|
انا مش بزاكر كوويس!
السلام عليكم يا احلى اصحاب واخوات بجد
مشكلتى انى مش بقيت بزاكر خلاص زهقت وابط انا ف تالته ثانوى علمى رياضه مش حبه ازاكر بحب احل وبس فيزيا مجنانننننننننننننى اووى مش عارفه اعمل ايه ازاكر كام ساعه طيب ويعتبر انا خلصت مراجعه المنهج فزيا بس فعلا ناسياه خااااالص طب امتحانات ع طول ولا اراجعو الاول المستر كان قايلى حلى امتحانات وال مش عارفاه سبيه واما تخلصى الامتحان رجعيها تانى بجد انا تايهه ساعدونى |
وعليگم السلام
شوفي هي حگاية إنك زهقانة من المذاكرة ده بسبب إنك ذاگرتي من أول السنة بقوة وگلنا دلوقتي زهقانيين ومچننيين :d بس خلاص هانت ودانت .. مش تضعي تعب سنتين وحكاية الفيزيا حضرتگ مش ناسياه هو بيتهألگ حضرتگ بس راجعي قراية وهتفتگري ومش تخافي ف اللچنة هتفتگري گل حاچة لأن المخ بيرگز ع المادة المعينة اللي هنمتحها ف بيسترچع گل المعلومات عنها وبعدين ( إن الله لا يضيع أجر من أحسَنَ عملاً ) زي م قلت راچعة قرايةً بعدين حلي إمتحانات بس بترگيز .. واللي مش فاهماه راجعيه تاني طبعاً ف الأيام دي المذاگرة مش تقل عن 4 ساعات بس ذاگري بترگيز أهم حاجة وبالتوفيق ي رب .. وإدعيلي بقى .. ربنا يستر ")* |
اقتباس:
بص انا مهما ازاكر بحس انى مازكرتش وهعمل ال قولتلى عليه حاضر وربنا ينجحك ويوفقك يا رب وتحقق ال نفسك فيه ادعيلى بقى:( شكرا لاهتمامك |
ربنا يوفقك يا منمن :)
اهم حاجه تبصي لهدفك وان وقت قليل جداً يقدر يحققلك هدفك انتي ف 3 ثانوي ودي أخر سنة خلاص احنا ف مفترق الطرق ولازم تعرفي ان من السهل الوصول للقمة لكن من الصعب الحفاظ عليها ربنا يوفقك ويوفقنا يارب :) وادعيلي أنا كمان لأني برده مش عارف اركز خالص وامتحاني الحقيقي يوم السبت :( |
اقتباس:
يااست جدااااا خلاص مش فارقه معايا بقى اصل مجموعى مش حلو عشان ابص لهدفى 84%مش هيوصلو لحاجه اخرتهم اقعد بيهم ف البيت ربنا يوفقك وينجحك يا رب شكرا ليك |
اقتباس:
انا كماااان شكلى اتحسدت وتعبانه جداااااا ومش عاوزه اذاكر بس خلااااااص يا منمن كلها شهر ونرتاح نشد فيه علشان منرجعش نندم ابدئى ذاكرى حتى لو درس درسين فى اليوم وانتى هتلاقى نفسك بتشدى لوحدك هانت خلاااااااااص ربنا يكرمنا ان شاء الله ونجيب درجات حلوه انتى ادبى ولا علمى !!!! معاكى موااد ايه !!! |
اقتباس:
اعيط يعنى ولا انتحر واريح البشريه كلها انا للاسف علمى رياضه فزيا ورياضه 2 وعلم نفس وانتى معاكى ايه؟ |
اقتباس:
مش عارفه دة لزقه الملل ده تحس انو تؤامى كده هههههه وبالنسبه لالتزامك ماانا بقى اكتر منك عاادى بقى ربنا يوفقنا يارب |
اقتباس:
وتنتحرى وتموتى كافره ليه ما تولع الثانويه العاااااامه اللى ربنا كاتبهولك وشايفه صح ليكى هتشوفيه شدى حيلك وباين الفزيا قدامكوا 8 اايام تلحقى تلميها والرياضه 6 ايام يومين لكل قسم باين متوتريش نفسك وسيبيها على الله وانا ادبى جيولوجيا وفلسفه وعلم نفس |
اقتباس:
والحمد لله ع كل شئ يا ضحى ربنا معانا |
البشمهندسة منمن
نفس مشكلتي اقعد اذاكر واحل واحرق في دمي واخش انام وانا نايم في السرير خلاص اقول انا مذكرتش حاجة خالص وشكلي مش هجيب مجموع :( |
اقتباس:
|
نصيحه يا جماعه
اولا بالنسبه للى عايزه تبقى مهندسه 1 لو عايزه بجد ادخلى خاص 2: لو مش هتقدرى تدخلى خاص ادخلى معهد فنى صناعى جميل ودخل دماغى وانا ناوى عليه ان شاء الله 3 شدى حيلك السنادى ومتعتمديش على المعهد لان ممكن تدخلى كليه محترمه تعجبك ثانيا للى مش عايزين يذكرو وبيكسلو زى طبعاً 1: طبعاً الجدول والالتزام بيه مع عدم ادمانه 2 : تذكرو يوم االامتحان ويوم النتيجه وشوفو نفسكم بعد تحقيق هدفكم دا كلو هيكون ليكم دفعه الى الامام 3: اجعلو من المذكره شئ ممتع ولا تنظرو اليها على انها مفروضه عليكم 4: تذكرو تعب من حوليكم من اهل واصدقاء نفسهم يفرحو معاكم |
| جميع الأوقات بتوقيت GMT +2. الساعة الآن 11:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.