصل ف الانتخابات والنتايج الصعبه ال غير متوقعه يعني هي بتتكلم فيما بعد ماحدث مش موضوع سياسه بشكل عام |
لسه النتيجة ما تلعطش .. ف انشاء الله يكون ليه نصيب
ويكون الرئيس القادم ان شاء الله |
اقتباس:
النتيجه الرسميه اه لسه مطلعتش بس المؤشرات خلاص بتاكد ان احمد شفيق ومحمد مرسي هم ال هيعيدوا |
ايوة .. بس بردو نتاكد من النتيجة الرسمية و المؤكدة
وبعدين فيه محافظات متقدم فيها ابو الفتوح وفيه محافظات بيكون فيها المركز التانى او التالت يعنى قريب من الاول فالافضل نستنى النتيجة الحقيقية |
اقتباس:
ماله محمد مرسى بقى ياباش مهندس احم قصدى احمد وبعدين حمدين عمل مؤتمر جماهيرى مقدم طعون واحتمال يحصل حاجة تخليه هو اللى يعيد دول 8 مليون مكنش ليهم حق الانتخاب وانتخبو .. ربنا ييسر الحال ويدبر الامر فلايحسن التدبير سواه. |
انا كان نفسى انتخب حمدين صباحى بس للاسف مش ليا صوت دلوقتى بقى لازم نتحد كلنا وندى صوتنا لمرسى ******************************* المفروض دلوقتى انتى تشوفى ايه اللى ناقصك وتذاكريه لان خلاص الوقت ازف وربنا يوفقك ويوفقنا |
اقتباس:
بس الموضوع مش فيه هو الموضوع انه بعد ثورة عظيمه زي دي عيب اوي انه ميبقاش في اي مرشح ثوري في الاعاده حتى بس انا آسف مينفعش اعتبر الدكتور مرسي رئيس ثوري فالمرشحون الثوريون معروفون جيداً للجميع |
اقتباس:
|
اقتباس:
بصي يا سها انا مراعي انك متعرفينيش بس انا قولت قبل كدا ومقتنع من فترة اني ارشح ابو الفتوح بس لو عاد محمد مرسي قدام اي حد الا ابو الفتوح حتى لو قدام صباحي هنتخب الدكتور مرسي ولو عاد صباحي قدام اي حد غير الاتنين دول هنتخبه مما يعني اني بحترم الدكتور مرسي جدا ومقتنع بيه بس لايجوز اني اقول انه مرشح ثوري فعلاً متزعليش يعني في واحد عجبني جدا كلامه بيقول طبعا الثورة كان فيها كل الاطياف والاخوان كانوا مؤثرين فيها جدا بس الثورة في ال18 يوم مختلفه تماما عن الثورة الآن الاخوان كانوا في الميدان ماشي ولو انه مش من بداية الثورة ماعدا بعض الاشخاص زي دكتور ابو الفتوح بس بعد ال18 يووم ماخلصوا الاخوان سابوا الثورة مش هقول تواطئوا بس على الاقل مساعدوش على إنّها تكمل ومكملوهاش مع الشباب للي سمع امبارح برنامج محمود سعد وشاف مكلمة السيدة وفاء أم الشهيد محمد مصطفى هيحس بجد بمعنى الحزن من الاخوان لما سابوا الشباب ساعة احداث مجلس الوزرا لما قالوا سيبوا عجلة الانتاج تمشي وسابوا الشباب يتقتلوا عشان كانوا بيقولوا مش عايزين الجنزوري ودلوقتي هم ال جايين يقولوا الجنزوري وحش!!!!! انا اسف يا سها بس دي الحقيقه ال مينفعش حد ينكرها |
| جميع الأوقات بتوقيت GMT +2. الساعة الآن 10:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.