|
كلمنا عن تفكيرك وإبداعك " دعوة للجميع "
السلام عليكم ورحمة الله وبركاته ازيكم يا جماعة ؟ إنطلاقاً من إنكم بتحبوا التسلية والمتعة قررت أشاركم في الموضوع ده لعل انه ينفعكم بحاجه ودايماً ــ وانا بكره اقول كده ــ اي كلام بقوله هنا بتمنى انه ينفعكم انتم أولاً ... المهم بإختصار .. عمرك أبدعت في يوم من الأيام ؟ ؟ ؟ ؟ يعني حاسس انك زودت للدنيا حاجة ؟؟؟ ماذا سيفقد الناس بموتك ( بعد عمر طويل ) ؟؟؟ فكرت في الإجابة على الأسئلة دي ؟ ؟ ؟ طيب بلاش ... حاسس في حياتك إنك راضي عن عيشتك ؟ ؟ ؟ الماضي وحش أنا عارف مليان بلاوي والحاضر مش بنستغله بكثرة تذكر الماضي والتفكير في المستقبل طب ايه موقفك دلوقتي انت عايز ايه ؟؟؟؟ عايز ايه بجد ؟؟؟؟ انت عايش ليه ؟؟؟؟ يا جماعة لازم نجاوب بصدق مع نفسنا على الأسئلة دي ,,, أنا مش فيلسوف والله بس كل الحكاية اني عايز أخرج منك طريقة تفكيرك دي وإنك تبدع في حياتك مش بس روتين عايشه وخلاص حتى لو كنت جايب 100% في الثانوية العامة .... فاهم حاجه م اللي أخدته ؟؟؟؟ طب ليه مفكرتش في يوم تبدع في حاجه من اللي خدتها ؟؟؟؟ ننسى الماضي وخلينا في الحاضر دلوقتي أنا عايزك بعد ما تقرا العتاب البسيط ده تقولي انت لما تقبل على مشكلة بتفكر ازاي ؟؟؟؟ وايه اللي ناوي تعمله بجد في مستقبلك ؟؟؟؟ حدد وقول ,,, في عاية الله |
اولا :شكرا على الموضوع
ثانيا:للأسف نظام التعليم الفاشل قمع تفكرنا واننا ننمى عقولنا واصبحنا كجهاز الكمبيوتر للتخزين واذا لم تصبح المعلومة غير مهمة تتحذف احنا بعد الامتحانات نكاد لانتذكر ما تعلمناه ونستخدمه لنصل به الى نتاج جديد. مش عارف العيب فى المناهج ولا فينا احنا يعنى مثلا حضرتك بعد دراستنا للكيمياء وهنختص العضوية وسيبك من 8 ابواب اللى قبليها ممكن حضرتك تقولى دى مهمة علشان الدواء والحاجات دى بس انا ممكن استفيد بعد كده فى ايه اقصد علشان تكون الاستفادة اقوى يكون التركيز فى شئ واحد وبطريقة كبيرة؛ اوضح اكتر يعنى اذا انا عايز ادخل صيدلة اعمل مناهج مخصوصة وتكون متعمقة فى الحاجات دى وبلاش مثلا العربى والرياضيات يدرسوها لانهم درسوها قبل كده ومش هتفدهم فى حياتهم العملية بعد كده ولكن اللى هيفدهم تعمقهم فى الجزء اللى بيحبوه وممكن ييجى الابداع من الطريق دا . ياريت الاعضاء يشاركوا فى الموضوع دا لأنه مهم |
وعليكم السلام ورحمة الله وبركاته موضوع متميز جزاكم الله خيرا.... أكيد فى ناس كتير مننا كان عندها القدرة على الابداع بس ظروف التعليم أو الاعتناء باالمواهب عندنا فى مصر مساعدتش حد خالص ......وقليل خالص اللى حاول يخترق الظروف دى.... انا أعرف واحد عندنا عمله معمل خاص به وممنوع حد يخش لو دخل مركب جهاز انذار متوصل بمصابيح كدة...!! دة واحد حاول يخترق الظروف وماشاء الله عليه عقلية ممتازة جدا انما فى طفل تانى دلوقتى فى تانية ابتدائى الطفل دة كنت لما اجى اسأله فى جمع او طرح اعداد كبيرة جدا قبل ميدخل المدرسة كان يجاوبها بسرعة جدا والله انا اندهشت فكلمنا اهله انهم يهتموا به للاسف ردوا علينا وقالوا كل اخواته كانوا كدة فى الاول وفى الآخر أخدوا كليات عادية وفى منهم اللى مكملش أصلا........والولد دة دلوقتى هو متفوق بس مش عاد زى الاول.........أنا رحت بالموضوع بعيد.. عن نفسى أنا فكرت كتير ودايما بقرأ مواضيع عن التنمية البشرية وكمان مواضيع علمية إنى أقدر أفهمها الواحد بيحس بعد الكلام دة إن محدش زيه وانه يقدر يعمل حاجات محدش يتصورها بس للاسف الشعور دة مبيستمرش كتير هو بيقعد فترة قليلة بعد ما اسمع برنامج عمار الارض لمصطفى حسنى لما البرنامج يخلص الواحد يكون متحمس بعدها بربع ساعة ولا كأن حاجة حصلت!! ودايما بفكر هو احنا لنا بصمة فى الحياة إحنا عملنا ايه فى الدنيا أو زودنا حاجة الناس محتجاها ليه ميكنش لنا مكان وسط الناس اللى خدموا العالم أو العظماء بحسب رؤية علماء التنمية اى انسان ممكن يقدر بس من رؤية أكتر الناس وأنا منهم طبعا مش ممكن وأحيانا يقارب المستحيل..... دحتى لما الواحد يجى يعلن عن حاجة زى دى وسط زمايله تريقة بقة انتى كنتى مين يعنى.؟؟!! وكل يوم بفكر فى نفس الموضوع وتؤول كل المحاولات للفشل....أو انا اللى بخليها تؤول للفشل بس بعد الموضوع ده هحاول أعيد نظر تانى ولا إنتم ايه رأيكم أنا ناوية أعمل حاجة بس مش عارفة ايه هى ..؟!! لما اجى افكر فيها اقول انتى لسة داخلة ثانوية يعنى لازم تفكرى فى التعليم اللى جايبنا ورا دة ولما تخلصى منه ابقى فكرى وأنا مش راضية عن حياتى خالص واهه بنحالو نغيرها للافضل دينيا وعلميا وكل عام وأنتم بخير وسلمنا الله وإياكم إلى رمضان وتسلمه منّا متقبلا |
جزتك الله يا اخى فو اله كانك قراءت خواطرى فكتتبتها فعدة ايام بل شهور وانا افكر فى نفس الموقف وبدئت ىف الالتزام والاقتراب من الله لانى ادركت حقا انه لاهداية الا منه فقد نجهل طريق الهداية ولكن هو من يهدى
فادعوالله لى و ولكل الملسمين بان ندرك تللك الحقيقة الغائبة وهى ان الشباب لا يدوم لاحد والوقت لن يدوم لاحد والفرصة لن تدم لاحد هدنا الله اجمعين وجزاك الله كل خير |
أحبيبي أهندسه ديماً موإضيعگ قيّمة :)
بص بقى .. أنا هآخد سؤالگ الآخير ناوي تعمل يه ف المستقبل ؟ أنا نآوي أتعلم العلم الشرعي .. لأن هذ الزمان محتآچ الدعاة والعلماء بالدين لأنه زمن فتن .. عشآن أوجه النآس للطريق الصحيح ولأبيّن الحقّ من الباطل وبس هذآ م سأعيش عليه :) |
اقتباس:
العيب في ال2 بصراحة ... اللي عايز يكون محترم بيجتهد في كده لكن طول ماحنا شايفين سبيل سهل بنريح دماغنا ودايماً بنقول انا عايز أجيب 98 و 99 ولما أدخل الكلية أبقى أفكر وده غلط لأنك عمرك ما هتفكر في الكلية بالطريقة دي ... حتى حضرتك فكرتني ،، الدكتور بتاع الرسم الهندسي بيحكي موقف ... قابل مدرس في نفس طريقه ووقفوا يتكلموا مع بعض بيقوله يا دكتور أنا بحاول بقدر الإمكان اني أجتهد في تحفيظ الولد المعلومة وأفتحله دماغه أحط المعلومة فيها وأقفلها تاني لغاية ما يحطها في الورقة وخلاص :angry2::angry2::angry2::angry2: .... دي تكفي أظن كلامك متفق جداً مع رأيي .. محمد علي باشا كان بيفتح مدارس للطب والهندسة ... يعني الولد يدخل وهو عنده 10 سنين وميتعلمش في حياته غير الطب او الهندسة يطلع متخصص فعلااااااا ..... أتمنى يطبق شيه ذلك .... واللي بيقولك اعرف كل حاجه عن حاجه واعرف حاجه عن كل حاجه ... للأسف احنا فاهمنها غلط ... بل المطبق هنا في مصر أحشي دماغك باللي يجيبلك مجموع ... نورت الموضوع أخي |
اقتباس:
اللهم أمين يارب ,,, بصراحة ردودكم مفرحة جداً .... ونابعة عن عقليات بتحب التفكير أأمل إننا نتلاقي اهتمام بالعلم كإهتمام الشارع الان بالسياسة المجتمع هو اللي بيفرض على الدولة الإهتمام مجتمع 30% منه تحت خط الصفر الناس معبئة بالهموم ... ماذا ننتظر من مجتمع عقيم فكره الناس اللي بتفهم في شوية رياضة وفيزيا من صغرها بتفكر في الدراسة خارج مصر وبيتلاقي هناك اللي بيهتم بيه والدكتور زويل نفسه قال كده .... ربنا يوفقنا إلى ما يحب ويرضى أأمل فعلاً نتلاقي حد يعبرنا في مصر بجد ونتقدم بئه زي البلاد المتقدمة دي |
اقتباس:
نورتي الموضوع أختي |
اقتباس:
الله يخليك يارب يا خالد بسم الله ماشاء الله على الرقي في التفكير فعلا خير طريق التمست العلم فيه بجد والله ربنا يوفقك يارب وتكون داعية تدعو الناس إلى الله ونحن حتماً من خلف الدين والدين في المقام الاول ... ربنا يوفقك بجد وخلي هدفك نصب عينيك :) وأعانك الله على تحمل تلك المسئولية :friendsxs3: |
الموضوع ده زعلنى بجد لانى مالقيتش عندى اى حاجة من دول ولامحددة اى حاجة انا كنت زمان باتعلم الموسيقى فى المدرسة وبعدين مابقتش اشارك وماليش اى ميول او اهتمامات
|
اقتباس:
انا الحمدلله راضية عن عيشتى جدا بس عندى مشكلة انى دايما مش راضية عن الناس وده غلط انا دايما ابداعاتى اجتهادات لكن مش موهوبة فى شئ محدد انا كل اللى بزوده انى بساعد الناس يضحكوا او بخفف عنهم همهم ولما حد بيطلب اى مساعدة بساعد لكن الى الان مازودتش حاجة مؤثرة ومش هقول الناس هيفقدوا ايه بعد مااموت لان انا حاليا بحاول اقلل من حبى لنفسى شوية فمش عايزة اشكر فى نفسى قدامى انا عايزة اضيف اكيد ان شاء الله |
موضوع جميل اوى ياهندسة انا مش راضى عن حالى ابدآ :( بس نفسى اكون شخصية كبيره فى البلد دى علشان اساعد الناس و اخلى مصر احسن دولة دة كلام بجد بس متقولش عليا وطنى :d
|
اقتباس:
:d اقتباس:
|
اقتباس:
الله يخليك يا إيزييييل :) يارب تكون شخصية كويسه هو حد يكره بس ازاي تعمل لكده دي النقطة اللي قصدي عليها ازااااااااااااااااااااااي ؟؟؟؟؟ http://a4.sphotos.ak.fbcdn.net/hphot...45208496_n.jpg |
اقتباس:
|
| جميع الأوقات بتوقيت GMT +2. الساعة الآن 03:16 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.