سؤال ... بسيط جدا
 

معك حق اخي الكريم لان ذلك يسبب ضيقا شديدا لصاحب المذكرة الاصليه وتجعله يندم على رفعها ويقرر عدم رفع مذكرات اخري

ولكن انصافا للحق هناك الكثير من المدريسن الذين يرفعون اعمالا لاخرين بعد اضافه مؤثرة وجيده للعمل ويذكرون مصدر العمل الاصلي وهؤلاء يستحقون التحيه على الجهد

الاهم سيدى الفاضل المحتوى الذى سيعود على الطالب والمعلم بالنفع والفائدة وطريقة العرض المختلفة التى تثرى العقول وتأسر الألباب
والله أعلم

الكلام صحيح ولكن اعلم

1- ان اغلب من يضع مذكرة يعلم تماما انها ستسيح وانه سيستفيد منها مدرسون و تلاميذ

2- اغلب المدرسين ايضا بيطلبوا من صاحب المذكرة انهم يستخدموها ومفيش حد بيرفض

3- لو كان صاحب المذكرة مش عايز حد يستفاد منها كان عمل للملف حماية و ده سهل

4- ودى اهم نقطة المذكرات اغلبهم بيكون من كتب خارجية يعنى التمارين وده مش مشكلة كتجميع

5- اخر نقطة وكل المعلمين هنا يؤمنون بهذا ان المذكرة ليس هى الدواء الشافى او المخرج واساس النجاح فلو ان المذكرة بها كل شئ فلماذا يحتاج الطالب لمعلم فالمذكرة هى الغاز وطلاسم تنكشف على ايدى المعلمين ولو المدرس لم يجتهد فى المذكرة ما استفاد منها ولا نفعته فكل معلم له اسلوبه الخاص التى يتوافق مع طلابه

وجزاك الله خيرا على مشاعرك بخصوص صاحب المذكرة

بصراحة هى دى فعلا مشكلة لو حدثت

لان ايه هو معنى انى احمل مذكرة شخص و فى الاخر انزلها على المنتدى

تفتكر تكون صدفة :blush:

معاك حق والمشكلة الاكبر أن مفيش حد كتير بيدى رأيه فى مشكلة ذى دى
طيب لو ليهم رأى تانى أحنا مش شايفينه ... ياريت نسمع هذا الرأى لعله خير

لالالا مفيش راى غير حسب ظنى ان اغلب المذكرات بتكون جمع اسئلة من الكتب الخارجية

يعنى مفيش حاجة من برة الشرح بيختلف من شخص لاخر

المذكرة اصبحت لا شئ الان لكثرة عدد و اصناف الكتب التى يركز كل منها على شئ بعينه

بمعنى ان هنالك نوع من الكتب يركز على الكلمات و تصريفاتها و مشتقاتها

والاخر على القواعد و التركيبات واخر على كثرة التمارين وفى بعض بيركزوا على وضع تمارين مستوى رفيع من احدث القواميس او قواعد مستوى عالى

والسبيل الوحيد انك كمعلم تعرف تجمع كل هذه الاساليب لنفسك

اما شغلك مع التلاميذ ترتكز على نمط واحد وتلعب بالباقى فى المراجعة لكى لا يتشتت التلميذ و يشعر بكبر حجم المنهج

وفى الاخر اغلبهم بيحفظ و بيرصص وخلاص مفيش تطبيق عملى للغة فلا فائدة كبيرة جدا من كثرة المذكرات

ولعلمك انا اغلب المذكرات فى المنتدى لكبار المعلمين بحملها لارى فكر المذكرة و بعد ذلك استخرج لنفسى مذكرة مجمعه لكل الافكار بس بحدود لانى فكرت مرة اشتغل بمذكرة لاحد المعلمين الكبار هنا ولكنى اوقعت نفسى فى مازق وهو طرح الاسلوب و طريقة البحث فيها
واشياء اخرى بعد كده وجدت ان لا سبيل سوى ان المعلم ينظم مذكرته بنفسه او يشتغل من كتاب ويحاول ان يصحح ما فيه من اخطاء

اتفق معكم تماما