|
الأجازة والتنسيق
بسم الله الرحمن الرحيم طبعاً باش مهندس محمد طه عمل موضوع عن نهاية الدراسة بس انا هتكلم ف شيء مختلف إلى حد ما طبعاً ألف مليون مبروك ع نهاية ذلك الكابوس المخيف "الثانوية العامه" انا بتكلم عن ال كانوا في تالته ثانوي اما ال كانوا ف تانيه السنه الجايه ان شاء الله اعملهم موضوع احلى من دا كمان :d:d المهم طلبة الفترة الانتقاليه من الثانوي للجامعي :d:d:d:d:d الأجازة ال انتم فيها دي أهم اجازة ف حياتكم لازم تستمتعوا بيها بمعنى الكلمه قدر المستطاع لأنّكم فاكرين ان التعب انتهى بجد هتشوفوا التعب الحقيقي بمعنى الكلمه من السنه الجايه بإذن الله وانا مش بخوفكم وربنا بس عشان تبقوا مستعدين نفسياً انا بتكلم كدا عن كل الكليات كل ال هيدخلها هيتعب بجد وأخص بكلامي اكتر كمان كليات القمة في كل الشعب يعني اقتصاد وعلوم سياسية وإعلام وطب وصيدلة وأسنان وهندسة والكترونيات المنوفية وما إلى ذلك من الكليات دول بالأخص هيعرفوا معنى التعب من السنه الجايه فلازم يستمتعوا بالأجازة دي بطولها وعرضها وميضيعوش وقتهم ف القلق وإنتظار النتيجة ومن ثم التنسيق الأجازة دي لو ماستغليتوهاش بجد هتندموا السنه الجايه وانتم ف وسط التعب بجد ومش عارفين لا تخرجوا ولا تقعدوا مع اصحابكم وتهزروا او تلعبوا شوية او اي حاجه حتى المدرسة للي كان بيروح ف ثانوي كان بيرجع منها الساعه 12 او 1 بالكتير دلوقتي ف الكلية بإذن الله لو انت ف كلية كويسه بتراعي ان الطلبه ميتعبوش او يزهقوا من الكلية فهتخرج من الكلية ع الساعه 4 العصر كل يوم والكلية طبعا مش هتبقى لازم ف نفس بلدك زي المدرسة يعني التعب من كل النواحي فلازم زي ما قولنا وبنذكر مره تانيه لاااازم نستغل الأجازة الإستغلال الأمثل ونعيشها ف سعادة تامه قدر المستطاع ...................... تيجي النتيجة بقى بإذن الله ونجيب كلنا مجاميع كويسه بإذن المولى هنقعد بقى نفكر ف التنسيق وهنعمل إيه ف التنسيق وكدا بردو مفيش أي قلق هيتفتحلكم قسم ف منتدى طلاب مصر هنا ف المنتدى بإذن الله اسمه تنسيق 2012 وممكن تستعينوا بتنسيق السننه ال فاتت لمساعدتكم عشان تعرفوا ممكن تعملوا ايه وهكون انا بإذن الله اول واحد ف خدمتكم ف أي حاجه محتاجين تعرفوها وأي اسئلة حابين تعرفوا اجابات عنها انا تحت أمركم لو كنت اعرف يعني مش هتأخر اكيد وغيري طبعاً اهل الخير قبل مني زي باش مهندس محمد طه ودكتور تغريد ودكتور ريم وغيرهم كتير طبعاً وهنكون بإذن الله كلنا تحت أمركم لو عايزين تعرفوا أي حاجه (انا دبستهم كدا خلاص :d:d) ولو ف حاجه تانيه حابين تسألوا فيها من دلوقتي حتى الموضوع دا تحت أمركم اسألوا ف ال حابين تعرفوه :) وربنا يوفقني ويوفقكم والجميع إن شاء الله |
تعب 100 ساعة من الكلية ولا تعب ساعة من الثانوية
ورياضة السنة ده مخلتش حد يعرف يتوقع ايه المصير |
اقتباس:
|
ربنا يخليك يابشمهندس والف شكر على الموضع الحلو دة
|
احم احم وعليكم السلام يا بوجمعة أحييك على التدبيسة دي اقصد الموضوع الروعة ده :d انا مكنتش ناوي أتكلم إلا لما الناس تتكلم بس هقول ايه بس غير اني إدبست يا عالم :d:d طبعاً طبعاً يا باش مهندس أحمد كلنا نعمل تحت راية واحده :) وانا والله بتمنى اليوم اللي كلنا نساعد بعض فيه بإخلاص سواء أنا أو حضرتك أو دكتورة تغريد ودكتورة ريم ( بس ريم ادعولها هتخلص 20/7 تقريباً ) ماحنا فشلة بئه مخلصين من يوم 16 وصايعين اهوه هنعمل ايه :d:d:d انا عايز أكلم عن محاور 3 بالظبط ناوي نعملهم في الأجازة باذن الله أولاً المرحلة الإنتقالية اللي انت قولت عليها يا حج أحمد لغاية ما السلطة تتسلم لخريجي الثانوية :) ثانيا مرحلة ازاي تجيب امتياز في الكلية بسهولة ( كلامي موجه لهندسة فقط وانت هتكون معايا طبعاً في كده ) اما علوم وطب وصيدلة ربنا يخليلنا تغريد وريم (ادبستواااااااااااااااااااا خلاص :p) ثالثاً (ودي الأهم ومحدش يستعجل ويقولي احنا طالعين من ثانوي وزفت وطين وكلام من ده ) ايه بئه اللي ثالثاً ؟؟؟ أساسيات هتفهمك شوية رياضة وفيزيا وكيميا ميجوش كام ورقة لازم الكل يكون عارفهم عشان يقدر يستوعب خطوات مسألة أو يكمل في موضوع بيذاكره كويس بدل ما حاجه تقف معاه وزي مانت عارف على الأساس قواعد البنيان :d تماااااااااااااااام يا رجاااااااااااااااااااااااااالة ؟؟؟ ولعوا فينا أسئلة بئه وانتوا اللي هتزهئوا مش احنا :p |
اقتباس:
او ع رأي الست أم كلثوم هسيبك للزمن :d:d:d |
طيب اللى خايف من النتيجه ومش حاسس بالاجازه يعمل ايه ياباشمهندس؟
|
اقتباس:
|
اقتباس:
الدكتور بتاعنا لما قلناله المطلوب ايه بعد اعدادي يا دكتور عشان نستعد للقسم ونبقى جامدين في قال استمتعوا بالأجازة فقط منكرش ان في توتر من ناحية النتيجة بس الرضا بالله شئ عظيم جداً وثوابه عظيم و ثمراه في النتيجة كمان زي الفل ومتخافش ان شاء الله هترضى باللي يجيلك ويكون هو اللي انت عايزه والحياة موقفتش عند مطلب لا يساوي في الحياة شئ |
ربنا يستر وشكرا ياهندسه
بس انا واحده مش واحد |
شكرا على الموضوع
|
ربنا يبشرك بالخير يا باش مهندس :d
|
طبى واللى قاعدة تبكى ومش حاسة بالاجازة ولا اى حاجة جابت فى تانية96.5 وتالتة ضاااااااععت ضاعت بمععنى الكلمة بس الحمد لله على كل شى وانا راضية بنصيبى قل لن يصيبنا الا ما كتبه الله لنا
|
بصوا يا شباب كلكم تقريباً سؤالكم واحد وباش مهندس محمد اجدر مني ف الرد
بس زيادة الخير خيرين فهرد بردو هو القلق بتاعك دا ممكن يزودلك نتيجتك؟؟؟؟ بالتأكيد لأ فإنت استمتع بحياتك كويس اوي وانسى النتيجه خاااااالص وصدقوني لكل شيء ف حلول أخرى يعني ال ملحقش هندسه ممكن يلحق حاسبات ومعلومات او الكترونيات المنوفية او فنون تطبيقيه او فنون جميلة قسم عمارة او تخطيط عمراني يعني كتييييير ولو ملحقتش أي حاجه من دول بردو مش هي دي نهاية المطاف الكلية دا ماهو إلا سبب بيخليك تنطلق لطريق معين من الحياة لو دخلت كليه غيرها نظام حياتك وطريقها هيختلف بس مش اكتر ممكن يكون اكثر نجاحاً وممكن يكون أقل وكله بيتوقف على توفيق ربنا ليك و اجتهادك انت ف الطريق دا يعني القلق لا هيزود حاجه ولا هيقللها فاحن نستمتع بأجازتنا وبسسسسس عشان بقى لو ربنا خيب ظننا وجيبنا مجاميع حلوه ودخلنا كليات قمه ندخل واحن مرتاحين ف الأجازه انما لو مارتاحتوش هتحسوا انكم بتدرسوا سنتين ع التوالي من غير اجازه وهتتعبوا بجد ودا حصلي انا وحسيته عشان الاجازه كلها كنت بعمل اجراءات التحويل انما ان شاء الله ال عايز يعمل فيكم أي حاجه السنه دي ف انا معاه وكل الناس معاه اهل خبرة وعارفين المفروض تعمل ايه كويس وربنا يوفقكم يارب لما يحبه ويرضاه اتمنى اكون عرفت اجاوب ع سؤالكم |
اقتباس:
ههههههههههههههه باش مهندس محمد نحن خلقنا كي نتدبس :d:d:d:d:d:d:d يلا معلش بقى كلنا لها وإن شاء الله نقدر نساعد الشباب قدر ما وفقنا الله عشان نعرفهم ازاي يعرفوا يتفوقوا بس خلي بالك الكلام جاي مني (طالب فاشل :d:d). يلا عموماً ربنا يستر :d:d:d:d:d:d:d:d:d |
| جميع الأوقات بتوقيت GMT +2. الساعة الآن 04:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.