بخصوص اوائل الخريجين اللى اتعينو
 

السلام عليكم

ياجماعه انا كنت شغاله بالعقد اخصائى تطوير ودى 3 سنه ليا والحمد لله بفضل الله اتعينت فى موضوع اوائل الخريجين ده على تخصصى وهو مدرسه علوم بس فى حاجه انا مش فاهماها دلوقتى المرتب قل يعنى بدل ماكنت بقبض 580 بقيت 490 ولما سالت قالولى عشان شالو منك الحاجات اللى كانو بيضيفوها للعقود طيب هل هما بيعملونى على انى تعيين جديد ولا هيضمولى ال 3 سنين اللى فاتو
وهل زياده شهر 7 هتطبق عليا ولا لا
بالله عليكو فيدونى

انت كاوائل خريجين معينة على اخصائي تدريس او اخصائي تعليم وليس كمعلم مساعد .. وانت الان تعاملي على القانون الداري للعاملين بالدولة وليس على قانون 155 لكادر يعني حضرتك خارج نطاق الكادر .. انت بتتعاملي معاملة الإداريين ..

احنا تعبنا كتير قبل كده وانا بانادي ان اللي يجيله تعيين كأوائل خريجين تربية وتعليم وهو اساسا معلم مساعد مايستلمش..

يادكتور انا مكنتش معلم مساعد انا كنت عقد مؤقت ومكنش ساعتها فى اى كلام على التئبيت وقالولى انى ممكن اضم المده بس ليه يعاملونى على انى تعيين جديد يعنى اكنى ضيعت 3 سنين من عمرى طب وزياده 7 متنزليش ليه ؟؟ وكمان مرتبى قل ودلوقتى عرفت من زملائى ان جلهم تثبيت طب انا حقى فين كده اعمل ايه واروح فين

انا ضمن اوائل الخريجين ومرتبي وصل 635 بدون ضم التذاكر ولما سالت قالوا ليا في الادارة ان لي امتحان كادر فازاي مرتبكم قل

لو سمحتى ممكن تفهمينى اكتر ازاى مرتبك مقلش انتى كنتى تعاقد وبعد كده جالك التعيين بتاع اوائل الخريجين ولو كنتى تعاقد دى السنه الكام ليكى فى التعاقد وفى الاداره قالولك ايه وانتى تبع اى اداره فيدينى بالله عليكى
انا قالولى مرتبك قل عشان بيخصمو نقابه وشالو منى حاجات كانت بتتضاف للعقود

ازاى مرتبكم كده ياجماعه فهمونى انا هتجنن انا مرتبى بعد ماكان 580 بقى 490
انتو تبع انهى اداره

طب انتى كنتى تعاقد قبل مايجيلك التعيين ولا ايه ؟؟؟ طب متعرفيش تساعدينى وتسالى فى الاداره ايه الحاجات اللى بتتخصم مننا احنا المتعينين وليه الفرق فى المرتبات ده

ياجماعه اللى يعرف حاجه يفيدنى ارجوكو

احمدى ربنا انك اتعينت ......................................... غيرى مش لاقية شغلانه

انا ادراة قنا التعليمية
وكنت من عقود 2010 قبل ما استلم تعين أوائل الخريجين
ويا جماعة مرتب 490 دي خاص بالناس اللي اتثبتت بعد 3 سنين بالحصة ودول القانون بتاعهم نفس القانون الخاص بينا اللي هو (47) بس الفرق اننا متعينين بقرار رقم (1) في 9\2\2012 ودي السبب في عمل لخبطة في المرتبات

يعنى ايه ياساره مش فاهمه برضه يعنى فى حاجه اقدر اعملها

ياجماعة احنا عاوزين نعرف ايه اخبار الكادر وهنمتحن امتى الى عنده اخبار يقولها وحنا ما بناخدش حوافز اداء ليه زى المعلم المساعد واحنا على درجة ايه معلم والا معلم مساعد
ياريت نتواصل مع بعض