|
الثانوية العامة سنة واحدة ......!
بسم الله الرحمن الرحيم أنا طالب داخل باذن الله ثانية ثانوي وكنت مرتب حالي علي انها سنة مجموع ولكن فوجئت قرب امتحانات اخر السنة ان الاخوان(في مجلس الشعب ) خلوا تانية ثانوي سنة نقل تحت ستار ****تخفيف الاعباء المادية علي الاسرة المصرية ***** اي بمعني اصح التخفيف من ظاهرة الدروس الخصوصية .......... اذا كان طالب اولي اعدادي بياخد دروس في كل المواد حتي في الحاسب!!!! رغم ان أولي اعدادي مش ثانوية عامة وفيه طلبة في اولي ثانوي بتاخد دروس خصوصية وانا أقصد بالدروس الخصوصية هنا ان المدرس يروح للطالب البيت و الشهر بــــ 250:300 جنية رغم ان اولي ثانوي مش ثانوية عامة . وطبعا كل اللي موافق علي الموضوع ده بيقول ( حرقة دم سنة واحدة احسن من وجع الدماغ سنتين ) تب ممكن اسأل سؤال..... هل الطالب المتفوق بتفرق معاه حرقة دم سنة او سنتين ؟؟؟؟ رغم ان تعبير حرقة دم مبالغ فيه . هل الطالب اللي عايز يبقي دكتور او مهندس بتفرق معاه سنتين ؟؟ لماذا (الطالب المتفوق ) لان المفروض يكونوا طليه الثانوي الفائقين لان مصر عايزة الطلبة المتفوقين ارجو الرد ومشاركتي الرأي |
انا من وجهة نظرى انها سنة واحدة احسن ليه لانها رقم واحد انت اوغيرك بتلاحظ ان انك فى ترم بتبذل طاقة ومجهود كبير وتيجى فى ترم تانى تلاقى نفسك مجهودك قل ممكن يكون ده ترم اول او تانى مش شرط
لكن لما طاقتك تتحط فى سنة واحدة كدة وتبذل كل مجهودك وتجيب درجة احسن يكون ده افضل اما بالنسبة للدروس وكدة والمصاريف فاكيد مش هتاخد فى كل المواد يعنى زى ثانوية عامة اقصد تالتة وهتكون المذاكرة فرش وعادى مش هتحس بتوتر وغير كدة المواد مقسومة يعنى هيكون عندنا فكرة قبل ماندخل تالتة يعنى بإذن الله احسن ده راى0000معلش طولت |
وجهات نظر لكني وليكن لقدر الله جبت مجموع مش تمام في تانية ممكن اعوضه في تالته
اما لو سنة واحدة ياصابت ياخابت |
ماشى مهو برده فى تانية يا صابت يا خابت بص انا هقول حاجة اى حاجة فى الدنيا فيها عيوب وميزات طب انت شوف حد جاب فى تانية 50 % مهما حاول يعوض مش هيعوض بس وهيحبط ولو عوض هيجيب كام 80% ماشى مقلتش انه نظام وحش سنتين بس انا بتكلم من وجهة نظرى انا عن نفسى من النوع ما يحبش الحفظ او بمعنى اصح مبعرفش احفظ فا الى عجبنى فى النظام انهم شالو المواد الادبية وكمان انى بحط طاقتى فى ترم اكتر من التانى وبزهق بسرعة علشان كدة رحبت بالفكرة وفعلا دى وجهات نظر0000
|
اقتباس:
لالالالالا الموضوع افضل بكتير يا بنى الثانوية العامة اصبحت شغل مافيا انا مدرس وشايف حتى ان بعض المدرسين بيشتغلوا زى الاطباء اللى ممعهوش ميلزموش تانية تبقى نقل افضل بكتير بدل الابتزاز الحاصل وكده افضل ليه؟ لو ركزت فى سنة واحدة افضل من اتنين وضياع اعصاب وسيبك من نظرية لو جبت فى تانية مجموع وحش احسنه فى تالتة ده كلام مش تمام لان اللى عايز يجتهد يجتهد فى اى مرحل وعلى اى شكل اتمنى لك التوفيق |
طبعا انها سنة واحدة افضل كتير ..والمتفوق بيكون متفوق دايما سواء سنة او سنتين .. لكن الفكرة هنا ان ممكن يحصل العكس حضرتك بتقول ان ممكن يحسن فى سنه تالتة لكن اللى بيحصل ان بعض الطلبة بيبذلوا مجهود ومش يوفقوا فى الامتحان لسبب ما وبالتالى بيكون محبط السنة اللى بعدها ومذكرته تحصيل حاصل فقط ومش يقدر يحقق احلامه فى كلية بيحبها .. الافضل طبعا سنة واحدة واهتمام وتركيز اكتر .. وربنا يوفق الجميع .. جزاكم الله خيراااااااااا |
الجزء الحلو في انها سنة واحده انها هتتبقي علي كل الناس ومش عليا لوحدي وفي كلتا الحالات هنرضي بالامر الواقع بس أحب أقول كلمة ........... ""مش ده اللي هيحل مشكلة الدرووس الخصوصية "" وربنا يوفقنا |
سنة واحدة احسن
الواحد اول سنة شهادة ليه بيبقى ماشاء الله قوة في الهمة وبتخلص لكن الانسان بردوه ليه حدود تلاقيه في السنة الجاية قوتة في المذاكرة قلت انا اعرف ناس ومن اهلي جايبين في ثانية مجموع عالي اوي وفي ثالثة مجموع وحش ليه لانهم تعبوا جدا في السنة الاولى وبعدين من قاللك انها نفس التكلفة ممكن عند ناس كده لانهم كل المواد دروس لكن في ناس بردوه لا يعني انا مثلا في ثانية ونجحت مخدتش درس غير في الفرنساوي وكنت عايزة انجليزي بس معرفتش لكن في ثالثة هاخذ فرنساوي وانجليزي وتاريخ ونحو يعني المواد الصعبة خالص وبقية المواد لوحدي التكلفة تفرق صح |
اقتباس:
|
1-لايمكن لقانون يقررحياة اولادنا ان يصدر فى اربعه ايام 2- لايخفف اعباء الدروس لانها واقع يجب ان تتعامل معه لقدتربى اولادنا على الدروس منذ بداية دراستهم كما ذكرت انت
|
اقتباس:
ده اللي انا اقصده بس خلاص الوزير طلع عالتليفزيون وحسم الامر |
حرام كل مايطلع قانون نعتبره غلط تعرفوا ان فى ناس ولادها فى ثانوى ممعهاش حق رغيف العيش انا شايفه ان ده قانون صح مش معنا ان احنا اتربنا على الدروس الخصوصيه نفضل على هذا الغلط ولما حد يجى يغير الغلط نقول لا انا مع السنه الوحده لان احنا قدرين ندخل نت غرنا ممعهوش هما فى مجلس الشعب راعوا الناس الغلابه يعنى يحسب لصلحهم ولازم كلنا نتساوى فى التعليم
|
اقتباس:
سواء سنة واحدة سواء سنتين كده كده الدروس الخصوصية شغالة في تالتة اعدادي اللي مش ثانوية عامة كتير اوووي بياخدوا كل الدروس حتي الحاسب والطلبة هما اللي بيطلبوا الدروس مش اولياء الامر وبالتالي اولياء الامر مغصويبن انهم يوفروا مصاريف الدروس علشان ميقصروش في حق اولادهم المشكلة مش في قانون ولا في سنة ولا سنتين ولا في مدرسين الخصوصي المشكلة في الطلبة اللي بتروح دروس خصوصية وتسمح للمدرسين ابتزار اولياء الامور بالفلوس الكتير يعني سنة او سنتين هي هي مجلس الشعب هيعدل الطلبة ازاي ؟؟؟؟ |
اقتباس:
انا محدتش ولا درس في ثالثة اعدادي وصاحبتي على فكرة في ثانية ثانوي معاي بردوه مخدتش ولا درس واكيد الناس الفقيرة جدا مبتاخدش وناس عايزة تاخد ومش قادرة |
فى منظومة التعليم اولياء الامور والطلاب ادوات للتجارب هذه سياسة التعليم فى مصر وانا على وعى وادراك تام انها لم ولن تتغير |
| جميع الأوقات بتوقيت GMT +2. الساعة الآن 08:35 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.