العربى: "التعليم" لا تمتلك التكنولوجيا لمنع الغش بـ"البلاك بيرى"
 

أبدى جمال العربى وزير التربية والتعليم انزعاجه مما حدث اليوم، الاثنين، من خروج بعض إجابات امتحان اليوم فى تمام الساعة العاشرة والنصف عبر هواتف الـ"بلاك بيرى" وموقع "تويتر"، مؤكدا أن الوزارة لا تمتلك التكنولوجيا الحديث لمنع تلك المحاولات.

وأضاف العربى فى تصريحات له اليوم، أنه أصدر تعليماته بإلغاء الإجابة بالكامل إذا تم التطابق بين الطلاب فى إجابة جميع الأسئلة، مضيفا أنه طالب الدكتور رضا مسعد السعيد رئيس عام الامتحانات بضرورة إظهار الحقيقة حول ما حدث وعدم إخفاء حقيقة ظهور الورقة فى تمام الساعة 11 صباحا.

ووصف الوزير الأمر بالمزعج والمحدود فى الوقت نفسه، نظرا لقلة عدد الطلاب الذين يمتلكون البلاك بيرى. وأكد أنه أجرى اتصالا بوزير الاتصالات لدارسة إمكانية إغلاق خدمة "البى بى إم"، وهى خدمة الرسائل عبر البلاك بيرى رغم صعوبة الأمر، بالإضافة إلى اتصاله بوزارة الداخلية لتتبع المتسبب فى ذلك وإلغاء امتحانه إن أمكن.

وبعدين يعلوا التنسيق واحنا اللى نتظلم عشان هما مش قادرين يمنعوا الغش :angry2::angry2:

الحمد لله طب تمام عالعموم ربنا ينتقم من الغشاشين والمنافقين
نركز بقى فى اللى جاااااااى
الفلسفةربنا معايا
وانت ركز فى الرياضة2 يا مهندسنااااااااا
ربا معانااااا

يا جماعهـ متشغلوش نفسكو
وربنا مش بيضيع اجتهاد اى حد ومستحيل دول يتساوو بيكو
مش تدايقو نفسكم
وربنا معاكم

اللى جاى فيزياء ربنا يستر بس المشكلة ان فية لجان شديدة ولجان سايبة , احنا بنتفتش ولا كأن معانا مخدرات مش موبايلات وبعدين لما هما مش قادرين يمنعوا الغش بالبلاك بيرى ما يمنعوا دخول اللجان بالموبايلات الناس ذنبها اية تتساوى بواحد مفتحش كتاب عشان هما مش عارفين يمنعوا الغش . اكن الوزير بيقولك ادخل الامتحان ببلاك بيرى وغش واحنا مش هنعرف نجيبك , مش كفايا نظام التعليم فاااشل كمان الامتحانات متسربة :mad::mad:

اساسا فية وزير يقول كدا ؟!!

تعليم فاشل وبلد بايظة وشعب مطنش

افضل تعبير على حالنا
بس ان شاء الله الامور تنصلح