بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   المسائل فيزياء 3 ث (https://www.thanwya.com/vb/forumdisplay.php?f=1022)
-   -   :::::: اريد إجابات فيزيائية مقنعة ارجوكم لهذه التعليلات غير الموجودة فى الكتب ::::::: (https://www.thanwya.com/vb/showthread.php?t=428164)

احمد هشام المراكبى 27-05-2012 12:17 PM

:::::: اريد إجابات فيزيائية مقنعة ارجوكم لهذه التعليلات غير الموجودة فى الكتب :::::::
 
1 - القيمة المتوسطة للتيار المتردد خلال دورة كاملة تسواى صفر .

2 - رفم ان متوسط شدة التيار المترددخلال دورة كاملة تساوى صفر إلا انه يتم إستنفاذ طاقة كهربية على شكل طاقة كهربية على شكل طاقة حرارية لحركة الشحنات .

3 - متوسط القوة الدافعة الكهربية المتولدة فى ملف الدينامو خلال ربع دورة يساوى متوسطها خلال نصف دورة .

هذه الاسئلة لها إجابات ارى انا غير مقنعة تماما .. ياريت استاذ يجاوب على هذه الاسئلة مستندا للقوانين .. لانى اخاف ان تأتى فى الامتحان و تكن الاجابة غير كافية او خاطئة


jjordon 27-05-2012 01:20 PM

شفت اجابتها فى الوسام مراجعة نهائية ؟؟ ايه اللى مش مقنع بظبت

jjordon 27-05-2012 01:45 PM

1 مرفق
السؤال الاول ..

jjordon 27-05-2012 01:54 PM

السؤال التانى .. لأن متوسط الطاقة دائما موجب .. حيث يساوى i2rt فى نصف الدورة الاولى و يساوى (-i) الكل تربيع rt فى النصف التانى فتكون موجبة فى جميع الحالات

jjordon 27-05-2012 02:10 PM

1 مرفق
التاااللت وادعيلنا بقىىى

احمد هشام المراكبى 27-05-2012 02:57 PM

شكرا اخى الكريم و لكن الاجابة الوحيدة المقنعة فى الاجابات هى اجابة السؤال الثالث اما باقى الاجابات .. فأرى انها ليست الصحيحة و إن كانت مكتوبة فى الكتب ..

مثل السؤال الاول : اجابته لان نصف الدورة الاول موجب و النصف الثانى سالب .. دى مش تنفع إجابة وانا اريد المسبب فى ذلك و ليست نتيجة نأخذها من رسم كما فى الكتب ..

و اجابة السؤال الثانى متشكك فيها و لذلك ..

السؤال التانى .. لأن متوسط الطاقة دائما موجب .. حيث يساوى i2rt فى نصف الدورة الاولى و يساوى (-i) الكل تربيع rt فى النصف التانى فتكون موجبة فى جميع الحالات

ولذلك اتمنى من مدرس يدخل ويناقشنا فيهم ..

عاشق.الفيزياء 27-05-2012 03:13 PM

1- لان كل قيمة موجبه في النصف الاول من الدورة يقابله قيمة سالبة في النصف الثاني
3- لان الملف يقطع في ربع دورة فيض معين في زمن معين
وفي نصف دورة يقطع ضعف الفيض في ضعف الزمن

jjordon 27-05-2012 03:23 PM

بص يا اخى بالبلدى .. التيار ليه اتجاه الطاقة لأ .. يعنى التيار هيمشى يميين ويرجع يمشى شمال المتوسط فى النص .. اللى هو الصفر لكن الطاقة ملهاش دعوة يمين او شمال فى طاقة بتتعمل لها قيمة سواء يمين او شمال و بالتالى ليها متوسط .. لكن السؤال اللى عايز تعرفه انت لييه بيمشى فى اتجاه و عكسه .. ده ملوش دعوة بالسؤال بتاعك ده علل التيار الناتج من الدينامو متغير اتجاه ..احنا عارفين من تجربة فاراداى ان المغناطيس وهو داخل ينحرف المؤشر فى اتجاه و هو خارج بينحرف ف عكسه .. ده نفس الموضوع فى الدينامو فى نصف الدورة الاولى بيقطع خطوط الفيض فى اتجاه فيمر تيار فى اتجاه والنصف التانى بيقطع خطوط الفيض عكس الاتجاه الاول فيمر تيار عكس الاتجاه الاول !!! ده ليييه التيار متغير الاتجاه لكن ليييه متوسطه صفر صدقنى زى مقلتلك .. و ادينا مستنييين مدرسين وانا مستنى معاك

natiga4all 27-05-2012 04:12 PM

ياريت فعلاا استاذ يدخل

jjordon 27-05-2012 04:18 PM

يارييييييييييييييييييت .. بس قابلنى لو قلك كلمة زيادة .. مش فاهم ليه مصرين تعقدوها الاجابات واضحة و مقنعة بس طالما مش مقتنعيين ياريت حد يقنعناا (:

احمد هشام المراكبى 27-05-2012 06:32 PM

اقتباس:

المشاركة الأصلية كتبت بواسطة jjordon (المشاركة 4519537)
بص يا اخى بالبلدى .. التيار ليه اتجاه الطاقة لأ .. يعنى التيار هيمشى يميين ويرجع يمشى شمال المتوسط فى النص .. اللى هو الصفر لكن الطاقة ملهاش دعوة يمين او شمال فى طاقة بتتعمل لها قيمة سواء يمين او شمال و بالتالى ليها متوسط .. لكن السؤال اللى عايز تعرفه انت لييه بيمشى فى اتجاه و عكسه .. ده ملوش دعوة بالسؤال بتاعك ده علل التيار الناتج من الدينامو متغير اتجاه ..احنا عارفين من تجربة فاراداى ان المغناطيس وهو داخل ينحرف المؤشر فى اتجاه و هو خارج بينحرف ف عكسه .. ده نفس الموضوع فى الدينامو فى نصف الدورة الاولى بيقطع خطوط الفيض فى اتجاه فيمر تيار فى اتجاه والنصف التانى بيقطع خطوط الفيض عكس الاتجاه الاول فيمر تيار عكس الاتجاه الاول !!! ده ليييه التيار متغير الاتجاه لكن ليييه متوسطه صفر صدقنى زى مقلتلك .. و ادينا مستنييين مدرسين وانا مستنى معاك



اقتباس:

المشاركة الأصلية كتبت بواسطة jjordon (المشاركة 4519645)
يارييييييييييييييييييت .. بس قابلنى لو قلك كلمة زيادة .. مش فاهم ليه مصرين تعقدوها الاجابات واضحة و مقنعة بس طالما مش مقتنعيين ياريت حد يقنعناا (:


ههههههههههه .. اولا انا اشكرك على التواصل وانا عارف انك عاوز تفيد .. و لكن سأحكى لك الموقف لتظهر لك الصورة التى اقصدها ..
وانا فى الدراسة عندما شرح لي هذا الدرس من استاذى قال لنا ان هذه الاجابات غير كافية وغير دقيقة واثبت لنا ذلك بالقوانين و انا الان تركت مدرسى هذا و بقيت بذاكر لوحدى فى البيت وفى نفس الوقت مش عارف اروح له يوضح لى هذه الاسئلة من جديد .. حتى هو قال لنا .. إن شاكك يكتب الاجابتين .. و انا متأكد ان الاسئلة ليها اجابات افضل من اجابات التسليك الى فى الكتب دى ..

jjordon 27-05-2012 07:14 PM

فهمت وجهة نظرك بس انت مستحيل هتكتب كدة و تنقص ما هو ده اللى موجود فى الكتب هنجيب منين تانى :d و على العموم انا مستر احمد بركة لسة ماشى من عندى حالا و سألته و اتأكدت منه و قلى هى ده الاجابات النموذجية و مستر احمد خبير فى الوزارة و واضع المنهج الجديد 2012 ان شاء الله فصعب يكون كلامه خطأ (: و شكرا اخى لأسئلتك جزاك الله خيرا


جميع الأوقات بتوقيت GMT +2. الساعة الآن 08:47 PM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.