بوابة الثانوية العامة المصرية

احمد فؤاد نجم

انا الأديب و لا تعرفنيش

تقرالي لكن ما تشوفنيش

كلامي لا هو مادهون ورنيش

و لا المعاني عليها غبار

شقع بقع يا ديل الفار

***

يا شعب مصر يا خم النوم

ما تفوق بقى و تشوف لك يوم

الثورة قامت في الخرطوم

و انت اللي نايم بالمندار

شقع بقع يا ديل الفار

***

يا شعب ثور داهية تسمك

و شيل اصول اسباب همك

عصابه

بتمص في دمك

و الاسم قال ضباط احرار

شقع بقع يا ديل الفار

***

اخدوا اليهود غزة و سينا

و بكرة يبقوا وسطينا

و الراديوهات بتغدينا

خطب و نتعشى اشعار

شقع بقع يا ديل الفار

***

الشيخ امام قال كلمة حق

و الست ثومة قالت لأ

و ابو النجوم على ودنة اندق

في المعتقل و الدنيا نهار

شقع بقع يا ديل الفار