الأمتحان هيجى صعب !
 

بعد ما شفنا أمتحان العربى والفيزيا
أنا رأيى أن الأمتحان هيجى صعب جدا
بنصح كل الناس تذاكر على أد ما تقدر . علشان ميندموش زى ما أنا ندمت على مساله الكهربيه فى الفيزيا
ربنا معانا كلنا أن شاء الله

على فكرة الامتحان كان سهل بس احنا شعب ممكن ناخد المركز الاول فى الاحباط الدولى

الأمتحان مكانش سهل . انا طالب 3-6 فائقين رياضه فى السعيديه وجايب 98% وعارف يعنى أيه أمتحان صعب ^^
الأمتحان كان فيه جزئيات كتير مستخبيه فى المنهج
ومن كتر روشتى داخل اللجنه مركزتش فى الكهربيه وحليتها غلط
أنا بس قلت أفيد الناس . الناس متوقعه أنها هتدخل تلاقى 1+1 تساوى 2 وتطلع
لا الأمتحان مش بعيد يبقى أصعب أمتحان ميكيانيكا .... وفيه سنين كتير الأمتحانات جت فيها صعبه وقبليها الناس كانت مقتنعه كده برضوا أن الأمتحانات هتيجى سهله . وفى الاخر تفاجئوا
أنا نصحت والباقى عليكوا يا جماعه

وايه يعنى مدرسه متفوقين !!!!!!!!!
وبعدين عادى جدا لو حتى جه نفخ مش هيبقى على كله وبعدين يا اخى طمن الناس بلاش تشاؤم

على فكرة نصيحة منى الامتحان هيجى قريب لسنة 2008 انا قولت قريب منه مش زيه وشكراااااااا

ماشى ما أنا بقول للأخ الجوهرى لما بيقول كان سهل أنى عارف لأنى طالب فائقين وعارف أمتى أقول على أمتحان سهل أو صعب
صدقنى في ناس متوقعه أمتحان سهل وده أكبر غلط
ولو أنته فكرت للحظه ان الأمتحان هيجى صعب هتلاقي فى مسائل مكنتش عارفها مخك هيشتغل بأفصى قوته علشان يحلها لخوفك من الأمتحان
غير كده والجو البمبى ده وأن كل شئ لذيذ مش هينفع

الامتحان صعب فى حالتين وده الى انا اعرفهم الصراحه
1-للى مش مذاكر
2-لو جاب حاجه من بره المنهج مرتبطة بمنهجنا زى مثلا فيزياء من اولى ثانوى جابها فى خطوة فى مسئلة عندنا ومتتحلش المسئلة الا متعمل الخطوة بتاعت اولى ثانوى غير كده مفيش حاجه صعبة

رأيى : الأمتحان يكون صعب لما يجيب جزئيات مخفيه أو نادره المجئ
فأتوقع يجيب حته متجهات كده صعبه
وحته فى الديناميكا متعلقه بالشغل والقدره والطاقه لأنهم ليهم علاقه ببعض أوى
علشان طبعا مشتقه الشغل تدى قدرة

هممممم .. شفت أمتحان الأنجليزى ؟ شفت كام واحد قال عليه صعب وهوا حته أمتحان تافه لا يصلح أمتحان لتانيه ثانوى حتى ؟ ده قصدى .. الطالب المتفوق يفرق عن الطالب المتوسط والأقل من المتوسط فى أن بعض الطلاب المتوسطين ممكن يحلوا سؤال وأعتقادهم أنه سهل وممكن يشوفوا سؤال سهل ويعتبروه صعب
أما الطالب المتفوق عارف أن الحته ديه نادره المجئ والحته ديه مشهوره والحته ديه ... وهكذا
أنا شايف أن الناس سابت الموضوع ودخلت فى موضوع كونى فى فصل فائقين أو لا

خلاصة الكلام: قال شاكسبير''من يعمل جيدا فليس لديه وقت للدموع''

طيب خلاص يا سيدى أنا أسف على الأسلوب اللى بان مستفز !
بس أنا بحاول أوضح للناس أنى مش طالب مفتحش كتاب علشان كده بيقول على الأمتحان صعب
أمين يا رب . ربنا يوفق كل اللى يأخد الأمتحان جد
بس ليا تعليق على كلامك
أنته بتقول يا رب يجى أشد من 2008 .. هههه طيب ما أنته أهه رأيك أنه هيجى صعب ^_^ أمال أيه بقى ؟

لا . تمام أنا معاك فى النقطه ديه
بس الفكره برضوا أن فيه ناس بتأخده على أساس أنه سهل وتتخدع
لكن لو نصحتها وقلتلها خدوا الأمتحان شويه جد علشان هيجى صعب أكيد هيختلفوا تماما . صح ولا أيه ؟