ممكن سؤال للجميع
 

بصى انا ع نفسى لما بحس باى ظلم او اى حاجة بتزعلنى او انى اشوف اى منظر صعب بعيط

بس لو ظلم او اى حاجة خاصة بيا بعيط الاول بعدين بتصرف و عمرى ما اسيب حقى

يمكن بعيط لان بتصعب عليا نفسى ..........الله اعلم

بس متهيالى انا الدموع عندى رفيق استحالة يسيبنى

احيانا تكون الدموع هي اقوى شيء بالنسبة للأنسان وتكون دافعا له نحو تصحيح حياته

يمكن نكون بنهرب من ضعفنا عن طريق الدموع
هى صحيح ممكن تكون نظرية عبيطة شوية بس ليه لا
بس هتكون ايه نظرتنا احنا فى اللى بيبكى وقتها هنعرف نقيم السبب

شكرا كثير على الكلمات الرائعة

ميرسى اوى ياداليا على الموضوع الجميل ده يعنى سالتى سؤال حساس بجد بس انا شايفه ان الدموع عمرها ماكانت دليل على الضعف لكن اوقات كتير بتبقى دليل على رقه الاحساس والمشاعر وبتتوقف على الشخصيه نفسها وعلى الموقف بس ناس كتير بتشوف انها عدم قدرة مثلا او عجز وخصوصا فى الرجال بم انهم رمز القوة بس انا شايفه ان اى انسان عنده مشاعر وبيحس وبيتجرح يبقى من حقه يبكى وده بيكون وسيله من وسائل الراحه حتى لو اخد حقه من اللى جرحه بس دموعنا ليها اسباب كتيييييييييييييييييييييير واى حد من حقه يرتاح بس بينى وبينكم انا اصعب دموع ممكن اشوفها لما اشوف واحد بيعيط بحس انى ممكن اعمل اى حاجه علشان اسكته وانى هعيط جنبه يعنى عندى لما ولد يعيط يعنى حاجه جامده اوى حصلت بس انا بقى عندى مشكله فى الموضوع ده ياجماعه انا دموعى قريبه اوى ولما بيحصل حاجه تستاهل انى ابكى بعمل ده وقدام اى حد وده بيخنقنى اوى لانه ساعات بيحصل مع ناس مش تستاهل اصلا انى ابكى عليها بس مش بقدر امنع ده يمكن بتصعب عليا نفسى او انى بحس بجرحى اوى مع العلم انى عمرى مابسيب حقى ابدا وبالذات لو الغلط مقصود بس الحكايه دى بتضايقنى اوى بجد نفسى اقدر اتحكم فى دموعى بس مش عارفه اعمل ايه .......