هنقاطع السياسة
 

هى مبادرة يارب تقبلوها منى واضح ان السياسة
هبتدى تكرهنا فى بعض ونتصادم مع بعض
هتستهلك من تفكيرنا ومشاعرنا
هتستهلك من وقتنا الغاااااااااااااااالى اوى

معلش يعني اسمحلي بلاش الاساليب الرخيصه دي بقى
كل شوية مؤيدين احمد شفيق يطلعوا اي حاجه كدا عشان الناس متدليش باصواتها ويفوز شفيق
مره قالك لو ابطلنا نص الاصوات يبقى الانتخابات هتتعاد
ومره قالك مش عارف ايه
ودلوقتي نقاطع السياسه
كفايه بقى

السياسة نقاطعها !!!
اذا كان الشعب المصري شعب الحكاوي وميعديش اي حاجه غير اما يفتي فيها صح او غلط ميهموش اللي يهمه انه بيتكلم وخلاص

اقسم بالله مش اللى فى تفكيرك خالص وانا اول مرة اسمع عن حكاية نبطل نص الاصوات
انا اقصد انا كلامنا فى السياسة زيادة عن اللازوم هيبعدنا عن هدفنا الرئيسى وهو الثانوية العامة وكمان هنبتدى نختلف كتير

فعلا انا قررت متناقش مع اي حد خالص الا اذا كان بيحترم نفسه علي الآقل

أبنائى الأعزاء
قسم اجتماعيات طالب للتحاور حول القضايا الخاصة بالعملية التعليمية والمناهج و ليس للنقاش السياسى ، فلها أقسامها الخاصة بالمنتدى
- كما أن من اول شروط الديموقراطية احترام الرأى والرأى الآخر ، و اجذروا من التحذب و المغالاة فى العداء والخصام ، فكل منكم له الحق فى تأييد المرشح الذى يريده دون اى اتهامات ، فإن لم ننجح فى تقبل الرأى الآخر ، فهذا يعنى ببساطة أننا لانستحق الديموقراطية .
- عبر عن رأيك دون توجيه اتهامات الى الرأى الآخر ، بل عليك تقبله والتحاور معه بهدوء وتفنيد رأيه و عرض وجهة نظرك بالأسلوب اللائق