ماهى مصوغات التعيين
 

انا دخلت كادر ابريل 2012 والحمد لله اجتازت ولكن عايز اعرف الاوراق المطلوبة للتعيين
الى بيقولو هيبقى فى شهر 7 علشان نحضر نفسينا ويارب يكون خير:friendsxs3:

1 - أصل المؤهل + أصل الدبلومة لغير التربويين

2 - 4 صور شخصية

3 - صحيفة أحوال جنائية ( الفيش )

4 - اقرار ذمة مالية ( لو ما حدش لقاه يشوف واحد معرفة فى اى مصلحة حكومية خصوصا الضرائب )

5 - استخراج ورقة نجاحك فى الكادر من على صفحتك

6 - فى ملف فيه كميه اوراق كتيرة هتلاقوه فى اقرب مكتبة بجوار ادارتك او اى مكتبة ( ملف تعيين )

يلا كلنا نجهز الاوراق خصوصا الفيش اللى هياخد معاك حوالى اسبوع لاستخراجه ومحدش يخاف

مدة الفيش 3 شهور واللى ما عندوش صور يتصور وكمان اصول الشهادات لازم منها مينفعش صور

او ورق مختوم صورة طبق الاصل

ملحوظة فى ناس هتقول ما احنا قدمنا الحاجات دى وموجودة فى الادارة احنا برضة قدمنا كل الاوراق

بالفيش وبرضه طلبوه تانى فكل واحد يتأكد من الموضوع ده من اصحابكم بتوع قرار 53 و 244

لانه بيختلف من محافظة وادارة لاخرى

اتمنى اكون مش ناسى حاجة وانى اكون افدت حضرتك

لاحظى ان الموضوع بيختلف من محافظة لاخرى لان لسه فى محافظات معملتش تامين صحى

وده رابط الموضوع هنــــــــــــــــــااااااااااا

شكرا جزيلا يااستاذ شريف وجزاك الله خيرا كثيرا

يا جماعة شكل القرار مش هيطلع ولا ايه احنا منتظرين بقالنا شهر وموقع الاكاديمية علي الفيس بيدينا كل شويه معاد غير اللي قبله الواحد اتعقد والله