ممكن مساعده
 

مش هقدر أفيدك أوي عن إيه الأصعب خصوصا كل الطرق تؤدي إلى روما , ممكن تسأل في المعادلة , لأن معظم زمايلنا من المعاهد الفني الصناعي كان عندهم مشاكل في بعض المواد زي الفيزيا و الرياضة و الحاسبات إلخ , فا شوف المعادلة لعلها افضل .

بالإضافة اني عاوز أحييك على العزيمة و الإصرار انك تدخل هندسة , ما شاء الله عليك ان شاء الله هتدخلها طالما عندك الإصرار دا , واصل الطريق الي انت اختارته و ان شاء الله تستحمل الي جاي .

مكمل ان شاء الله دعواتكم

انصحك نصيحة ياريت تاخدها بصدر رحب انا لسة مدخلتش هندسة بس خالى مهندس وقاللى ان الثانوية العامة لعب عيال بالنسبة للهندسة وحضرتك كمان كنت صنايع يعنى بجد هتظلم نفسك جامد انت ممكن تشوف حاجة تانية هتعرف تخشها وتشتغل فيها

اخى وحبيبى شكرا على النصيحه انا كنت فى كليه قبل كده ودرست الرياضيات والفيزياء وكل المواد العلميه والادبيه فى الثانويه لانى فى الاصل خريج ازهر يعنى معندناش علمى علوم او علمى رياضه كنا بندرس كل حاجه يعنى مرت عليه المواد دى انا بتكلم على نقطه المعادله او المعهد فقط وياريت اشوف ردك

هل ممكن يكون مستحيل الوصول للهدف ده انا شايف انه بالجد والاجتهاد مفيش حاجه اسمها مستحيل وده اتضحلى من دراستى ايام الكليه والدبلوم وده اللى مشجعنى فالله المستعان

يا شباب محدش يعرف اذا كان العملى بيضاف لمجموع والا لأ لانى من غير العملى مجموع 74.6 والمعادله تقربيا بتقبل من 75% وهل ممكن اعرف اعمل المعادله لو حتى العملى مش بيضفوه ولكن كل المجموع العملى والنظرى 77.5

lمحدش بيرد ليه يا شباب محدش عارف