طالب لنظيف: افرج عن مصر يا ريس .. البلد حزينة
 

قاطع أحد الطلاب الدكتور أحمد نظيف رئيس الوزراء خلال اللقاء الذي نظمته جامعة القاهرة، بمناسبة مئويتها - أثناء استغراقه في الحديث عن ذكرياته أثناء فترة دراسته بالجامعة.

وحوّل بلال دياب الطالب بكلية الآداب، مسار كلام الدكتور أحمد نظيف، من الحديث عن الذكريات إلي الحديث عن الغلاء ورغيف العيش وأحداث المحلة الكبري، واعتقال عدد من الشباب علي إثرها.

وقال الطالب لنظيف: الجامعة زي الفل والعملية التعليمية زي الفل ورغيف العيش والديمقراطية موجودة والحديد موجود، طيب مصر حزينة ليه يا ريس؟ والشباب معتقلين ليه من يوم 6 أبريل؟

وأضاف: افرج عن مصر يا ريس.. افرج عن مصر يا ريس

وقالت صحيفة المصري اليوم ان كلام الطالب قوبل بتصفيق حاد من زملائه الحضور.

ورد نظيف قائلاً: أنا مثل كل الشباب الذين صفقوا لك، ولكن أشعر بنبرة السخرية في كلامك، ولو لم تكن في مصر ديمقراطية لما استطعت أن تعبر عن رأيك اليوم.

وأضاف: إنت لازم تعرف أن فيه تهديدات بتتعرض لها البلد، ولازم تفرق بين التعبير عن الرأي والاستئذان، وهو شيء آخر.

وقال نظيف: إنه تم الإسراع بالإفراج عن الطلاب المشاركين في إضراب 6 أبريل من أجل مستقبلهم، رغم أن هناك سبباً موضوعياً للاعتقال وهو التخريب، مشدداً علي أنه لا يوجد نظام، أو حكومة، يقبل التخريب أو التحريض عليه.

وأكد نظيف أن مصر بها حرية وستظل بها حرية، تتمثل في الصحف والقنوات الفضائية، مشيراً إلي أن الحكومة القوية هي التي تستطيع أن تمسك أعصابها ولا تفقدها بالنقد.

وأشار إلي أن جميع دول العالم تعاني من غلاء الأسعار، مؤكداً أن رغيف العيش الذي لا يعجب الناس ويقفون من أجله في الطابور ليحصلوا عليه في النهاية، هناك من لا يجده أصلاً.

وأكد أن الحديث عن عدم شعور المواطن بالإصلاح الاقتصادي شيء غير صحيح، مشيراً إلي أن هناك بعض الناس تشعر بهذا التحول الاقتصادي.

وعقب انتهاء اللقاء ومغادرة رئيس الوزراء، قام حرس الجامعة باصطحاب الطالب دياب إلي مكتب حرس كلية الآداب واحتجزوه قرابة نصف الساعة، تأكدوا خلالها من أوراق هويته ثم أطلقوا سراحه.

هههههههههههههههههههههههههههههههههههههههههههههههههه هههههههههههه

تأثير الثانوية العامة

ضمور تلافيف المخ :D
هستريا ضحكية وسرعة انفعال




وبعد كدة يطلب زى ما يطلب :p








جزاكم الله خيرا على الموضوع الاكثر من رائع

شامم ريحه غريبة
____
شكراً يا كريم
.

هما فعلا اكيد اطلقوا صراحه علشان الصحافة والاعلام بس

واكيد أكيد يعني م**** في بيتهم يوميها

لان من ساعة لما اتكلم برده اكيد محجوز له بلاطين في احد المعتقلات

مصر ان شاء الله بخير
 

وأضاف: إنت لازم تعرف أن فيه تهديدات بتتعرض لها البلد،


بالفعل يجب ان نراعي ضغوط العالم الخارجي يا جماعة الله يكون في عونهم انتوا عارفين ممكن يحصل اية لو لم يتعاملوا بسياسة مع الضغوط ممكن نحارب وسعتها مش هنتخانق على الرغيف دا احنا مش هنلا قية اساسا بس دا مش معناة انا مع الاحوال اللي في مصر لا انا نفسي نكون احسن من كدة والله المستعان

تاكدوا من اوراق هويتة ..... علشان يشوفوا دة طالب فعلا ولا من خارج الجامعة وحد دفعة للقول ذلك
واطلقوا سراحة ...... مش عارفة لية عندى احساس ان الطالب دة اضاف فى البلاك ليست ...ربنا يستر علية ولو اننا فى جزء من الديمقراطية فى مصر مش مفيش

تعرف ان دى اهم نقطة فعلا
الضغوط على مصر كبيرة جدا والخارج نفسهم مصر دى يحصل فيها حروب اهلية ودمار وغلاء وكل شئ سئ
الحكومة فعلا بيتعاملوا بحكمة ف بعض الامور وفى البعض الاخر مفيش حكمة فى تعاملهم مع الشعب
مااااازال عندى امل اننا نكون فى حال احسن
شكرا كريم

الراجل ده وشه فقر:mad: ؛ اليوم اللى جه فيه المية قطعت فى الجامعة كلها وكنا هنموت من العطش لولا الكافتيريات...ما علينا
الولد بس حظه كويس انه اتكلم قدام تجمع كبير وبالتالى مش هيقدروا يعتقلوه او يعملوله حاجة ابدا
واحمد نظيف مصر على عناده ومعتقد ان فيه حد حاسس بالاصلاح الاقتصادى ...طيب ياريت اللى حاسس بالاصلاح الاقتصادى ده يورينا نفسه ويقولنا بيجيب ازازة الزيت بكام ومرتبه كام فى الشهر وبيكفيه ويفيض منه ولا ايه النظام
احمد نظيف مفروض يحترم نفسه وكفاية عليه كده اوى بصراحة مش ناقصين بلاوى زيادة

و الله انا لسة شايفة الموضوع ده النهاردة

بس كل اللى انا هقدر اقوله انى كنت قاعدة فخورة بيه جداااااااااااااااااااااا
انا سمعته ع العاشرة مساء و سمعت الكلام اللى هو قاله و الله يا جماعة حفظته مجرد ما سمعته

ربنا يكرمه و يحميه

اوكى البلد لسه بخير وفيها اللى يحموها هههههههههه

شكرآ يكركر وجزاك الله كل الخيرعلى الموضوع

تلاقيه قاله كلمه
احنا كده كلنا اسره مع بعتشينا
ههههههههههههههههههههههههههه
يارب

وعقب انتهاء اللقاء ومغادرة رئيس الوزراء، قام حرس الجامعة باصطحاب الطالب دياب إلي مكتب حرس كلية الآداب واحتجزوه قرابة نصف الساعة، تأكدوا خلالها من أوراق هويته ثم أطلقوا سراحه.


ربنا يستر بعد كدا وميعتقلش الطالب ده

مشكور على الخبر

ربنا يكتر من أمثاله

بتقول انهم احتجزوه لمدة نصف ساعة
ادعوا لة بان ربنا يسترها معاه وميعتقلهوش
متشكرةجدااا علي الخبر

يبقى انت اكيد فى مصر