اخطاء وانتباهات فى التقديم .. هام لجميع الطلبة
 

السلام عليكم ورحمة الله وبركاتة

الموضوع دة عملتة لهدف واحد وهو الوعى لبعض الاخطاء الغير مقصودة من الطالب :)

والموضوع دة شامل لجميع الطلبة الى رايحين كل الكليات مش كلية معينة :022yb4:

اولا _ التقديم للخاص سواء كان جامعة او اكادمية او معهد ( سواء كانت هندسة صيدلة تجارة طب )

اول ما تخلص تانية ثانوى يعنى مرحلة اولى على طووووووووووول تاخد الشهادة بتاعتها ومعاك مبلغ من الفلوس فى حدود 7000 وتروح للجامعة او المعهد الى انت عاوزة وتقدم _ واحد هيسئلنى الان هو ينفع اقدم قبل ما ادخل ثالثة ثانوى واخلصها كمان ... والاجابة هى ايوة تنفع لان دة خااااص مش حكومى فانت بتقدم شهادة تانية ثانوى ولما بتخلص تالتة بتقدم الشهادة بتاعتها

طيب شروط التقديم اية .. الشروط العامة لاى جامعة او معهد هى كلاتى

1 -عدد 6 صور شخصية ذات خلفية بيضاء

2-شهادة اصلية للثانوية العامة حسب مرحلتك وصورة منها

3- شهادة ميلاد اصلية وصورة منها

4- صورة من البطاقة الشخصية

5- مصاريف فى حدود 6 الاف لو كانت اكادمية وفى حدود 10 الاف لو كانت جامعة والاضمن انك تتصل بالجامعة الاول تعرف هما عاوزين مصاريف قد اية

6- بطاقة 2 جند وبطاقة 6 جند ودة للتاجيل التجنيد ( ممكن تقدم البطاقة 2 و6 جند لما تخلص ثانوية عامة خالص )

دة الشروط الاساسية للتقديم فى اى جامعة او معهد
_________________

النقطة الى بعدها تشغيل عقلك __ انت عاوز رقم تلفون جامعة او اكادمية عاوز تسئل سؤال مهم مش لاقى حد عارفة يبقى تتصل ب 140 دليل المصرية وتجيب رقم وعنوان الجامعة او الاكادمية وتتصل بيهم هما خير الناس الى يفيدوك من اى حد اخر ... لازم تشغل عقلك انت هتبقى طالب جامعة :cool::cool:
_____________

النقطة الى بعدها وهى ... هل انا اروح اقدم فى عدد من الجامعات علشان جامعة منهم تقبلنى ... الاجابة هى لا طبعا لسبب انت لما تروح اى جامعة او معهد هتعرف فى نفس الوقت هما قبلوك ولالا ولو قبلوك هياخدو منك الشهادة الثانوية الاصلية والفلوس تبقى اتقبلت والف مبروك

_____________

طيب انا عاوز اعرف انهى الانسب بين الجامعات او المعاهد ...الاجابة هى تدخل على جوجل وتعمل بحث عن الى عاوز تعمل بنهم مقارنة لحد ما توصل للى انت عاوزة انا كنت بعمل كدة لحد ما عينى ورمت بس وصلت للهدف الى انا عاوزة

_________
المعلومة الاخيرة اعرفوا ان مافى شىء بالساهل مش هتلاقى المعلومات جاية لوحدها لحد عندك لازم تتعب وتدور وتسئل هنا وهنا لان ما حد هيفيدك الا انت وفية مثل والله ما فهمتة الا لما كبرت وهو( ما حد هيمسح دمعتك الا ايدك ) حاول تفهمة وانت هتعرف قصدى
________

انا كتبت الموضوع دة علشان اوضح للطلبة اهم الاخطاء الى بيقعوا فيها لانى كنت طالب زيكم وعارف الكلام دة

واخيرا : اتمنى من الله عز وجل ان يوفقكم فى الطريق الصح [SIZE=4]:022yb4::022yb4:

تسلم يامجمد وشكرا على كلامك وبالنسبة للتثبيت يامسهل

لرفع للطلبة

يعنى انا لو عايزة اقدم فجامعة خاصة (هندسة) لو انتظرت بعد التنسيق ايه اللي هيحصل؟

هتلاقى اغلب الجمعات قفلت باب التسجيل والتقدم لات الطلبة جاءت لليها قبل ظهور التنسيق

فاذا لم تسارع يبقى انسى ليك مكان

طب انا عايز ادخل اكاديمية الشروق شعبة كمبيوتر ساينس...و اتصلت بالاكاديمية و قالولى مفيش اى تقديم غير لما تطلع نتيجة التنسيق و تعرف الحد الادنى للقبول...انا قلقان جدا اعمل ايه؟؟؟؟؟؟؟

دة لان الشروق تبع التنسيق لاكن الجامعات الخاصة الى انا بتكلم عنها زى الامريكية او الروسية او البريطانية او الفرنسية او فاروس ما ليهم علاقة بالتنسيق

... بالنسبة لموضوع انك تشوف مجموعها السنة الى فاتت كام ولو كان نفس مجموعك او اقل يبقى توكل على الله وقدم فيها حسب تنسيقها ومرحلتها لو ما كان هو يبقى شوف اى جامعة خاصة بالنسبة لكليتك

تم تثبيت الموضوع لاهميته ..

شكرا ليك

وجزاك الله كل خير

الشروق بتكتبها فالتنسيق المرحلة التانية مفيهاش حجز اماكن و كده

طب يا جماعة الطالب مرحلة تانية يروح يقدم فى الشروق من دلوقتى ولا يستنى معاد التقديم فى المرحلة التانية ولا يعمل ايه؟

ههههههه والله ما عارف اقول اية لان اجابتك فى نفس الصفحة لو دورت كويس وقعد تشوف الاجابات هتعرف اجابتك

تحياتى

الشروق معهد ولا جامعه ؟؟؟؟؟؟؟؟؟؟؟

الشروق معهد طبعا مش جامعة