رسالة لكل طالب ثانوي (و خاصة 2 و 3 ث)
 

من اخوك او اخوكي مر قبل كده باللي انتو فيه دلوقتي

متدايقش لما يجيلك امتحان صعب وتلاقي كل الطلبة بيقولو زيك انو امتحان صعب

لأن بالشكل ده ،، الامتحان صعب عليك وعلى غيرك ! ،، يعني اللي انت غلطت فيه هو كمان غلطت فيه وغيرك كتير !

فا بدل ما الامتحان كان من 25 ،، بقى كأنو من 24 ،،، لأن نسبه كبيره اوي معرفتش تحل سؤال معين

لو انت مدايق انه حيأثر على مجموعك ،،، فا احب اطمنك انها مش بالمجموع ،،، لأن ممكن الامتحانات تيجي سهلة وتلاقي كلو جايب فوق ال 95 واللي جايب 99 اكتر من الهم على القلب !
فا تلاقيها في الاخر هي هي ،، الموضوع نسبه وتناسب ،،

مجاميع عاليه = تنسيق عالي
مجمايع قليلة = تنسيق قليل

واللي مش مصدقني ،، يبقى يسأل اي حد من قرايبه كان في ثانوية عامة 2008 ، ويسألو التنسيق كان شكلو ايه والمجاميع كانت شكلها ايه

نقطة تانية بقى ،،، الامتحان الصعب فيه ميزة حلوة اوي ،،، انك لو مذاكر كويس وكنت عاطي الماده دي وقتها الكافي وتعبان فيها طول السنه ،، حتحل اكتر من اللي مكنش عامل زيك ،،، فا انت حتبقى مميز عنو

اما بقى لو انت تعباااان طول السنه في مادة ،، وجاه الامتحان اقل من مستواك بكتيييير اوي ،،، حتحس انك اتظلمت ،، لأن اللي ذاكر المادة لمدة 100 ساعه زي اللي ذاكرها لمدة 60 ساعه !!

اخر حاجه بقى ،،، ربنا لما بيديك مجموع ،، مش بيديهولك على الحل اللي انت حليتو في الامتحان ،،، لأ ،، ده بيديهولك على قد تعبك اللي تعبتو طول السنه

ممكن تكون تعبت في مادة طول السنه كتير اوي وكنت كويس فيها ،، وقدرك انك حليت وحش في الامتحان ،،، متقلقش ، ربنا حيعوضك في مادة تانية وبالزيادة كمان ( عن تجربة )

مدرس الفيزيا بتاعي قالي معادلة حلوة اوي

يقين + رضا = راحة
خلي عندك يقين في قدره اللي وفي عدله وفي كرمه ،،، وارضى بكل شيء ربنا يكتبهولك حتى لو مش على هواك او مش زي ما كنت عاوز ( لأن ربنا حيختارلك الاحسن ) ،، لو عملت الاتنين دول ،، حتحس انك مرتاح اوي ومش فارق معاك اي حاجه في الدنيا .....

منقول للامانه

والله عندك حق وانا كمان زيك كده انا لحد الان غلطت ولا 15 درجه وخلاص حلمي ضاعومعدتش عاوزه افتح كتاب مع ان الكيميا لسه جايه بس بصراحه معتش ليا نفس اذاكر والناس اللي مكنتش بتذاكر خالص لجانهم فيها غش كتير قوي ومقفلين كلو لحد الوقتي وانا اللي اتظلمت واالله

يعني ايه 7 درجات انا بقولك انا عندي 15 درجه في الامتحانات اللي فاتت لسالي الكيميا والجبر اللي مرعوبه منهم اول السنه لكن اللي فات ده مكنتش خايفه منو خالص كنت واثقه اني هقفله

يعني انا دلوقتي في 90 %ولسه اللي جاي

انا بقى من اول ما جيت من الفيزيا وانا قاعدة ابكى لغااية اللخظة دى واقول طب هذاكر كيميا ليه واذاكر اقتصاد ليه كله راااااااااح حتى الكلية الى نفسي فيها راااااحت وكل الى مضيقنى ان الامتحان كان سهههههل وكنت عارفة الاجابة بلنص بس التوتر مفتكرتش كلمة وضااااع كل حاجةة والناس بقا لى تنرفز وتقولى مدام انتى محلتيش مين هيحل ان ضيييييييعتتت الفيزيا ناقصة كتييييييييييييييييييييير ولحمد لله لى كل شئ ولا ياس من رحمة الله بس بجد ادعوووووووووووووووولى

موضوع جميييييييييييييل فعلا .ربنا يكرمك ويجازيك خير . انا بقى المعادلة اللى قالهالنا مدرس الاحياء ( الثقة بالله + الاخذ بالاسباب يعنى الاجتهاد والتعب = توفيق من الله ) .

لا ياحبيبة قلبى قومى استهدى بالله محدش عارف التصحيح هيبقى ازاى ولاالتنسيق كمان ربنا هيكرمك بس خلى ثقتك فى كبيرة اوعى تتهز .ربنا يكرمك يارب ويوفقك ويزيح عنك كل هم وكرب.

لا مش 90 انتى كده دا على تقديرك 93 يعنى لسه فى امل مش وصلتى لحيطه مسدوده شدى حيلك ان شاء الله وربنا هيكرمك وبعدين اللى يشوف بلاوى الناس تهون عليه بلوتو


يا جماعه احنا لسه متهزمناش لسه فى امل والله بذات لبتوع 2 ث شدو حيلكم ومتيأسوش وتعملو زى

انا حصلتلى نفس حالتك واصريت انى اراجع ولقيت نفسى بالعافيه هنجح ربنا يسترها بقى معنا ويكرمنا فالتصحيح
لكن دلوقتى بذاكر رياضه محدش عارف ايه اللى هيحصل بكره مش ممكن الريس الجديد يخلى الكليات بالقدرات:blush: بدل النظام اللى يشل قال مجموع تانيه +مجموع تالته نفسى اعرف مين الغبى اللى عمل النظام دا حسبى الله ونعم الوكيل بعدد من اتظلم بالنظام دا


بارك الله فيك
الحمد لله انا عن نفسى فالمعادله ضامن الثقه بالله فكل الامور لكن الاخذ بالاسباب دا حسب النفسه ساعات بيكون الفولت عالى وساعات بيكون فالارض
ويرت تسعدينى فالجواب على الناس اللى اليأس نهش فيها لما شبع