|
عندك استفسار محتاج اي مساعده في المنهج ادخل
ll بسم الله الرحمن الرحيم ll باقتراب امتحان اللغه الالمانيه هنقدم اي مساعده مطلوبه في اللغه الالمانيه عندك اي استفسار او اي طلب اتفضل وحطوا في الموضوع هنا وهحاول اتابع الموضوع اول بأول علشان اجاوب استفسارتكوا بأذن الله تحت اشراف أ/ محمد السعدي الطالب/عادل سليمه والله ولي التوفيق ll والسلام عليكم ورحمه الله وبركاته ll |
شكرا جزيلا للاقتراح .. و الموضوع اللى حيفدنا ان شاء الله
طيب كان عندى استفسار لو سمحت .. و ارجو النصيحة فى نفس الوقت دلوقتى فى الالمانى عايزة اذاكر الجراماتيك و احفظ كلمات المنهج فى الايام دى .. وياريت تكون فى اسرع وقت .. عشان استعد للعربى ان شاء الله فايه احسن طريقة لاقدر اذاكرهم فى وقت قصير .. باذن الله وشكرا مرة اخرى |
بصي ياعلياء علشان تلخصي الالماني في اليومين دول كتاب Hallo Rev بتاع المراجعه او اي كتاب تحلي منه بس الاسئله النموذجيه والمميزه في الكتاب دا بالنسبه للكلمات مش مطلوب منك غير انك تعرفي تفهمي الجمل الي هتحليها في الجرامر وتحفظي الكلمات بتاعتها الوقت قصير لحفظ كلمات من الاول وبالنسبه لمعاني الكلمات وادواتها هتلاقيها في الموقع الي انا عملت موضوع عنه قبل كدا dict.cc وسهل وبسيط جدا وكل كلمه متفهيماش في الجمله تعرفي معناها وتكتبي اداتها جنبها وتحفظيها وتقري كل قاعده وتحلي عليها وبالنسبه للاخطاء انا ممكن اراجعها معاكوا واكتبلكوا الاجوبه النموذجيه بتاعه كتاب Hallo Rev كامله وبمجرد متخلصي حل علي الجرامر اضمنلك يكون عندك كام وافي من الكلمات يمكنك انك تفهمي اي جمله لانها بتتكرر وهتلاحظي دا بعد خلاصه اول 3 قواعد وبالنسبه لو عايزه تقسمي القواعد اول قواعد في المنهج بتاع اول 3 وحدات تعتبر هيا الي متوسطه مش صعبه النظام هيبقي كالتالي هتاخدي قاعدتين سهلين وقاعده من اول 3 وحدات من اول واخر المنهج مع الحل واتباع الطريقه الي وضحتهالك فوق علشان تفهمي معني الكلمات الي بتيجي في الامتحان وكل اما تحلي اكتر هتلاحظي كلامي معناه ايه الجمل هتبقي زي شرب المايه مفهاش اي تعقيد وبالنسبه لو عندك مشكله في قاعده معينه انا ممكن اشرحها بشرح مبسط وكام مثال والله ولي التوفيق |
الموضوع مفتوح لجميع طلبه الالماني اي استفسار اي قاعده عايزين عليها امثله محلوله ممكن اجبلكوا كل اسئله كتاب Hallo علي القاعده الي تطلبوها وباجباتها انا ضايف موقع الكلمات علشان اوفر عليكوا وقت انك تعرف الفعل معناه ايه او الكلمه معناها ايه وكمان انا مش هتأخر عليكم جمعوا كم الكلمات والجمل الي واقفه معاكم وان شاء الله الحل في اقل من 6 ساعات علشان اتناقش فيها انا والاستاذ محمد السعدي |
اشكرك Adel Selima .. للنصائح المفيدة
وربنا يوفقنا ان شاء الله .. وباذن الله اقدر اخلص الالمانى باسرع وقت وشكرا مرة تانية . ولو عندى سؤال مش حتاخر انى اشاركه هنا فى الموضوع باذن الله |
| جميع الأوقات بتوقيت GMT +2. الساعة الآن 09:24 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.