رساله عاجلة الى ( مستر شريف واصحاب الخبرة والمشورة )
 

لقد تورطت مع احد مكاتب السفر ودفعت فلوس من اجل السفر للسعودية وكنت متعشما انه بعد ظهور نتيجة اختبارات الكادر سيصدر قرار التعيين مباشرة ولكن للاسف تاخر القرار والشركة تتصل على يوميا لاستكمال اجراءات السفر مثل الفحوصات الطبية وانا اخشى ان يتاخر قرارالتعيين لاشهر وبالتالى يضيع على ما دفعته من فلوس فهل اروح للشركة وكمل الاجراءات حتى لا تضيع فلوسى ؟ فى حين اخشى ان يتاخر قرار التعيين ؟ وبالتالى يضيع حقى فى الوظيفة ؟ من هنا ارسل لكم رسالتى ؟ ولعلى اجد من يعطينى النصيحة الطيبة وبارك الله فيكم وجزاكم الله خيرا

اعمل اجرارءاتك عااااااااادى خالص واتكل على الله وسافر اذا مجاش التعيين وعند نزول التعيين بعد سفرك ابقى انزل ولو على حساب مرتبك بالخصم مش مشكلة ضحى حاجة بسيطة بس هتاخد حقك فلبد دى لانك اصلا انت مش مستقر فسعودية فاى وقت مبيحتاجوش بيفنشووووو ملهمش عزيززززز فكدة يبقى اخدت حقكككك والله المستعان

هل لو سافرت مش ممكن ان احد اقاربك يقدم اوراق تعيينك وتعمل الفيش قبل السفر على فكره انا نفس المشكله بس ادارتى رافضه تعطينى اجازه الا بعد صدور قرار التعيين واتسرعت مثلك وجهزت ورق سفرى مرافقه زوج وحصلت على الفيزا ماذا نفعل ياريت ترد ياستاذ شريف افادك الله

مين اللى قال ياستاذ شريف اننا لازم نستنى سته شهور انت مش قلت ممكن ناخد الاجازه بعدها مباشره وانا سالت الاستاذ عبد الرحمن المنياوى وقال ان فتره الاختبار عدت وممكن ناخد اجازه مباشره

ارجوووووووووووك ترد عليا انت قلقتنى جدا متاكد ولا سامع وقالوا لى فى الاداره كمان انا ينفع اخد اجازه بعد صدور قرار التعيين

وعلى فكره انا معلم مساعد منذ خمس سنوات

فينك استاذ شريف

على فكرة فعلا فية ناس كتييييييييييير عندنا بمحافظة الشرقية اتثبتت فى شهر 1/7/2011 وسافرو تانى يوم التعيين

فى الغربيه قالو بعد قرار التعيين مباشره عشان كده انا محتاره

السلام عليكم ورحمة الله وبركاته ..
تحية تقدير لاخوتي الأستاذ شريف حسن و الاستاذ محمد حسين لما يبذلوه من مجهود لإفادة إخوانهم واخواتهم في قطاع التعليم ..
وإذا سمح لي فإنه لي تعليق هنا في هذه النقطة ..

أولا لازم كلنا نتفق إن موظفين التربية والتعليم الإداريين المتواجدين في الإدارات والمديريات أغلبهم من أكثر الناس جهلا بتطبيق القوانين والقرارات منذ بداية تطبيق نظام الكادر .. استحالة تقدر تطلع برأي موحد من الإدارة لو سألت أكثر من مسئول.. ولو طلعت برأي أتحداك لو كنت تثق إنه سليم .. الموضوع ده خلى ناس كتير تتعطل وناس كتير تنضر بدون عزاء من الموظفين بعد تقديمهم آراء قانونية غير سليمة.. وكأن الموظفين بيتكسفوا يرسلوا استفسارات للوزراة .. ولازم يفتوا ..

خلينا بس نرجع لموضوعنا .. انا بدات البداية دي علشان اقول مش لازم يكون الموظف الإداري على حق لأني شخصيا دخلت مع الكثير منهم في صدامات كانت تنتهي لصالحي إما من النيابة الإدارية او من الوزارة او من المحافظ ..

الوزير في قراره بتعيين من اجتازوا كادر إبريل 2011 ثبتهم بقرار 244وأسقط عنهم مدة الـ6شهور لعملهم كمعلمين مساعدين مدة سابقة .. والقرار كان واضح في النقطة دي .. الموظفين بقى يقولوا ماينفعش اجازة بدون مرتب يبقوا بيفتوا ..

الموظفين قالوا كده معايا في حالة معينة .. ولما واجهتهم بالقرار قالوا طيب أصل الدرجات ماوصلتش ولما توصل ماشي ..

أما بالنسبة لحالتك يا أخي انا أرى إنك لو قدرت تسحب فلوسك أوكي .. أما لو ماقدرتش فامشي في اجراءاتك عادي يمكن يطلع لك القرار في الفترة دي .. وبعدها تمشي على طول .. واعتقد ان القرار سيكون قريبا ..