حوار صريح جدا
 

فى يوم من الأيام وبالتحديد يوم الأربعاء الماضى وكانت الكهرباء قطعه والجو حار جدا والساعة التاسعة مساء فجلست أمام المنزل أنا وشقيقى الأصغر وهو أصغرنا جميعا وتطرق الحديث فى جميع الموضوعات وأحوال المعيشة والذى يدور الآن ومصاريف البيت والأبناء ومصاريف الكليات حيث انه لديه أبن فى كلية السياحة والفنادق بالمنيا وتطرق هذا الحديث سبب هذا الموضوع
ماذا تفعلون بالنت والمنتدى.
قلت هذا منتدى تعليمى نقدم فيه الخدمة لجميع الطلبة ونقدم شرح ودروس وغرفة صوتية وخلافة .
قال ولمن تقدمون هذه الخدمات ؟
قلت لجميع الطلبة بلا استثناء
قال وما المقابل لهذا كله ؟
قلت الدعاء من الطلبة المحتاجة لهذه الدروس ونعتبرها صدقة جارية
قال ومن قال لك أنها صدقة جارية ؟ هذه ليست صدقة جارية ولا تمت إلى الصدقة الجارية باى صلة؟
قلت كيف ونحن نقدم الخدمة كلها مجانا وبدون مقابل المدرس يشرح ولا يأخذ اى شيء من الطلبة
قال اعرف ولأكن هذا ليس بصدقة جارية؟
قلت لماذا ؟
قال لأنكم تقدمون الخدمة إلى من يملك جهاز كمبيوتر والاشتراك فى النت ويمتلك من الإمكانيات المتاحة ويستفيد منها لاكن من ليس لدية هذه الإمكانيات هو الذى يحتاجها وتكون دى الصدقة الجارية .
قلت كيف ؟
قال كل المشتركين معكم ظروفهم المادية أفضل بكثر من الطلبة التى تحتاج لهذه الدروس والغرفة الصوتية وهم الذى يسرى عليهم الصدقة الجارية
قلت وما السبيل إلى ذلك ؟
قال بكل بساطة وسهولة ممكن يتولى مجموعة أو كل من يستطيع ماديا أن يقوم بطبع هذا الشرح وعمل ملزمة بالمادة ويكتب بها أسم المنتدى وأسم المدرس صاحب الشرح وتسلم إلى مدير المدرسة بعد تصويرها إلى عدد معين وتوزع على الطلبة الأيتام والفقراء المحتاجين الذين لا يملكوا كمبيوتر أو يستطيع الدخول إلى النت من سيبر علشان لو دخل من السيبر وحضر الحصة سوف يدفع أكثر من 5 جنيه فى الحصة للمادة الواحدة فإذا حضر حصتين فى اليوم 10 فكيف والده يجمع له هذا المبلغ يوميا
فعرفت انه يمكنا أن نعمل هذا الموضوع ابتداء من العام القادم
وهو متروك للجميع لكى يكون صدقة جارية ومد يد العون الحقيقة لمحتاج وخصوصا سوف يتم تجميع كل المواد وكتابة أسم المنتدى وأسم المدرس صاحب العمل وممكن المدرس نفسه أن يطبع الملزمة الخاصة بيه ويقوم بتصويرها وإعطائها إلى مدير المدرسة والمدارس المجاورة له وتوزع مجانا وكل عضو يتولى توزيع ما يستطيع أن يطبعه ويصوره وكده فعل تكون صدقة جارية بجد وهذا ما شعرت بيه من صدق كلامه معى فطرحت هذا الموضوع للنقاش
فما رائيكم فى هذا الحوار الصريح جدا

بارك الله فيك استاذ عصام
هو فعلا اقتراح راءع بجد
وممكن ان شاء الله كل اللي استفادو من الموقع زيي انا وكتير يشاركو في مساعدة الطلبه
بجد ربنا يجازيكم خير عننا
يعني انا مثلا مش باخد دروس خااااااالص مش عارفه من غير الموقع كنت هعمل ايه
والله لكم ان تتخيلوا كم الدعوات التي تدعي لكم من الطلبه المستفيدين من هذا الموقع
ربنا يجازيكم عننا خير فعلا

وأنت مثال الطالب المجتهد البارع فى كل شيء حتى فعل الخير
وشكرا للاستاذ صوت الحق على هذه الفكرة البسيطة التى تمد يد العون للجميع
بالتوفيق يارب ويتم التنفيذ باذن الله

جزاكم الله خير وفقكم الله للخير
فعلا نعم الاب
ربنا يحفظك لينا يابو مي

بارك الله فيك ي استاذنا الفاضل

وباذت الله هكون جنك في كل شيء

لنرتقي بهذا المنتدي

بجد والله مش عارف اقول لحضرتك ايه والله
لقد كنت وما زلت نعم الاب ونعم المدير ونعم الاخلاق ونعم المسلم المتمسك بدينه
ربنا يجازيك خير الجزاء عنا وعن كل طالب يتعلم ويستفيد من المنتدى
وربنا يبارك فى حضرتك
يا عمو عصام

الله كلام سمعته من زمان

سلمت لنا وحفظ الله الله وبارك فيك

جزاك الله كل خير

ربنا يبارك في حضرتك والله الكلام ده ما يقوله غير رجل والرجال قله

الف شكر لكم جميعا على هذه الكلمات الرقيقة التى اشعر بها بحنان الولد الى ابيه ودفئ الوالد الى ابنائه
ربنا يتقبل منا جميعا يارب

فكرة ممتازة سعيد وهى غير مكلفة لاكن لن تجدى الا لمن لديه جهاز كمبيوتر ونحن نريد الوصلو إلى الطالب الذى ليس لديه جهاز كمبيوتر

فكرة رائعة جدا وبنشكر حضرتك انك عرضتها ونتمنى تلاقى قبول وصدى

الصراحه قصتك اصرت فيه:o

:(السلام عليكم ورحمة اللة وبركاتة :)
بصراحة فكرة رائعة جدا
بعد ازنك انا ممكن اقول انى انا فعلت زالك بلفعل
انا بصراحة باخد دروس ومش هاكزب واقول انا ما باخدش وكثير هنا على الموقع بياخد ومش كلهم لان الى حد ما الحالة المادية ميسرة وامتلك مع الجهاز طابعة brinter
فانا كنت بسيف المواضيع اللى كان بينزلهالنا الاساتزة فى الموقع وكنت باخدها واطبعها والفكرة جتلى واللة ومن غير ماحد يقولهالى ان انا اعرف ناس اصحابى ما بياخدوش دروس وقلت اصورلهم نسخ من الحاجات اللى عندى واديلهم وكمان ما سكتش الا انى قولت لمدرس الفرنساوى لو ممكن يا استاز اطرح على اصدقائى المزكرات دى واديهالهم يصوروها ويستفادوا منها وخدوها وصوروها بس الاستاز كان متغاظ شوية لانة مدينا مزكرات ودافعين فيها الشىء الفولانى ودة بصراحة اللى حصل
وياريت كل فرض يعمل زى ما انا عملت واللة ليها اجر كبير ويعود بزلك النفع على الجميع
ودة انا بس قلت رايى وكنت عايز اعرض الفكرة دى من زمان بس قولت ان الطلبة مش هتاخد براى واحد زيى بس الحمد للة ان الفكرة جت من استاز ومربى فاضل زى حضرتك وربنا جعل انة كان سبب قطع النور يزاولة فكرة هزا الموضوع وبشكر اخو حضرتك على الفكرة الاكثر من رائعة
وياريت بلا انانية ونبص للى اقل مننا علشان ربنا يكرمنا كلنا اخر السنة
:D

فكرةاكثر منر ائعو وان شاء الله انا اكون معاكم لو كنت في مصر ساعتها واساعدكم ان شاء الله

فكرة جميلة بجد ياا ستاذ عصام
بالمناسبة وبجد والله
انا فعلا طبعت نماذج الامتحانات وادتها لاى حد يطلبها