رايكم يهمنى
 

[ياجماعة اية رايكم فى عمل المراة بعد الزواج رايكم يهمنى جدا معلش هاتعبكم معايا كمان سؤال عايزة [رايكم بردة فى تعليم المراة تاخذ الثانوية وتزوج ام احسن وهى معها الكلية ولماذا

بالنسبة لعمل المرأة بعد الجواز
لازم يكون العمل ميأثرش على بيتها مش بمعنى انه مايخليهاش تهمل بيتها بس لا
بمعنى انها هتقدر تكون زوجة و ام بكفاءة 100 % قلت النسبة دى و لو بمقدار .00000000000000001 % يبقى تقعد احسن
دى رأيى

أما بالنسبة للزواج دون المرحلة الجامعية فأنا ضده تماما لأن الكلية مجتمع واسع و كبييييييييير جدا تتعلم منه الفتيات و الشباب أيضا أسلوب الحياة و قواعد الدنيا و اساليب و مناهج التفكير المختلفة و ده بالطبع هيفيدها فى حياتها الزوجية ناهيك عن المعلومات الثقافية و طرق التعامل مع البشر و أيضا إذا كانت ناجحة و متوفقة فهذا يرفع من شأنها و كرامتها فى بيتها
ده طبعا فايدة التعليم من منظور الحياة الزوجية فقط

وكمان انا أرفض زواج البنت وهى فى التعليم أو حتى الخطوبة وأنا رفضت اكثر من مرة خطوبة أبنتى وهى فى الجامعة حتى تنهى الدراسة
وكمان رفضت نفس الشيء لبنات أخوتى وجيرانى لانه مبدأ لا يتجزء ولا يوجد أحد يعرف الغد يحمل لنا ايه

:)شكرا لرايك افدنى كتير وان شاء اللة هاعمل بية

[COLOR="Magenta"]شكرا ياعسل على رايك وباذن اللة اكمل دراسات عليا[/COLOR]

رأي

الست ملهاش غير بيت زوجها ولو اشتغلت تكون مجرد فترة لكن بيتها المقام الاول والاخير

الست تطلع تشتغل علشان اية علشان العيال يطلعو معقدين وفاشلة ومحرومين من حنان الام والاب

بأختصار انا ممكن اوافق الست تشتغل لو زوجها هيقعد يربي العيال ويعوضهم عن حنان الام او كل واحد براحتة عايز يخلي الشارع او الحضانة تربي عيالة عادي

والكلام دة كتيير ومش عاوز اطول بأختصار كان فية حوار مع مديرة مصنع زي بيبسي استقالت فبيسألوها
انتي كنتي بتقبضي سنوياً بتاع كام مليون دولار ردت عليهم ان بيتها واطفالها هو المقام الاول والاخير وانها اتفرغت لتربية اطفالها
دةة كلالالام امراءة من الغرب اصحاب الحرية وخروج المراءة

وبالنسبة لمسئلة التعليم
فمش شايف اي مشكلة دلوقتي المتعلم الي بيعرف يفك الخط زية زي الدكتور لولا ان البلد دي بلد شهادات

علي فكرة كل بتوع المخدرات والناس الفاشلة بيكونو جامعيين وكلكم عارفين الجامعة دلوقتي عبارة عن اية والتعليم مبقاش تعليم

وعلي فكرة اخواتنا الدكاترة والي عاملين بحوثات وبيشتغلو وما شاء الله
عيالهم بيرسبو في الامتحانات وكمان هما دول الي بيشربو مخدرات وما اخفي كان اعظم

وعندنا ست متعلمتش ولا اشتغلت بس ربت عيالها
وما شاء الله عيالها كلهم ناس مستويات لانهم اتربو تربية سليمة

رأي من اجل الاستفادة والمناقشة

وفقكم الله