أجازة وشهادة خبرة
 

شهادة الخبرة يمكن استخراجها بسهولة جدا وخطواتها كالتالى:
1-طلب شهادة خبرة وهو موجود عند شئون العاملين بالمنطقة التابع لها او من عند شئون العاملين من المعهد
او من على منتدى معلمى الازهر الشريف بوابة الثانويه العامة وتنزلة ثم تنقلة غلى فلاشة وتطبعه فى اى مكان فيه طبعه
2- تملا الطلب وتختمه من المعهد ثم تمضيه من التعينات بالمنطقة ثم من مدير شئون العاملين ثم من وكيل الوزارة ثم ختم المنطقة.
3-ثم الذهاب الى ادارة الازهر بالحسين القاهرة الدور الثالث وتكون هناك حوالى الساعة التاسعة صباحا علشان تاخذها الساعة 12 او 1 تقريبا متنساش تاخد معاك اقرار ذمة مالية تشتريه من البوسطة لانه هيطلبوا منك الموظف
ولوكنت هاتسافر بها بعد ما تستخرج الشهادة ترجع رمسيس وتسال عن الترجمان وتروح هناك وتصدقها من مكتب التصديقات التابع للخارجية المصرية وبكدة تكون جاهزة لتقديمها الى السفر ...........وربنا يوفقك يارب

ما شاء الله شكرا لك اخى على الافاده

الاجازات بتاخدها عادي من المنطقه حتي انا خلصت الاجازه بتاعتي النهارده وبالتوفيق ان شاء الله....اما شهادة الخبره فهي مدتها 3 شهور بس فيستحسن تعملها قبل السفر ....

جزاكم الله اخوتى خير الجزاء

طيب يا جماعه انا دلوقت بعمل اجازه هل بعد ما اخلصها من المنطقه اروح قطاع المعاهد ولا المشيخه

اذا كانت اجازة تعاقد فامامك الادارة في الحسين ثم المشيخة في الدراسة ثم قطاع المعاهد ثم البعوث في الحي السابع وبالتوفيق ان شاء الله

الف شكر لحضرتك

لو سمحت كنت عايز استفسر من حضرتك على شيى بسيط انا مدرس علوم اعدادى ينفع اعمل شهادة خبره فى مادة الكمياء علما بانى خريج قسم كمياء

وانا كمان زى حضرتك تخصص كيمياء ومدرسة علوم اعدادى لو حضرتك عرفت حاجه يا ريت تبلغنى

ممكن ناخذ اجازة بدون مرتب

طيب سؤال ، المعهد الذي اعمل فيه نصابه 52 حصة رياضيات على 2 مدرسين فقط لا غير ، ويوجد عجز شديد في تخصصي في الادارة التابع لها المعهد
هل يمكنني أخذ إجازة بدون مرتب لمدة عام؟
وما هو السبيل أو الخطوات لذلك إن كان ينفع؟