ايه الاحسن اسنان اكتوبر ولا miu
 

هوه ايه الاحسن اسنان اكتوبر ولا miu

انا عن نفسي هقدم اسنان 6 اكتوبر هي كويسة جدااااااا انا اخويا فيها في طب وبيشكر في الجامعه جداا من حيث الاقسام العلمية فأنا هقدم فيها

ممكن نعرف المصاريف كام لو سمحتي

اسنان 29700 جنية في السنه
صيدله 28200 جنية في السنه
طب بشري 40000 جنية في السنه


لاكن لو هتاخد سكن في فندق الجامعه للطلبة الي من محافظات تانية غير كايرو
الحجرة لوحدك 17000 جنية
لو معاك طالب تاني الغرفة 12000طبعا الاقامة في فندق الجامعه شاملة كل حاجه
دي من نحية الاقسام دي معرفش حضرتك بتسأل على هندسة كمان ولا اية بس اي استفسار انا في الخدمه

بصراحة مش عارف أشكر حضرتك أزاي

ولو ممكن شوية أسئلة كمان

أولا مصاريف صيدلة وأسنان بالتفصيل يعني كل سنة من الخمس سنين تكلف كام

ثانيا المجموع من كام

ثالثا الدراسة محتاجة كورسات عند الدكاترة ولا لأ

رابعا نسب النجاح يعني إدارة الجامعة غلسة وبتحب الطلبة تقع علشان الفلوس تزيد ولا لأ

خامسا لو عندك معلومات عن صيدلة واسنان في جامعات أخري

سادسا لو واحد خريج علوم وعايز ينضم للكلية يدخل من سنة كام ومصاريفه أد أيه

العفو
المصاريف على قسطين القسط الاول وده بتحجز بية مكان حتى لو مخلصتش سنه تالته 16000جنية لاسنان وصيدله زيها بالظبط
والقسط التاني في ابريل
المجموع من 80%
لو هتقدم وانت في تالته قبل ما تطلع النتيجه عشان تحجز مكان لازم يتأكدوا انك جايب في تانية 80% وتالته متقلش برضة عن 80%
الجامعه الدكاترة ممتازين جدا كل الي دخلوها مش بيحتاجوا كورسات
لا الدكاترة كويسين جدااااااا ومش من النوع الي بيسقط الطلبة عشان الفلوس
في برضة الفاروس في اسكندرية دي كويسة برضة زي اكتوبر
اخر سؤال ده هسألأك

بجد والله مش عارف أشكر حضرتك أزاي جزاكي الله كل خير

ياريت ماتنسيش أجابة السؤال الأخير

وكملن سؤال معلش

حضرتك بتقولي المجموع من 80 % طب اللي جايب 90 % أو أعلي بييدفع نفس المصاريف ولا أقل علشان سمعت أن كل المجموع ما يزيد كل ما المصاريف تبقي أقل

المجموع في اكتوبر مش بيفرق ولا في مصر
بيفرق في جامعات تانية

اما بخصوص سؤالك ده بيفرق في مجموعك اذا كان بيجيب مجموع الجامعه الي عايز تدخلها او لا
لو اه يبقة هتدفع نفس المصاريف زي اي طالب
اما لو لا يبقة هتعيد ثانوي من تاني