ساعدوني ربنا يخليكوااااااا ... سؤال محير
 

السلام عليكم اولا .............. انان طالب هدخل تالتة ثانوي شعبة علمي رياضة و جبت في تانية ثانوي 88.5% علما بان ان انا كنت مستهتر شوية لو انا اجتهدت جامد شوية ممكن ادخل هندسة و لا لا و لا احول ادبي بس انا مبحبوش الصراحة . فلو سمحتم ساعدوني . و شكرا

لو شديت حيلك ممكن تلحق هندسة حلوان او هندسة اقاليم بس انت عاوز شغل فحت يعنى تشد حيلك جدااااااا

ما انا عمل حسابي ان ايب 94.5 يعني فدية حلوة ولا ممكن ادخل هندسة حلوان و احول للقاهرة

بص يا سيدى
انت شكلك مش ميولك ادبية ونفسك تدخل هندسة , طبعا ده ممكن , بس لو انت حاسس انك حتقدر تكمل فى علمى رياضة و تجتهد يبقى كمل , بس خلى بالك ان تالتة اصعب بمراحل من تانية , ده غير انك جايب 88.5% و ده معناه انك لو اجتهدت و جبت 100% فى تالتة بالمستوى طبعا حتبقى جايب النسبة الكلية 94.25% , وده طبعا صعب جدا , بس انا مش بعقدك و لكن انا بعرفك صعوبة اللى انت فيه لكن ما فيش حاجة كبيرة على ربنا , و نصيحتى ليك انك تحاول تبدأ من دلوقتى بالمواد السهلة زى علم النفس مثلا لأنه محتاج فهم شخصى و مش صعب لكن تقدر تفهمها لوحدك , و ممكن طبعا تبدأ كمان عربى وانجليزى لانك تعرف تذاكرهم لوحدك , و كل ده طبعا لو قدرت تخلصه قبل الدراسة مش حيتبقى معاك غير الرياضيات 2 و الفيزياء , و ربنا يكرمك , و طبعا متنساش المستوى الرفيع , و ربنا يكرمك اولا و اخيرا .

(مصطفى الشريف)

شد حيلك وطبعا انت ممكن تدخل هندسة وبعد كدة تحول المهم تجيب تقدير محترم ف اعدادى وربنا يوفقك ان شاء الله

انا عارف ان انا تعبتكوا معايا بس يعنيعايز اسالكوا سؤال تاني معلش هوة انا يعني ممكن اخش هندسة بالمموع دة او انا يعني ممكن اعرف اجيبوا لو اجتهدت معلش اصل انا خايف اووي

طيب انا جايبه 95 وفى سنه تانيه ممكن الحق هندسة القاهره ولا ايه ؟

اه طبعا تلحقى بس برده عاوزة مذاكرة زيادة سنة 3 ولازم تشدى حيلك جامد عشان ترفعى ل97% مثلا

شكرا ليك اكيد طبعا انا اصلا لعبت جامد فى سنه 2

ان شاء الله تعوضى ف 3 وخلى بالك كمان ان فيه مستوى رفيع فى 3 ممكن يرفع شوية يعنى تمام ان شاء الله بس لازم تجتهدى جاااااااااااااااااااااامد