|
طلب جدول مواعيد لطالبة 2 ثانوى خلال رمضان
السلام عليكم ورحمة الله وبركاته أنا بإذن الله رايحة تانية ثانوى ودروسى هتبدأ من رمضان وأنا طبعاً مش هاخد دروس فى كل المواد كالعادة هذاكر الفيزيا والأحياء لوحدى بس عايزة فتوكة منظمة ترتب لى جدول مواعيد يناسبنى فى رمضان لإنى مش بعرف أنظم نفسى وبيضيع وقتى بس بالشروط اللى تناسبنى والجدول ياريت يشمل كل صغيرة وكبيرة أولاً : مواعيد الدروس السبت من 12 إلى 3.5 الأحد من 2 إلى 5.5 الاثنين من 2 إلى 3.5 الثلاثاء من 12 إلى 5.5 الأربعاء من 2 إلى 3.5 الخميس من 12 إلى 5.5 ثانياً : أولويات يومية صلاة الفجر وقراءة قرآن بعدها الخروج ساعة ونص بعد العشاء ومش بصلى التراويح محدش يعمل حسابها فى الجدول مشاهدة التليفزيون والبرامج الدينية مش حاجة محددة بس فى أى وقت فاضى النوم لا يقل عن 9 ساعات + ساعة قبل الفطار وطبعاً المذاكرة وواجبات الدروس ياريت حد ينظملى جدول مواعيد يشمل كل الحاجات دى ووقت للكمبيوتر والقراءة ووقت مفتوح وكل حاجة واللى هتعملى جدول حلو هدعيلها فى رمضان فى كل صلاة فجر |
ممكن المساعدة ؟
|
اقتباس:
بصى حبيبتى طبعا احنا عارفين ان رمضان قيام ليله دى اهم حاجة فانتى بما انك بتبداى الدروس من 12 ونقول لحد المغرب مفيش غير دروس بعد كدة الفطار طبعا وكدة فانتى استغلى وقتك كويس يعنى من المغرب للعشى فطار وقراءة جزء قرءان بعد العشى طبعا صلاة التراويح وكمان شوية اذكار وقراءة قرءان قولى لحد الساعة عشرة وبعد كدة ممكن تقعدى على الكمبيوتر لحد12 بليل وبعدين تنامى ساعتين حلوين وتقومى بعد كدة السحور وقيام الليل وقرءان واذكار لحد الفجر وبعد الفجر اذكار الصباح وتنامى شوية كدة لحد وقت الضحى تقومى تصلى الضحى الساعة 9 مثلا وبعدين تقعدى شوية على الكمبيوتر ساعة ونص كدة وبعدين لحد 12 تجهزى نفسك للدرس ويارب اكون افدتك |
طيب وأذاكر امتى ؟
وعلى فكرة أنا مش بصلى التراويح |
اقتباس:
ليه حبيبتى جربى تصليها دى جميلة جدا جربى كدة وصليها وهتداومى رمضان عليها ان شاء الله وبعدين ممكن بدل الساعة ونص بعد الضحى للكمبيوتر خليها ساعة واحدة وذاكرى ساعتين قبل 12 للدرس وممكن كمان تذاكرى بعد العشى ساعة او ساعتين وبكدة تبقى ذاكرتى ومضيعتيش يومك ان شاء الله ويارب اكون افدتك |
شكراً لك
وفى انتظار المزيد |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
أين أنتم ؟
|
مفيش حد يقدر يقدملك اللي انتي عاوزاه لان الشخصيه ونظام الحياه بتفرق من واحد للتاني
بس عموما هقولك اللس كنت بعمله نبدأ من الفجر بنصلي الفجر ونقرأ قران وشوية اذكار لمدة ساعه ونص كد وبعدين نبدأ مذاكره لمدة ساعتين ونص مثلا تنامي شويه لحد الساعه تسعه او عشره وتقومي تصلي الضحي وعلي ما تفوقي تذاكري كمان ساعة للدرس اللي انتي رايحاه واليوم اللي هتبدأي من اتنين ذاكري من عشره ونص لواحده وبعدين تروحي الدرس وتيجي تصلي وتنامي لحد قبل المغرب بنص ساعه تقومي تسلعدي في الفطار وتفطري وبعدين تصلي المغرب وتقرأي قران لحد العشا ومفيش مانع لوساعدنا شويه في المطبخ المهم خودي ساعتين بقي عالكمبيوتر ونامي....... يارب اكون افدتك ولو بقليل.....................متنسينيش بالدعاء...... ربنا معاكي ومعانا |
السلام عليكم ورحمة الله وبركاته
هو أصلا فى 2 ث كنظام جديد الفيزياء والأحياء مش مع بعض تقسم الشعبة العلميه الى فريقين يعنى فى ترم تأخذى فيزياء وميكانيكا وترم تأخذى أحياء وكيمياء بالتبادل |
شكراً لكم جميعاً
وربنا يوفقكم |
| جميع الأوقات بتوقيت GMT +2. الساعة الآن 08:59 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.